JEREMIAH 51:35 - Lai (Hakha) Common Language Bible 2006

³⁵ Kan cung i zaang-ennak tuahmi le phuhlamnak tuahmi hi Babilon cungah tla seh, an ti lai. Jerusalem i a ummi hna nih, Kan thisen cu Khaldi ram i a ummi hna cungah tla seh, an ti lai.

JEREMIAH 51:35 Խաչաձեւ Հղումներ

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

JEREMIAH 50:29

Nan cantiang in paw vungmang in Babilon cu kap u, Nannih nan likuk a za sih cia in a ummi hna. A velchum in nan riahbuk in kulh u, pakhat hmanh luatter hna hlah u. Ṭhat lonak a tuahmi thil vialte kha lehrul dih u; Amah nih Bawipa, Israel Mi Thiang kha zei ah a rel lo caah Amah nih a rak tuah bantuk khan a cungah tuah ve u.

BIAPHUAN 18:6

Amah nih a rak in tuah hna bantukte khan amah cu tuah ṭhan ve u; a let hnih in cham u, Nanmah din awkah a rak tuahmi a let hnih ṭhawng khan, Amah din awk cu a hrai chungah khan serpiak u.

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

BIAPHUAN 6:10

Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

MATTHAI 7:2

midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.

ZEKHARIAH 1:15

sihmanhsehlaw zaang awl ngaiin a um komi miphun hna an cungah hin ka thin a hung, zeicahtiah ka thinhunnak cu a nemte a si ko lioah khan, annih nih ṭhat lonak kha pakhat hnu pakhat an chap chin lengmang.

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

SALM 9:12

Pathian nih hremnak a ingmi kha a philh hna lo i an aunak kha a philh lo: an cung i ṭhat lonak a tuahtu kha dan a tat hna.

BIACEIHTU 9:24

mah cucu, Jerubbaal fapa sawm sarih hna cung i sumṭhen loin an tuahnak kha a tlun i, an thi cu anmah a thattu hna an unaupa Abimelek le a unau hna thah awkah a kut a ṭhawntertu hna Shekhem khuami cungah khan, chiah a si nakhnga caah a si.

BIACEIHTU 9:20

sihmanhsehlaw cu bantukin a si lo ahcun, Abimelek chung hin mei chuak seh law, Shekhem le Beth-millo khuami kha kangh hna seh; cun Shekhem le Beth-millo khuami chung khan mei chuak ve seh law, Abimelek kha kangh ve seh,” tiah a ti.

GENESIS 16:5

Khi tikah Sarai nih Abram cu a thawh i, “Hagar nih zeihmanh i a ka rel lo hi nangmah palh a si. Keimah hrimhrim nih ka sal cu kan pek i fa ka pawi ti aa hngalh cangka keimah kha a ka serhsat. Cucaah kannih pahnih lakah hin ahodah a ding ti kha Bawipa nih kan ceih seh,” tiah a ti.

JEREMIAH 50:10

Khaldi mi cu ramh an si lai i a ramhtu hna nih khan an duhmi paoh cu tling tein an i lak lai, tiah Bawipa nih a ti.

HABAKKUK 2:17

Lebanon tupi kha nan ṭhiam hna, atu cu nanmah zong ṭhiam na si ve lai. A chung saram kha nan thah hna, atu cu saram nih khan nan thin an in phanter hna lai; Lainawnnak nan tuahmi ruang le vawleicung mi hna le a khualipi hna cung i zaang-ennak nan tuahmi ruangah, hihi cu nan cungah a tlung lai.

JEREMIAH 51:24

Cu bantukin Babilon le Khaldi mi hna cu Na mit hmuh i Zion cung i ṭhat lonak an tuahmi ruangah Teirul ka cham hna lai, tiah Bawipa nih a ti.

ṬAHNAK HLA 1:22

Ṭhat lonak an tuahmi vialte cu na hmaika kha phan ko hna seh; Ka ṭhat lonak vialte ruangah nangmah nih na ka hrem bantukin Annih zong hrem ve ko hna; Zeicahtiah ka aihramnak cu a tam ko i Ka lung cu a tha a ba ko.