JEREMIAH 48:37 - Lai (Hakha) Common Language Bible 2006

³⁷ Annih nih an dihlak in an lu an i kawngh i an khahmul an i meh i an kut an i at i an tai ah buri an i venh.

JEREMIAH 48:37 Խաչաձեւ Հղումներ

GENESIS 37:29

Reuben nih khan tikhor cu a va zoh ṭhan i Josef kha a rak um ti lo cu a hmuh tikah a ngaihchiatnak langhternak ah a thilpuan kha a thleh hna.

GENESIS 37:34

Jakob nih a thilpuan kha a thleh hna i a tai ah a ngaihchiat langhternak ah puan nak aa menh i saupi a fapa cu a ṭah lengmang.

1 SIANGPAHRANG 18:28

Cun annih nih fak piin an au i an phung bantukin fei le nam in anmah le anmah cu an thi pawt thluahmah in an i chun an i at.

1 SIANGPAHRANG 21:27

Cun mah bia cu Ahab nih a theih tikah, a puan kha a thleh hna i a tak cungah puanchia aa hruk i rawl a ul i lungpur ngaiin aa chawk.

2 SIANGPAHRANG 6:30

Siangpahrang nih minu bia kha a theih tikah a puan kha a thleh hna — ralhau cung i a kal lio a si — cun mizapi nih khan an zoh i, zohhmanh a pum cungah buri puan kha aa nawh ko.

1 CHANRELNAK 19:4

Cucaah Hanun nih David sinum hna cu an khahmul a meh hna i an khelbo zawn ah an puan cu a laifang in a tan hna i a kalter hna i an kal.

ISAIAH 20:2

Cu hlan kum thum ah khan Bawipa nih Amoz fapa Isaiah cu, naa hrukmi khum puan le na kedan kha i phoih hna, tiah a rak ti. Bawipa nih a chimh bang cun, taklawng le kelawng in aa chawk.

ISAIAH 3:24

Zihmui kha hmang ti loin a thut in an thu lai, taisawm ṭhaṭha kha hmang ti loin hrihrual hrat pipi tu kha an hman hna lai, samthlairem dawh si ti loin lukolh an si cang lai; puan ṭhaṭha kha i aih ti loin puan tlek chia pipi kha an i aih lai; an i dawhnak cu ningzahnak ah aa thleng lai!

ISAIAH 37:1

Siangpahrang Hezekiah nih an chimhmi bia kha a theih cangka, a ngaihchiatnak langhternak ah a puan kha a thleh i buri puan kha aa aih i Bawipa Biakinn ah a kal.

JEREMIAH 16:6

Hi ram ah hin mingan he mihme he an thi lai, sihmanhsehlaw vui an si lai lo i ahohmanh nih a ṭah zong an ṭah hna lai lo, anmah ruangah ahohmanh a ah zong an i at lai lo, an sam zong an i kawngh lai lo.

JEREMIAH 41:5

Shekhem le Shiloh le Samaria in pa sawm riat an ra. An khahmul kha an i meh i an puan kha an thleh hna i an pum cu an i at, annih nih Bawipa biakinn i pekchanh awkah changvut thawinak le zihmui kha an rak i put.

JEREMIAH 47:5

Gaza cu kawng lakin meh a si cang, Ashkelon cu a rawk cang. Filistin mi a tangmi hna cu zei can dah an ṭah lai?

JEREMIAH 49:3

Maw Heshbon ṭap tuah, zeicahtiah Ai khua cu a rawk dih cang. Rabbath Ammon khua pawngkam i a ummi khuate hna, ai tuah u, Buri i hruk u law, nan ṭang i cum tuah u, nan pum cu nam in i at dih tuah u. Zeicahtiah Milkom cu saltannak chungah a kal lai, A tlangbawi hna le a bawi hna he khan an kal lai.

EZEKIEL 27:31

Na cung i a tlungmi thil ṭhalo ruangah khan an sam an i phawi i buri puan an i aih; Nangmah kha fak piin an in ṭah, lungfak ngaiin an ṭap thluahmah ko.

EZEKIEL 29:18

A ka thawh i, “Mipa, Babilon siangpahrang Nebukhadnezzar nih Tair dohnak ah a ralkap hna cu raltuknak hmun ah saupi a chiah hna i cucaah an lu zong a kolh dih i an liang zong a kok dih. Sihmanhsehlaw amah nih siseh, a ralkap hna nih si hna seh, cu ti i Tair saupi an dohnak thawng in zeihmanh a miak an hmuhmi a um lo.

EZEKIEL 7:18

Buri puan i aih in an i chawk lai i an lu in an ke tiang an ther lai, an hmai cu vawlei kha an bih lai i an lu kha an i kongh dih lai.

LEVITIKAS 19:28

Mithi hna ruangah nan taksa zeihmanh i at hlah u, nan pum cungah a ṭial zong i ṭial fawn hlah u: keimah cu Bawipa ka si.

AMOS 8:10

Nan puai cu ṭahnak ah ka ser hna lai i Nan hla hna cu mithi ngaihnak hla ah ka canter hna lai. Nannih cu nan dihlak in buri kha kan kaihter hna lai i nan lu kha kan kawngh dih hna lai. Fapa ngeih chunte a thih i an ṭah bantuk ah khin nan puai cu ka ser lai, A donghnak cu a khaat in a khami ni a si lai.

MIKAH 1:16

Naa lawmh tawnnak na fale ruangah khan na lu i kawngh tuah; Annih nih an in kaltak i saltannak chungah an luh cang caah langta bantukin na lu i kolh tuah.

MARKA 5:5

Chun he zan he thlan lakah cun le tlang hna ah cun aa chawk lengmang i a au i lung khan aa cum aa deng lengmang.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.