JEREMIAH 51:57 - Lai (Hakha) Common Language Bible 2006

⁵⁷ A bawi hna le a mifim hna le a ram ukbawi hna le ralbawi hna le ralkap hna cu Ka ritter hna lai; A dong lomi hngilhnak chungah an tla lai i an i hlau ṭhan ti lai lo, tiah Siangpahrang, a min Ralkapbu Bawipa a simi nih a ti.

JEREMIAH 51:57 Խաչաձեւ Հղումներ

JEREMIAH 46:18

“Ka nun bangin,” tiah Siangpahrang, a min Ralkapbu Bawipa a simi nih cun a ti. Tlang hna lak i Tabor tlang a san cem bantuk le Karmel tlang cu rili cung sangpi ah aa hlorh bantukin Nangmah an dohtu dingmi a ṭhawnnak cu a si lai.

JEREMIAH 48:15

Moab le a khua hna a hrawktu cu a ra cang, A tlangval hna lak i a ṭha bikbik cu an thi dih cang, tiah Ralkapbu Bawipa a min a simi Siangpahrang nih a ti.

JEREMIAH 25:27

Annih cu na thawh hna lai i, ‘Hi ti hin Ralkapbu Bawipa, Israel Pathian nih a ti: Hihi ding u, ri u law lua u; nan lak i ka thlah dingmi vainam hmaiah hin tho ti lo dingin tlu u,’ na ti hna lai.

JEREMIAH 51:39

An zu dinnak cu zawtnak in ka donghter lai i An rit tuk ah an i ngerh len lai i an i lawng len lai. A dong lomi hngilhnak chungah khan an tla lai i An i hlau ti lai lo, tiah Bawipa nih a ti.

BIAPHUAN 18:9

A sualnak le a hornak chungah aa bual vemi vawlei cung siangpahrang hna nih khan a kanghnak meikhu cu an hmuh tikah khuapi cu an ṭah lai.

MALAKHI 1:14

‘A tuurun chungah a ṭhami tuukawng a ngei ko nain a biakam tlinternak caah Bawipa sinah hlennak in do a tla lomi saṭil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an ṭih, tiah ralkapbu Bawipa nih a ti.

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

ISAIAH 44:25

Kut ṭial zohthiam kha mihrut ah ka canter hna i arfi zohthiam nih an chimchungmi kha pakpalawng ah ka canter. Mifim hna fimnak bia cu pakpalawng ah ka ser i an fimnak cu hruhnak a si kha ka langhter.

JEREMIAH 13:13

Khi tikah na thawh hna lai i, ‘Hi bangin Bawipa nih a ti: Hi ram chung i a ummi vialte hna hi an rit hlan tiang, mitsur hang in ka khahter hna lai — bawiṭhutdan ah a ṭhumi siangpahrang David tefa hna, tlangbawi hna le profet hna le Jerusalem i a ummi vialte hna hi ka ritter hna lai.

JEREMIAH 50:30

Cucaah a tlangval hna cu khualak lam ah khan an ril lai i Khi ni ah a ralkap hna cu thihnak chungah dai tein an it lai, tiah Bawipa nih a ti.

EZEKIEL 20:33

Nannih cu a ṭhawngmi kut in kan uk hna lai i ka baan kha kan samhhnawh hna lai i ka thinhunnak kha kan toih hna lai, tiah ka nun bangin ka chim, tiah Bawipa Pathian nih a ti.

NAHUM 3:18

Maw Assiria siangpahrang, na tuukhal hna cu an i hngilh, Na saṭil run cawngtu hna cu an it, Na ralkap hna cu tlang kip ah an i ṭhek dih i ahohmanh nih an pum hna lo.