JEREMIAH 7:6 - Lai (Hakha) Common Language Bible 2006

⁶ ramdangmi le ngakṭah le nuhmei kha dekhleng hna hlah u law hi hmun ah hin a sual lomi thisen kha chuah hlah u law nanmah lila fahnak ding caah pathian dang kha zul hna hlah u.

JEREMIAH 7:6 Խաչաձեւ Հղումներ

JEREMIAH 13:10

Hi miṭhalo hna nih hin ka bia ngaih kha an duh lo; pathian dang kha an zulh hna i an rian an ṭuan hna i an kunhnawh hna. Cucaah annih cu, zeihmanh ah a ṭha ti lomi biar bantuk hi an si lai.

DEUTERONOMI 8:19

Cun Bawipa nan Pathian nan philh i pathian dang kha nan zulh hna i an rian nan ṭuan i nan biak hna ahcun, nan rawk hrimhrim lai, tiah nihin ah hin ralrin kan pek hna.

DEUTERONOMI 11:28

cun Bawipa nan Pathian nawlbia cu nan zulh lo i nan hngalh bal lomi pathian dang hna biak awkah nihin i nawl kan pekmi hna lam nan pial tak ahcun, chiatserhnak a si lai.

JEREMIAH 2:34

Na puan ki ah thisen aa neh — a sual lomi misifak nunnak thi kha. Hi thi cu inn na bauhnak in naa nehmi a si lo, Kuhthing toi kip i rai na thawinak in naa nehmi a si deuh.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

JEREMIAH 19:4

Zeicahtiah hi mi hna nih hin an ka hlawt i hi hmun hi keimah ta si hlah seh law cu bang cun an tuah, anmah nih siseh, an pupa hna nih siseh, Judah siangpahrang hna nih siseh, an hngalh bal lomi pathian hna sinah khan rai an thawi i hi hmun cu a sual lomi thisen kha an khahter.

ISAIAH 59:7

Ṭhat lonak pakhatkhat tuah ding kha khua nan khang zungzal i cu nan khanmi tuah kha a ngan in nan ngang kho lo. A sual lomi thah kha nan i thlachiat bal lo. Nan phaknak kip ah rawhralnak le ṭhat lonak kha nan chiahtak i

DEUTERONOMI 27:19

“ ‘Mipem le pangeilo le nuhmei nih an hmuh awk hnga a simi biading a merhtu cu chiat seh,’ tiah an thanh lai. Cun mi vialte nih, ‘Amen’ an ti lai.

DEUTERONOMI 24:17

“Mipem siseh, pangeilo siseh, a hmuh awk hnga biading cu nan merhpiak lai lo, nuhmei puan zong biahrennak ah nan la lai lo;

MATTHAI 27:25

Mizapi nih cun an dihlak in, “Hi pa thahnak ruang i dantatnak cu kanmah le kan tefa hna cungah tlung ko seh,” an ti.

MATTHAI 27:4

“A sual lomi thihnak ka phakter kha ka sual,” tiah a ti. Sihmanhsehlaw annih nih cun an rak thawh i, “Cucu kan zeidah a poi? Nangmah nih naa tuahnak in vaa tuah ko,” tiah an rak leh.

EZEKIEL 18:6

Khuahrumbo ah khan rawl a ei bal lo, Israel mi siasal kha a zohcho bal hna lo i midang nupi sinah a sual lo i nu kha an hnisuk lioah a naih bal hna lo.

ṬAHNAK HLA 4:13

A kulhnak vampang chungah Miding mi hna thisen a chuahtu A profet hna sualnak ruang le A tlangbawi hna ṭhat lonak ruangah a si.

JEREMIAH 26:23

Izipt ram cun Uriah cu an vung lak i Siangpahrang Jehoiakim sinah an ratpi. Vainam in a rak thah i a ruak cu mi sawhsawh vuinak hmun ah khan an hlonh.

JEREMIAH 26:15

Sihmanhsehlaw nan ka thah ahcun, nanmah le hi khua le a chungah a ummi vialte hi, nan dihlak in, a sual lomi thisen kan chuah caah hin kan sual ti bel hi fiang tein run i hngal u, zeicahtiah hi bia vialte hi nan theihhngan i chim awkah Pathian nih a ka thlah taktak,” tiah a ti.

JEREMIAH 7:5

Nan umtuning le nan thil tuahmi kha i remh u law, pakhat le pakhat ṭhalo piin i ti hlah u law,

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

SALM 106:38

a sual lomi an fanule le an fapale hna cu an thah hna i Kanaan mi siasal hna sinah khan raithawinak ah an pek hna; hi ti an thah hnanak nih hin vawlei kha a thurter.

2 SIANGPAHRANG 21:6

Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. Bawipa mithmuh ah ṭhat lonak tampi a tuah i a thin a hunter.

LEVITIKAS 25:17

Pakhat le pakhat nan i hleng lai lo, sihmanhsehlaw nan Pathian kha nan ṭih lai; zeitintiah keimah cu Bawipa nan Pathian ka si.

JEREMIAH 5:28

An thau i an tlornal. Ṭhat lonak tuahnak ah khan, a za cang ti an hngal lo, Ngakṭah nih khuaawng an ton khawh nakhnga dingah biading in bia an ceih lo i sifak rethei kha an ṭanpi hna lo.

JEREMIAH 7:9

Nannih nih nan fir, lai nan nawng, va cung in pa nan i duh i lih in tehte nan cang, Baal sinah raithawinak nan khangh, nan hngalh lomi pathian kha nan dawi hna.

JEREMIAH 35:15

Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo.

EZEKIEL 22:7

mi nih an nu le an pa hna kha an serhsat hna, ramdangmi kha an hrem hna i ngakṭah le nuhmei kha an rial hna.

LEVITIKAS 19:33

“Khual pakhatkhat nih nan ram ah an pem hna tikah a cungah ṭhat lonak nan tuah lai lo.

PHUNGTHLÛKBIA 23:10

Hlanlio ramri tung kha ṭhial hna hlah, Ngakṭah kha an lo chut hna hlah;