JEREMIAH 6:15 - Lai (Hakha) Common Language Bible 2006

¹⁵ Annih nih hi fihnung a simi thil hna kha an tuah tikah an ning a zak maw? Zak hlah ee, an ning a zak hrimhrim lo; hmaisen zong kha an hngal lo. Cucaah a tlumi hna sinah an tlu ve lai; dan ka tat hna tikah an dih lai, tiah Bawipa nih a ti.

JEREMIAH 6:15 Խաչաձեւ Հղումներ

GENESIS 19:34

A thaizing ah upa u nih khan ngakchia u cu a thawh i, “Zahan ah khan kan pa cu ka ihpi cang; tu zan ah hin ritter rih u sih law ka tuah bantuk khan nang nih va tuah ve. Cun kan pahnih in kan pa thawngin tefa kan ngei veve lai,” a ti.

EXODUS 32:34

Atu cu va kal law kan chimhmi hmun leiah khan mi cu va kalpi ko hna. Ka vancungmi nih lam an hruai hna lai kha va philh hlah, asinain an cung i rian ṭuan awkah ka rat tikah cun, an sual ruangah dan ka tat hna lai,” a ti.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 3:9

Ṭhat lonak lungthin an paw chung i an i chiahmi hrimhrim kha anmah sual phawtu tehte a si te lai. Sodom mi nih langhngan rumro in an rak sual bantukin annih zong nih an tuah ve. Annih cu an lo ko cang, cucu anmah nih anmah cung lila i an i tluntermi a si.

JEREMIAH 14:15

Cucaah, vainam le mangṭam cu hi ram ah hin a tlung lai lo,” a titu profet hna, ka thlah hna naloin ka min in bia an chimmi kong ah cun, Bawipa nih hi bangin a ti: Cu profet hna cu vainam le mangṭam in an thi lai.

JEREMIAH 18:23

Asi, Maw Bawipa, nangmah nih keimah thahnak ding caah an timhmi vialte cu na hngalh dih ko; An ṭhat lonak kha hlohpiak hna hlah law, an sualnak kha hnawhpiak hna hlah. Ril cuahmah in na hmaiah chuahpi an si tikah, Na thinhun ni ah an cungah cun ṭuan ko.

JEREMIAH 23:12

Cucaah an lam cu an lamh tikah a nal lai; Mui lakah an i ṭhek lai i an tlu lai, An cungah harnak ka tlunter lai, an dantatnak caan cu a ra lio, tiah Bawipa nih a ti.

JEREMIAH 3:3

Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

JEREMIAH 44:10

Nihin ni tiang hin ngaihchiatnak nan ngei lo i hmaizahnak zong nan ngei rih lo, nan pupa hna le nanmah hmai i ka chiahmi ka phungbia le ka nawlbia kha nan zul hna lo.

JEREMIAH 5:29

Hi thil hna ruangah hin dantat loin maw ka um hna hnga? Miphun hi bantuk cungah hin phuhlam loin maw ka um hnga? tiah Bawipa nih a ti.

JEREMIAH 5:9

Hi thil hna ruangah hin, dantat loin maw ka um hna hnga? tiah Bawipa nih a ti; Cun hi bantuk miphun cungah hin phuhlam loin maw ka um hnga?

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

JEREMIAH 8:9

Nan mifim hna cu ningzahnak an phan, An lung aa tuai i chikkhatte ah khulrang tein thil hngalh khawhnak fimnak an ngeihmi kha an thlau cang. Bawipa bia cu zei ah an rel ti lo, An fimnak cu zei bantuk fimnak dah a si?

EZEKIEL 13:14

Si rang nan thuhmi inn cu ka chimh lai i vawlei ah ka hrilh lai i a hram kha an lang dih lai. A tlu lai i cu chungah cun nannih zong hrawh nan si chih lai; cuticun Bawipa ka si kha nan hngalh lai.

EZEKIEL 2:4

An pupa thawk in nihin ni hrimhrim tiangin keimah kha an ka doh lengmang ko i atu i nangmah kan thlahnak zong hi mi lungṭhawng le mi lungkhong mi chan a si.

EZEKIEL 24:7

Khuapi chungah thisen an chuahmi cu cu khua laifang ah cun a um ko rih i Cu thisen cu lung cungah khan an thlet, Leidip tal nih khuh seh tiin vawlei hmanh ah khan an thle lo.

HOSEA 4:5

Chun zan in nan palh lengmang ko i profet hna zong nih khan nanmah nakin zeihmanh a ṭha deuh in an tuah hlei lo. Nan nu Israel cu ka hrawh lai.

HOSEA 9:7

Dantatnak ni cu a phan cang, phuhlamnak ni cu a phan cang; Israel cu ṭhumh a si cang. Khi tikah nan sualnak a nganmi nih khan profet cu mihrut ah a ser hna lai i hmutu cu mimolh ah a ser hna lai.

MIKAH 3:6

Ka mi hna cu a pingah nan hruai hna caah langhnak zeihmanh nan hmu ti lai lo i zeihmanh nan rak chimchung kho ti fawn lai lo. Profet hna, nan ni cu a dong dengmang cang; ni nih an liamtak dengmang cang hna.

MIKAH 7:4

An lak i miṭha bik hna le lihchim lo bik hna hmanh kha hlingbur bantuk an si. Pathian nih dan kan tat hna lai tiah ralrinnak a pek cang hna bangin Mi cu dan a tat hna lai ni kha a phan cang. Annih cu vansang au in an um dih lai.

ZEFANIAH 2:1

I pum tuah u, ningzah hngal lomi miphun, i pum tuah u, Lamhlatpi ah ṭhawl nan si i favai bangin nan loh hlan le

ZEFANIAH 3:5

Sihmanhsehlaw a chung i a ummi Bawipa cu a ding i ṭhat lonak kha zeihmanh a tuah lo; Zing fate in pel lo tein khuadei kate ah a biakhiahnak kha a langhter zungzal. Asinain miding lo hna nih cun ṭhat lonak kha an tuah lengmang ko i ningzah zong zeihmanh an hngal lo.

ZEKHARIAH 13:4

Khi ni ah cun profet nih bia an chim tikah langhnak an hmuhmi kha an i zahpi cang lai, cuhleiah mi hlennak ah sahmul hrat angki fual kha an i hruk ti lai lo.

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.