JEREMIAH 7:22 - Lai (Hakha) Common Language Bible 2006

²² Nan pupa hna cu Izipt ram in ka chuahpi hna tikah khan, khangh thawinak kong le raithawinak kong ah zeihmanh nawlbia ka pek ṭung hna lo, cu kong ah zeihmanh ka chim ṭung lo.

JEREMIAH 7:22 Խաչաձեւ Հղումներ

HOSEA 6:6

Ka duh bikmi cu fek tein nan ka dawt hi pei a si cu, nan raithawinak hi a si ṭung lo, Ka mi nih nan ka hngalh hi pei a si cu, khanghthawinak nan ka pekchanh hi a si ṭung lo.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

SALM 40:6

Raithawinak le pekchanhmi thil hi na duhmi an si lo, biakṭheng cungah a pum in khanghmi thawinak sa hi na kan halmi a si lo, kan sualnak thianhnak ca i raithawinak tuah zong hi na kan halmi an si lo, asinain nangmah nih khan na bia kan theih khawh nakhnga ding caah hna tu kha na kan pek i

MARKA 12:33

Cucaah mi nih hin Pathian cu kan lungthin dihlak le kan ruahnak dihlak le kan thazang dihlak in kan dawt awk a si i kan innpa cu kanmah bantukin kan dawt awk hna a si. Hi nawlbia pahnih zulh hi Pathian sin i khangh raithawinak le raithawinak dangdang zong pekchanhnak nakin a ṭha deuh,” tiah a ti.

DEUTERONOMI 17:3

pathian dang kha a zulh hna i an rian a ṭuan i a biak hna i, ni siseh, thla siseh, van i a ummi arfi zeihmanh siseh kan thlauhmi hna kha a biak hna i

JEREMIAH 32:30

Hlan lio tein Israel mi hna le Judah mi hna nih hin ka duh lomi lawngte kha an tuah lengmang ko; Israel mi nih siasal an sermi khan ka thin an ka phawh.