JEREMIAH 7:12 - Lai (Hakha) Common Language Bible 2006

¹² Ka min ka rak umternak hmasa, Shiloh khua i ka hmun thiang ah khan va kal u law, ka mi Israel mi hna ṭhat lo ruangah khakha zeitindah ka tuah ti kha va zoh tuah u.

JEREMIAH 7:12 Խաչաձեւ Հղումներ

JEREMIAH 26:6

hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti.

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.

1 SAMUEL 4:22

Cun amah nih cun, “Sunparnak cu Israel sinin aa ṭhial cang, zeitintiah Pathian kuang cu tlaih a si cang,” tiah a ti.

BIACEIHTU 18:31

Cucaah Mikah nih a sermi milem cu, Shiloh i Pathian inn ah a um chung cu, annih nih anmah caah an i chiah.

1 SAMUEL 1:3

Cun hi pa cu kumfate in, Eli fapa pahnih Hofni le Phinehas, Bawipa tlangbawi an sinak Shiloh khua ah khan, ralkapbu Bawipa biak awk le raithawi awkah, amah khua in a hung kal tawn.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

JOSHUA 18:10

Shiloh ah cun Bawipa hmaiah Joshua nih camcawh fung a khiahpiak hna. Khika ah Joshua nih Israel mi hna cu ram kha a cheuh hna, an vo cio kha, a pek hna.

JEREMIAH 7:14

Cucaah Shiloh cung i ka tuahmi kha hi inn ka min umnak inn nan pupa hna sinah ka pek i nannih nih nan i bochanmi inn cungah hin ka tuah lai;

1 SIANGPAHRANG 9:7

khi tikah Israel mi cu ram ka rak pekmi hna chung khan ka hloh hna lai i ka min ca i ka thiantermi inn hi ka mit hmuh phak lo ah ka hlonh lai; cun Israel cu phungthluk bia le nihchuak capo bia ah mi vialte lakah a cang lai.