JEREMIAH 8:15 - Lai (Hakha) Common Language Bible 2006

¹⁵ Zeihmanh a ṭhami a um lo tikah hin khuaawng pemh kan i ruahchan kho hnga maw? Ṭihnung a tlak cutmat tikah hin dinhnak kan i ruahchan kho hnga maw?

JEREMIAH 8:15 Խաչաձեւ Հղումներ

JEREMIAH 14:19

Judah cu na hlawt hrimhrim ko cang maw? Zion cu na fih ko cang maw? Kan caah damnak a um khawh ti lo tiangin zeicahdah na kan tuk? Zeicahdah caan ṭha deuh cu na kan ruahchanter ṭung, zeihmanh a ṭhami kan hmuh ṭung lo, Zeicahdah damnak caan cu na kan ruahchanter ṭung i rawknak lawnglawng a si ṭung?

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

MIKAH 1:12

Rawhralnak kha a rung ṭum i Jerusalem khua kutka hrimhrim kha a phak caah, Maroth khuami hna cu fak piin an lau.

JEREMIAH 8:11

Ka mi hna cu an hma kha an menpiak ko hna, sihmanhsehlaw a parpavuan lawng a si, ‘A ṭha dih ko lai,’ an ti, A ṭha dih ko lai? Zei cu dah a ṭha dih ko hnga?

JEREMIAH 4:10

Cun kei nih ka thawh i, A, Bawipa Pathian, hi mi hna le Jerusalem khua cu, ‘Daihnak nan hmu lai,’ tiin na rak timi hna kha na hlen diam hna a si ko, zeicahtiah vainam tu nih pei an nunnak cu a chunh kun hna hi, ka ti.

JOB 30:26

Sihmanhsehlaw ṭhatnak ka kawl tikah chiatnak a ra, Ceunak ka hngah tikah muihnak tu a ra.

JEREMIAH 6:25

Lo ah kal hlah u, lam zongah i chawk hlah u, Zeicahtiah ral cu vainam i put in a kenkip ah aa chawk ko.

JEREMIAH 12:12

Ramlak tlangsang hmun kawng ah khan ramhtu an ra phan lulhmalh cang, cu hna cu ram kha khattelei kam in khattelei kam tiang a eitu Bawipa vainam kha an si; dai tein a um khomi zeihmanh an um lo.

EZEKIEL 7:25

Annih cungah therphannak a tlung lai, daihnak kha an kawl lai, sihmanhsehlaw an hmu lai lo.