JEREMIAH 46:4 - Lai (Hakha) Common Language Bible 2006

⁴ Rang kha danh hna u law i cit hna u, maw rangleng ralkap hna! Thir luchin chinh in umhmun khuar tuah u, Nan fei kha ta hna u law thir angki kha i hruk hna u!

JEREMIAH 46:4 Խաչաձեւ Հղումներ

JEREMIAH 51:3

Babilon ralkap hna cu an likuk a za sih le thir angki i aihnak caan kha pe hna hlah u; A tlangval hna kha pakhat hmanh ngan hna hlah u, A ralkap vialte kha that dih hna u.

EZEKIEL 21:28

“Mipa, Israel mi a serhsattu Ammon mi hna kha chim hna. Hihi Bawipa Pathian bia a si: Mi thahnak ding ca i zuhmi, thil hrawhnak ding ca i tatmi nimtlau bantukin a lek in aa lekmi vainam kha tat a si cang.

NEHEMIAH 4:16

Cu ni thawk cun ka tang i rian a ṭuanmi hnarcheu lawng nih khan rian taktak cu an ṭuan i hnarcheu nih cun thir nga phaw angki kha i aih in an fei le an phaw le an li kha i tlaih in an dir; cun vampang remhnak rian a ṭuanmi Judah mi vialte kha bawi nih an zoh hna.

2 CHANRELNAK 26:14

Cun Uzziah nih ralkap vialte caah cun phaw, fei, luchin, ngaphaw thir angki, li, le chehnak ah lung kha a timh hna.

1 SAMUEL 17:38

Cun Saul nih David cu a ralthuam khan a thuamh; dar luchin a lu ah a chinh i thir ngaphaw angki a hruk.

1 SAMUEL 17:5

A lu ah dar luchin aa chinh i thir ngaphaw angki aa hruk i cu angki cu a rih leiah pawng za le kul le nga a si.

JEREMIAH 51:11

Bawipa nih Babilon kha hrawh a timh caah Medes siangpahrang lungthin kha a cawlcanghter hna, A biakinn an hrawh ruangah hi bangin an cungah phu a hlam lai. Ral a tutu ralbawi hna nih, “Nan cantiang kha ta hna u! Nan phaw kha i bei hna u!

JOEL 3:9

Hi thawngthanhnak hi miphun hna sinah khan va chim tuah u, Ral tuk awk caah i tim u, ralkap kha au hna u, Ralkap kha pum dih hna u law ra u; va ti hna u.

ISAIAH 8:9

Nannih miphun vialte hna, ṭihnak in hmunkhat ah i pum tuah u. Vanhramdeng ram hna, ka bia ngai tuah u. Ral doh awkah timh cu i tim ko u, sihmanhsehlaw thinphang in um ṭhiamṭhiam ko u.

JEREMIAH 46:14

“Izipt ah vung thanh u law Migdol ah aupi tuah u, Memfis le Tahpanhes ah cun thanh tuah u; ‘Dir law timh cia tein um tuah, Zeicahtiah vainam nih na pawngkam cu a ei lai,’ tiah chim u.