JEREMIAH 7:19 - Lai (Hakha) Common Language Bible 2006

¹⁹ Sihmanhsehlaw a thin an huntermi cu keimah ka si maw, tiah Bawipa nih a ti. Si hlah, anmah tu kha an si deuh, ningzahnak in anmah le anmah aa khuhmi hna kha an si.

JEREMIAH 7:19 Խաչաձեւ Հղումներ

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?

JEREMIAH 20:11

Sihmanhsehlaw Bawipa cu keimah leiah a ṭang i ṭhawng ngai le zaangfahnak ngei in a um, Cucaah a ka hremtu hna cu an ril lai i zeihmanh tuah kho loin an tlu lai. An tuah duhmi kha an tlinter khawh lo tikah An ningzahnak cu a fak ngaingai lai, An minchiatnak cu zeitikhmanh ah philh a si ti lai lo.

JEREMIAH 9:19

Zion i ṭah thawng cu ngai hmanh: Zeitluk in dah kan rawhnak cu ṭihnung a si, Zeitluk in dah kan ningzahnak cu a fah! Kan vawlei cu kan chuahtak cang hna i kan inn cu an cim dih cang.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

ISAIAH 45:16

Siasal a sertu cu an dihlak in ningzahnak an phan lai; an dihlak in mual an pho lai.

ISAIAH 1:24

Cucaah Bawipa, Ralkapbu Bawipa Israel miṭhawng nih a chimmi bia hi ngai tuah u: “Ka ral hna, phu kan hlam cang hna lai i harnak nan ka pe ti lai lo.

ISAIAH 1:20

Sihmanhsehlaw ka bia kha nan ka al i nan ka doh ahcun nan thi ko lai. Hi bia cu Bawipa nih ka chim,” a ti.

JOB 35:6

Na sual a si ah, zeidah amah ralchanh in na tuah khawh? Cun na phungbuarnak cu a tam chin zongah, amah cu zeitindah na ti khawh hlei?

EZRA 9:7

Kan pupa hna chan in nihin tiang mawhnak nganpi kan tuah lengmang ko; cun kan ṭhat lonak caah cun kanmah le kan siangpahrang hna le kan tlangbawi hna cu ramdang siangpahrang hna kut chungah pek kan si i vainam le saltannak le ramhnak le mualphonak cu nihin i bang hin rak in lengmang kan si.

DEUTERONOMI 32:16

Ram dang pathian hna in a nah an chuahter Fihnung an tuahnak in a thin an hunter.

JEREMIAH 2:17

Bawipa nan Pathian nih lam an hruai hna tikah, Nanmah nih amah kha nan zamtak caah, Mah hi vialte hi nanmah nih nanmah lila cungah nan i tlunter, a si lo mei?

JEREMIAH 8:19

Ram hlapi ah a ummi ka mi hna au thawng cu ngai hmanh: ‘Bawipa cu Zion ah a um lo maw? A Siangpahrang cu a chungah cun a um ti lo maw?’ tiah an au. Zeicahdah an siasal hna le ramdang pathian hna in ka thin an ka phawh? a ti.

JEREMIAH 15:9

Fapa pasarih a ngeimi nu kha thlalau in mah hngal loin a ril ko, Chun a si ko rih lioah a ceunak cu a mit cang; Ningzak le hmaichia in a ril ko. Cun annih lak i a tang rihmi vialte hna cu vainam in thih awkah an ral hna kut chungah ka pek cang hna,” tiah Bawipa nih a ti.

JEREMIAH 22:22

Nan hawile vialte cu thlitu nih a kalpi hna lai i Nanmah an dawtu vialte hna kha saltannak chungah an lut lai. Khi tikah nan ṭhat lonak ruangah ningzahnak le nautatnak nan in lai.

JEREMIAH 25:7

Sihmanhsehlaw ka bia nan ngai lo, nan kut nih a sermi siasal khan ka thin nan ka phawh, cucaah nanmah lila nih nanmah cungah harnak nan i tlunter,” tiah Bawipa nih a ti.

JEREMIAH 44:3

hihi zei ruangah dah a si, ti ahcun, an hngalh bal lomi pathian kha an zulh hnanak thawng le cu pathian hna sinah raithawinak an khanghnak thawngin ka thin a ka phoktu hna ṭhat lonak ruangah khan a si. Hi a tuahtu cu nanmah le nan pupa hna kha nan si.

EZEKIEL 16:26

A hormi na innpa Izipt he khan sualnak na tuah i sualnak na tuahmi a rel in rel cawk a si lomi nih khan ka thin a ka phawh.

JEREMIAH 3:25

Ningzak in it ko u sih, kan mualphonak nih khan kan khuh ko seh, Zeicahtiah kanmah le kan pupa hna nih Bawipa kan Pathian cungah khan Hlanpi in atu tiang kan sual i Bawipa kan Pathian kha a bia kan ngai lo,” nan ti.