JEREMIAH 49:23 - Lai (Hakha) Common Language Bible 2006

²³ Damaskas kong ah Bawipa nih a chimmi bia: Hamath le Arpad cu thawng ṭhalo an theih caah an hnabei a dong; A dai kho lomi rili bantukin an khuaruah a har caah an i let lengmang ko.

JEREMIAH 49:23 Խաչաձեւ Հղումներ

ISAIAH 10:9

Kalno khua le Karkhemish khua kha ka tei hna. Hamath khua le Arpad khua kha ka tei hna. Samaria le Damaskas kha ka tei hna.

2 SIANGPAHRANG 18:34

Hamath le Arpad pathian hna cu khuazei ah dah an um? Sefarvaim, Hena le Ivvah pathian hna cu khuazei ah dah an si? Samaria cu keimah kut chungin an chuahter kho maw?

ISAIAH 57:20

Sihmanhsehlaw miṭhalo cu tilet a tho zungzalmi rili bantuk an si, tilet cu an tho zungzal i hmunthur le nawncek kha an chuahpi zungzal.

GENESIS 14:15

A mi cu bu hnih ah a ṭhen hna i zan ah an tuk hna i an tei hna. Damaskas khua chaklei i a ummi Hobah tiang an dawi hna i

NAHUM 2:10

An ramh hna, an rok hna, an hlih cikcek hna! An ralṭhatnak cu ti bantuk ah a cang i an khuk cu a ther dih, An kutke cu a tom dih hna i an hmai cu a daang dih.

2 SIANGPAHRANG 19:13

Hamath khua, Arpad khua, Sefarvaim khua, Hena khua le Ivvah khua siangpahrang hna kha tah khuazei ah dah an um cang?” tiah a ti.

NAMBAR 13:21

Cu bangin an hung kal i ram cu an hung ngiat, Zin ramlak in Hamath luhnak Rehob tiang.

GENESIS 15:2

Sihmanhsehlaw Abram nih cun a thawh ve i, “Maw Bawipa Pathian, kei cu fa ka ngei lo; cucaah zeitindah laksawng cu na ka pek khawh lai? Ka ro a ka cotu ding cu Damaskas khuami Eliezer hi pei a si ko hi.

2 KORIN 11:32

Damaskas khua i ka um lioah Aretas siangpahrang kut tang i rian a ṭuanmi mangki bawi nih keimah tlaih awkah khua kulhnak vampang kutka kha a conghter hna.

LAMKALTU 27:20

Ni tampi, ni siseh, arfi si hna seh, hmu kho loin kan um i thlitu cu fak piin a hrang lengmang ko. A donghnak ah cun nun lai hmanh kha kan i ruah ngam ti lo.

LAMKALTU 9:2

Damaskas khua Judah pumhnak inn haotu pawl sin i theihhngalhnak ca kha a hung hal. A duhnak cu khi khua ah khan Bawipa Lam a zulmi ka hmuh hna ahcun nu thlulo pa thlulo in ka tlaih hna lai i Jerusalem ah ka kalpi hna lai, ti a si.

AMOS 6:2

Kalneh ah cun va kal u law va zoh tuah u, Hamath Ngan ah cun hei lan u law Filistin mi hna khua Gath ah cun vung kal tuah u. Hi ram hna nak hin nan ṭhawng deuh maw? Nan ram tah an ram nakin a ngan deuh maw?

ISAIAH 37:13

Hamath khua le Arpad khua le Sefarvaim khua le Hena khua le Ivvah khua siangpahrang hna kha tah khuazei ah dah an si?” a ti.

ISAIAH 13:7

Mi cu ahopaoh an kut a thlep lai i an lung a dong lai.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

2 CHANRELNAK 16:2

Cun Asa nih Bawipa inn chung le siangpahrang inn chung i a ummi ro chung khan ngun le sui kha a lak hna i Siria siangpahrang Benhadad, Damaskas i a ummi kha a kuat i,

2 SIANGPAHRANG 17:24

Cun Assiria siangpahrang nih Babilon, Kuth, Avva, Hamath le Sefarvaim khua in mi kha a ratpi hna i Israel mi can ah khan Samaria ram khua chungah a chiah hna; cun Samaria ram kha an co i a khua hna chungah khan an um.

1 SIANGPAHRANG 11:24

David nih Zobah khuami kha a thah hna hnuah, amah nih cun mi kha a sinah a pumh hna i mi ramhtu bu lu ah aa ser i Damaskas ah an kal i khika ah an um i siangpahrang ah an ser.

2 SAMUEL 17:10

Khi tikah mi ralṭha, a lung chiandeih lung bantuk a simi hmanh kha, ṭihnak in a dor sual ko hnga; zeitintiah Israel mi vialte nih khan na pa cu miṭhawng a si i a sin i a ummi hna cu mi ralṭha an si kha an hngalh dih.

2 SAMUEL 8:9

Hamath siangpahrang Toi nih Hadadezer ralkapbu kha a ning piin David nih a tei dih hna ti kha a theih tikah,

JOSHUA 14:8

Sihmanhsehlaw keimah he a hung kal ṭimi ka unau hna nih khan mizapi cu an awlok an chonter hna, sihmanhsehlaw kei tu nih cun Bawipa ka Pathian kha fek tein ka zulh.

JOSHUA 2:11

Cun cucu kan theih cangka tein kan lung cu an ther i nanmah ruangah ahohmanh ralṭha an um ti lo; zeitintiah cunglei van le tanglei vawlei i Pathian a simi cu Bawipa nan Pathian kha a si.

DEUTERONOMI 20:8

Cun cu hleiah bawi hna nih cun mizapi sinah cun, ‘Thinphang le lungder nan um maw? Cu pa cu a inn ah kir ṭhan seh, a hawile lung zong kha amah lung bantukin a zor sual lai,’ tiah an chim lai.

EXODUS 15:15

Edom bawi hna cu an thin a phang i Moab mi hna lak i an miṭhawng hna cu a ther in an ther; Kanaan ram i a ummi cu an dihlak in an lung a phang.

2 SIANGPAHRANG 5:12

Damaskas tiva Abana le Pharpar cu Israel ram ti vialte nakin an ṭha deuh lo maw? Cu tiva hna chungah cun kaa kholh in kaa thianh kho lo maw?” tiah a ti. Cucaah aa mer i thin hung ngaingai in a kal.

ISAIAH 7:8

Zeicahdah a si bal lai lo? Siria cu Damaskas nakin a ṭhawng deuh lo i Damaskas cu Siangpahrang Rezin nakin a ṭhawng deuh fawn lo. Israel tu cu, kum sawm ruk le kum nga chungah hin a rawk tuk lai caah miphun pakhat ti awk tlak hmanh in a dir kho lai lo.

ISAIAH 36:19

Hamath khua le Arpad khua hna pathian cu tah, khuazei ah dah an si kun? Sefarvaim khua pathian hna kha tah, khuazei ah dah an um? Ahohmanh nih Samaria kha an khamh kho lo, a si lo mei?

JEREMIAH 39:5

sihmanhsehlaw Khaldi mi ralkap hna nih khan an dawi hna i Jeriko nelrawn ah khan Zedekiah cu an phanh. Siangpahrang cu an tlaih i Hamath ram Riblah khua ah Babilon siangpahrang Nebukhadnezzar hmaiah khan an ratpi i a hmaiah cun a kong kha aa chim.

EZEKIEL 27:18

Damaskas cu na chawlehnak hram a si, na thil tuahmi a tam hringhran ko, na lungthuhreng chaw caah tampi a ngeihmi chungin Helbon zu le Sahar tuuhmul le