JEREMIAH 51:15 - Lai (Hakha) Common Language Bible 2006

¹⁵ Pathian nih vawlei hi a ṭhawnnak in a ser, Vawlei hi a umnak hmun ah hin a fimnak in a umter; Van khi a thiamnak in a samh hna.

JEREMIAH 51:15 Խաչաձեւ Հղումներ

JOB 9:8

Amah nih van cu a samh hna i rili tilet hna cu a lamh hna.

SALM 104:2

ceunak in naa tuam. Van khi puan thlam bantukin na samh hna i

SALM 104:24

Bawipa, na sermi thil hi an tam hringhran ko! An dihlak in fimnak in na ser hna. Vawlei cu na sermi thil in a khat.

SALM 107:25

Nawl a pek i thlichia a hrang i tilet a tho.

SALM 136:5

A fimnak in van khi a ser hna, a dawtnak cu zungzal in a hmun.

PHUNGTHLÛKBIA 3:19

Bawipa nih fimnak in vawlei kha a rak dirh; hngalhthiamnak in van kha a hmunhter hna;

ISAIAH 40:22

Vawlei leng le van pin i a bawiṭhutdan cung i a ṭhumi nih khin vawlei cu a ser; a cung i a ummi hna cu khaubawk bantuk men an si. Van cu puanzar bantukin a zam i mi umnak thlam bantukin a samh.

ISAIAH 40:26

Van khi zoh tuah u! Nan hmuhmi arfi khi aho nih dah a ser hna? Ralkapbu bantukin a hruaitu hna nih khin a ser hna; zeizat an si kha a hngalh i an dihlak in an min in a auh hna! A ṭhawnnak cu a lianngan hringhran ko — pakhat hmanh an tlau bal lo!

ISAIAH 42:5

Pathian nih van khi a ser hna i a samh hna; vawlei le a cung i a ummi thilnung vialte kha amah nih a ser hna; vawlei cung i a ummi vialte kha nunnak le thaw a pek hna. Cu Bawipa Pathian nih cun a sal cu a thawh i,

ISAIAH 44:24

“Keimah cu Bawipa, nanmah an sertu hna le an khamhtu hna ka si. Keimah cu zeizong vialte a sertu Bawipa ka si. Keimah lawnglawng nih van cu ka samh hna; vawlei ka rak ser ah hin ahohmanh nih an ka bawm lo.

ISAIAH 45:12

Vawlei a sertu cu keimah ka si i a cung um dingah mi a sertu cu keimah ka si. Ka ṭhawnnak in van cu ka samh hna i ni le thlapa le arfi cu ka uk hna.

ISAIAH 48:13

Ka kut in vawlei hram kha ka ser hna i van kha ka samh hna. Van le vawlei kha ka auh hna tikah, khulrang tein an ra chuak.

ISAIAH 51:13

Nanmah kha an sertu hna le van kha a samh i vawlei hram a bunhtu Bawipa kha nan philh cang dahra? Nanmah an hremtu hna an thinhun le nanmah thah an zaltu hna an thinlinh cu zeicahdah ṭih zungzal in nan um? An thinhunnak nih cun a tawngh hmanh an tawng kho hna lai lo.

JEREMIAH 27:5

‘Ka ṭhawnnak a nganmi le aa samhmi ka baan in vawlei cu ka ser i vawlei cung i a ummi minung le saram hna cu ka ser hna; cun aa tlak ti i ka ruahmi sin paoh ah ka pek khawh.

JEREMIAH 32:17

‘Maw Bawipa Pathian, Na ṭhawnnak a nganmi le samhmi na ban in van le vawlei hi na ser hna; nangmah caah a si kho lomi thil zeihmanh a um lo.

ZEKHARIAH 12:1

Chimmi bia: Mah hihi Israel kongah Bawipa nih a chimmi bia cu a si, Bawipa cu van kha a samh i vawlei kha a ser i minung chungah thlarau a sertu kha a si.

LAMKALTU 14:15

“Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si.

LAMKALTU 17:24

Vawlei le a cung i a ummi thil vialte a sertu Pathian hi vancung le vawlei Bawi a si i minung sermi biakinn chungah a ummi a si lo.

ROM 1:20

an hmu duh lo, cucaah dan a tat hna. Vawlei a ser hramthawkte khan Pathian nih cun, hmuh khawh a si lomi a sining, zungzal hmunmi a ṭhawnnak le a Pathian sinak kha, fiang tein a langhter ko. Cucaah i silhnalh khawhnak zeihmanh an ngei lo!

ROM 11:33

Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.