JEREMIAH 50:18 - Lai (Hakha) Common Language Bible 2006

¹⁸ Cucaah Ralkapbu Bawipa, Israel Pathian nih hi bangin a ti: Assiria siangpahrang dan ka tat bantukin Babilon siangpahrang le a ram cu dan ka tat lai.

JEREMIAH 50:18 Խաչաձեւ Հղումներ

ISAIAH 10:12

Sihmanhsehlaw Bawipa nih, “Atu i Zion Tlang cung le Jerusalem khua chungah ka tuah liomi hi ka dih tikah cun, Assiria siangpahrang hi aa porhlawtnak le a tluangkhawnmi ruangah hin dan ka tat lai,” a ti.

JEREMIAH 46:10

Hi ni cu Bawipa, Ralkapbu Pathian ni a si, phuhlam ni a si, A ral hna cung i phu aa hlam ni cu a si. Vainam nih a ei hna lai i a duhnak a riam lai, An thi cu a ri lai. Zeicahtiah Bawipa, Ralkapbu Pathian nih chaklei ram ah Zufrates tiva kamah raithawinak kha a tuah.

NAHUM 3:7

Khi tikah nangmah cu aan hmutu vialte nih an in hrial lai i, “Nineveh cu a rawk cang, aho nih dah a hnemh ti lai,” an ti lai. Nangmah hnemtu ah ahodah ka hmuh khawh hna lai?

NAHUM 3:18

Maw Assiria siangpahrang, na tuukhal hna cu an i hngilh, Na saṭil run cawngtu hna cu an it, Na ralkap hna cu tlang kip ah an i ṭhek dih i ahohmanh nih an pum hna lo.

DEUTERONOMI 32:41

Ka nam tleu ka tat i Biaceihnak kha ka kut nih a tlaih ahcun, Ka ral hna kha phu ka hlam hna lai i A ka huatu kha ka rulh hna lai.

JEREMIAH 27:7

Miphun vialte hna nih amah le a fapa le a tupa kha, a ram nih, a caan a phak hlantiang, an rianh hna lai; cun miphun ṭhawng hna le siangpahrang ngan hna nih amah cu an duhduh in an hman ve te lai.

HABAKKUK 2:8

Miphun tampi kha nan ramh hna. Asinain a tangmi nih khan an in ramh ve hna lai. Lainawnnak nan tuahmi le vawleicung mi hna le khualipi chungah ṭhat lonak nan tuahmi ruangah an in ramh hna lai.