JEREMIAH 52:12 - Lai (Hakha) Common Language Bible 2006

¹² Babilon siangpahrang a bawi kum hleikuanak, thla nganak thla, cu thla ni hra ni ah khan, Babilon siangpahrang pum ralvengtu ralkap hna haotu Nebuzaradan cu Jerusalem ah a lut.

JEREMIAH 52:12 Խաչաձեւ Հղումներ

2 SIANGPAHRANG 25:8

Thla nganak thla, a ni sarihnak ni ah, cucu Babilon siangpahrang Nebukhadnezzar Siangpahrang a bawi kum hleikuanak a si — Babilon siangpahrang sinum, a pum ralvengtu haotu Nebuzaradan kha Jerusalem ah a ra.

ZEKHARIAH 8:19

“Thla linak thla, thla nganak thla, thla sarihnak thla le thla hranak thla i rawl ulhnak hna cu Judah innchungkhar caah lawmhnak le nuamhnak puai ah an cang lai. Biatak le daihnak cu duh ko u,” a ti.

JEREMIAH 52:29

Nebukhadnezzar a bawi kum hleiriat kum ah Jerusalem in za riat sawm thum le pahnih;

JEREMIAH 39:9

Ralvengtu hna haotu Nebuzaradan nih khuachung i a tangmi hna le anmah sin i a zammi hna le zungthiam a tangmi hna cu Babilon ah sal ah a kalpi hna.

2 SIANGPAHRANG 24:12

cun Judah siangpahrang Jehoiachin cu, a nu he, a sinum hna he, a bawi hna he, a siangpahrang inn bawi hna he khan Babilon siangpahrang sinah cun a vaa pe. A bawi kum riatnak kum ah khan Babilon siangpahrang nih cun sal ah a tlaih i

JEREMIAH 52:14

Ralvengtu ralkap hna haotu le Khaldi mi ralkap hna nih cun Jerusalem velchum i kulhnak vampang cu an chimh dih.

GENESIS 37:36

Cun Midian pawl nih khan Josef cu Izipt ram ah khan Faro bawi pakhat a simi Potifar sinah an va zuar; amah cu siangpahrang inn cawngtu hna haotu bawi a si.

EZRA 5:12

Sihmanhsehlaw kan pupa hna nih vancung Pathian cu a thin an phawh caah Khaldi mi Babilon siangpahrang Nebukhadnezzar kut chungah annih cu a rak chanh hna i amah nih cun hi inn hi a hrawh i mi cu Babilon ah a rak kalpi hna.

NEHEMIAH 2:3

Cun siangpahrang cu ka thawh i, “Siangpahrang cu zungzal in nung ko seh! Ka pupa hna thlan umnak khuapi cu a rawh ko i a kutka hna cu mei nih a kangh dih hna tikah hin, zeicahdah hmaichia loin ka um hnga,” tiah ka ti.

SALM 79:1

Maw Pathian, lawkihmi nih na mi hna kan ram hi an rung chim; na biakinn thiang cu an thurhhnawmh i Jerusalem cu an hrawh dih.

DANIEL 1:1

Judah siangpahrang Jehoiakim a bawi kum thumnak ah Babilon siangpahrang Nebukhadnezzar cu Jerusalem ah a ra i a kulh.

JEREMIAH 1:3

Judah siangpahrang Josiah fapa Jehoiakim chan zongah khan a phan i Josiah fapa Zedekiah, Judah siangpahrang, a bawi kum hleikhatnak a dongh tiang khan a phan. Cu kum thla nganak chungah khan Jerusalem mi cu sal ah khan kalpi an si.

JEREMIAH 32:29

Hi khua a dotu Khaldi mi hna kha an ra lut lai i hi khua cu mei in an duah lai i an khangh lai. Keimah thinhunter awkah Baal sinah inn cungah raithawinak an khanghnak inn hna le pathian dang hna sinah thlet thawinak an pekchanhnak inn hna zong kha an khangh dih hna lai.

JEREMIAH 39:11

Babilon siangpahrang Nebukhadnezzar nih cun Jeremiah kong ah ralvengtu haotu Nebuzaradan cu nawl a pek i,

DANIEL 2:14

Siangpahrang pum ralvengtu bawi Ariok cu, Babilon mifim pawl kha thah awkah aa thawh tikah khan, Daniel nih ralring te le fim tein a va nawl i,