JEREMIAH 51:10 - Lai (Hakha) Common Language Bible 2006

¹⁰ Bawipa nih, “Ka mi hna, au u law, ‘Kannih cu kan sual lo kha Bawipa nih nih fiang tein a langhter cang; Ra u law, Bawipa kan Pathian nih a tuahmi cu, Zion ah thanh u sih,’ ti u,” tiah a ti.

JEREMIAH 51:10 Խաչաձեւ Հղումներ

JEREMIAH 50:28

Babilon in a luatmi saltang hna cu Zion ah an ra i Babilon mi hna nih Bawipa biakinn cung i an tuahmi thil ruangah Bawipa kan Pathian nih an cung i phuhlamnak a tuahmi kha an rung chim.

SALM 37:6

Na ṭhatnak kha ceunak bantukin a ceuter lai i na dinnak kha chunlai bantukin a ceuter lai.

ISAIAH 51:11

Na luattermi hna nih khan Jerusalem cu, lunglawmhnak le hlasak pah le thanuam au khuannak he an phak lai. Zungzal in an i lawm lai i ngaihchiatnak le lung retheihnak in an luat zungzal cang lai.

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

SALM 9:14

Jerusalem khuami hna hmaiah ka dir lai i nangmah kha zei ruangah dah kan thangṭhat ti vialte kha ka chimh hna lai. Nangmah nih na ka chuah caah ka lung aa lawm lai.

SALM 64:9

An dihlak in an thin a phang lai; Pathian nih a tuahmi kha an chim lai i a tuahmi kong cu an ruat hna lai.

JEREMIAH 50:45

Cucaah Babilon cungah Bawipa nih khua a khanmi le Khaldi mi hna ram cung i aa tinhmi hi thei tuah hna u: Tuurun chung i a no tete hna cu kalpi an si lai i An tlonnak hmun cu an cung i a tlungmi thil ruangah cun khuaruahhar in a um lai.

SALM 66:16

Pathian a upatmi vialte hna, ra u law ra ngai tuah u; Pathian nih ka ca i a tuahmi kha kan chimh hna lai.

SALM 118:17

Ka thi lai lo, ka nung ko lai i Bawipa nih a tuahmi thil kha ka chim hna lai.

ISAIAH 24:14

A tangmi cu lunglawm in hla an sa lai. Nitlaklei i a ummi nih Pathian a lianhngannak kong kha an chim lai i