JEREMIAH 51:56 - Lai (Hakha) Common Language Bible 2006

⁵⁶ Hrawktu cu Babilon hrimhrim ah khan an phan cang, A ralkap cu an tlaih hna i an likuk cu an khiahpiak hna. Bawipa, teirul cham hmangmi Pathian nih a lehrulh hrimhrim hna lai.

JEREMIAH 51:56 Խաչաձեւ Հղումներ

HABAKKUK 2:8

Miphun tampi kha nan ramh hna. Asinain a tangmi nih khan an in ramh ve hna lai. Lainawnnak nan tuahmi le vawleicung mi hna le khualipi chungah ṭhat lonak nan tuahmi ruangah an in ramh hna lai.

JEREMIAH 51:48

Van le vawlei le a chung i a ummi thil vialte hna nih, Babilon cu a tluk caah lunglawmhnak in hla an sa lai; Zeicahtiah chaklei in a rami ral hna nih, amah cu an tei lai, tiah Bawipa nih a ti.

JEREMIAH 51:6

Babilon in zam tuah u, nan nunnak i khamh cio tuah u! Cu ti nan tuah lo ahcun, Hi caan hi Bawipa nih phu a hlam caan, lehrulhnak a pek caan a si caah Amah sualnak ruangah khan nan rawk ve sual lai.

SALM 46:9

Hi vawleicung pumpi ah ral cu a daihter dih ko hna, likuk cu a khiah hna i fei cu a hrawh dih hna, phaw hna cu mei in a khangh dih hna.

JEREMIAH 51:24

Cu bantukin Babilon le Khaldi mi hna cu Na mit hmuh i Zion cung i ṭhat lonak an tuahmi ruangah Teirul ka cham hna lai, tiah Bawipa nih a ti.

ISAIAH 59:18

A ral cu an tuahmi ning khan dan a tat hna lai, lamhlapi i a ummi hmanh kha dan a tat hna lai.

SALM 76:3

Cuka ah cun ral pawl an cantiang kha a khiah dih hna i an phaw le an nam zong kha a hrawh dih hna — an hriamnam vialte kha a hrawh dih.

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

BIAPHUAN 19:2

A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 17:16

Ki pahra na hmuhmi le sahrang nih khan hlawhhlangnu kha an huat lai i a ngeihmi vialte kha an chuh dih lai i taklawng in an chiah lai; a sa kha an ei lai i amah cu mei in an khangh lai.

2 THESALON 1:6

Pathian nih a hmaanmi thil kha a tuah lai. Sifahnak nan cungah a tluntertu hna cungah khan sifahnak a tlunter ve lai i

EZEKIEL 39:9

Israel ram khuami hna nih khan an chuak lai i hi hriamnam hna cu mei tih awk thing ah an hman hna lai: phawpi he phawte he; li le thal, thingtan le fei — kum sarih chung hi thil hna hi mei tih awkah an hman hna lai.

EZEKIEL 39:3

Na kehlei kut i likuk cu ka tuk lai i na orhlei kut i cantiang cu ka den dih hna lai.

JEREMIAH 51:30

Babilon ralkap hna nih raltuk an ngol cang, An ralhruang chungah khan a thuh in an i thup; An ralṭhatnak a dong cang i nu bantuk an si cang. A inn cu mei in an khangh hna i a kutka hrenhnak hna cu an kiak cang.

JEREMIAH 50:36

Nal profet hna cungah vainam aa thlai ko, annih cu mihrut an si cang; A ralkap hna cungah aa thlai ko, annih cu an lung a dong cang;

JEREMIAH 50:10

Khaldi mi cu ramh an si lai i a ramhtu hna nih khan an duhmi paoh cu tling tein an i lak lai, tiah Bawipa nih a ti.

JEREMIAH 49:35

Hi bangin Ralkapbu Bawipa nih, a ti: Zohhmanh, Elam likuk, an ṭhawnnak hriamnam ṭha bik cu ka khiah lai;

ISAIAH 35:4

A lung a dongmi cu, “Na thinphang hlah, lungṭhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

ISAIAH 34:8

Hi caan hi Bawipa nih Zion kha a khamh i a ral hna cungah phu a hlam caan kha a si lai.

ISAIAH 21:2

Langhnak ka hmuhmi cu ṭihnung a si ko, i rawinak le i lainak, rawhralnak langhnak a si. Elam ralkap hna, tu tuah u. Media ralkap hna, khuapi kha kulh hna u. Babilon nih a tluntermi temhinnak kha a dong cang lai.

SALM 137:8

Babilon, hrawh na si cang lai! Kan cung i na tuahmi ruangah, teirul an chamtu cu an i lawm lai,

SALM 37:15

sihmanhsehlaw anmah nam lila nih an keng ah a chunh hna lai i an likuk cu an kiak dih lai.

1 SAMUEL 2:4

A ṭhawngmi an likuk cu an kiak, Sihmanhsehlaw a derthawmmi nih thazang an i hruk.

GENESIS 49:24

Sihmanhsehlaw an li cu a kiak dih, an baan tha cu a cat dih. Cu a chattu cu Jakob Pathian Ṭhawng lianhngannak le Israel Lungpi Tuukhal min a si.

JEREMIAH 51:53

Babilon cu van tawng in sang in, A kulhnak vampang hna cu ahohmanh kai khawh loin ser si hna hmanh seh law, A cungah hrawktu ka thlah hna lai, tiah Bawipa nih a ti.

AMOS 2:15

Thal kah thiammi kha fek tein a dir kho hlei lai lo, Khulrang in a le khomi zong kha a luat hlei lai lo. Rangcung ralkap zong kha amah le amah aa khamh kho hlei lai lo.

OBADIAH 1:15

“Miphun vialte kha Bawipa nih bia a ceih hna lai ni a nai cang. Edom, na tuahmi kha na cungah a tlung ve lai; Na tuahmi kha na lu cungah a kir ṭhan lai.

ṬAHNAK HLA 3:64

Maw Bawipa, an tuahmi ruangah lehrul ko hna, Annih nih hmuh awkah an i tlakmi cu pe ko hna.