JEREMIAH 51:30 - Lai (Hakha) Common Language Bible 2006

³⁰ Babilon ralkap hna nih raltuk an ngol cang, An ralhruang chungah khan a thuh in an i thup; An ralṭhatnak a dong cang i nu bantuk an si cang. A inn cu mei in an khangh hna i a kutka hrenhnak hna cu an kiak cang.

JEREMIAH 51:30 Խաչաձեւ Հղումներ

SALM 107:16

Dar innkhar kha a khuai dih hna i thirfung kha a tan dih hna.

SALM 147:13

Amah nih na kutka kha a fehter hna, na mi kha thluachuahnak a pek hna.

SALM 76:5

An ralkap ralṭha pawl cu an hranchaw kha na chuh hna i atu cu thihnak hngilh in an i hngilh cang; an hriamnam a run hmangtu dingah a tangmi pakhat hmanh an um lo.

ISAIAH 19:16

Izipt mi cu nu bantukin an ral a chiat caan a phan lai. Ralkapbu Bawipa nih anmah dantat awkah a kut a samh kha an hmuh tikah a ther in an ther lai.

ISAIAH 47:14

“Annih cu capawl pelpawi bantuk men an si lai i mei nih a kangh dih hna lai. Anmah le anmah hmanh an i khamh kho lai lo. Mei cu toh nuam mei men a si lai lo, an ca i a lin tukmi mei a si lai.

JEREMIAH 48:41

Khuapi hna cu lak an si lai i ralhruang hna cu tlaih an si lai; Khi ni ah cun Moab ralkap hna lung cu Naunganfah a ing liomi nu lung bantukin a dong lai;

JEREMIAH 50:15

Amah cu teinak in auhnawh u, a kut a hler cang; A ralvennak buk kha an cim cang, a ralhau kha an rawk cang; Mah hihi Bawipa nih a cungah phuhlamnak a tuahmi cu a si. Amah cungah cun phuhlamnak tuah ve u, Amah nih a rak tuah bang khan a cungah tuah ve u.

JEREMIAH 51:32

Tiva tannak hna kha ral nih an tlaih cang hna i Ralhau cu mei in an khangh hna i Ralkap cu zeiti um awk hngal loin an um, an ti.

JEREMIAH 51:57

A bawi hna le a mifim hna le a ram ukbawi hna le ralbawi hna le ralkap hna cu Ka ritter hna lai; A dong lomi hngilhnak chungah an tla lai i an i hlau ṭhan ti lai lo, tiah Siangpahrang, a min Ralkapbu Bawipa a simi nih a ti.

ṬAHNAK HLA 2:9

A kutka hna cu vawlei chungah an pil, Kutka hrolh hna cu a den hna i a tan dih hna; A siangpahrang le a uktu bawi hna cu Jentail mi sinah an um i phung cu a um ti lo; A profet hna zong nih Bawipa sinin langhnak an hmu fawn lo.

AMOS 1:5

Damaskas mingan vialte cu ka den dih hna lai i Aven nelrawn i a ummi vialte le Beth-eden a uktu bawifung aa putmi cu ka hloh dih hna lai; Aram mi hna cu Kir ah sal ah hruai an si lai. Cucu Bawipa bia a si.

NAHUM 3:13

Nan lak i a ummi ralkap hna cu nu bu men a si; Nan ram kutka hna cu nan ral hna hmaiah an i hung ko i An hrenhnak thingthluan hna kha mei nih a kangh dih hna.

BIAPHUAN 18:10

Temhnak a inmi kha an ṭih caah a langhlat piin an dir i cuka cun an i thawh i, “Ṭih a hei nung hringhran dah! Mi tuksa a hei pur hringhran dah! Babilon khualipi, khua lianngan le khua ṭhawng! Suimilam pakhat chungah na rawk dih ko!” an ti lai.