JEREMIAH 46:25 - Lai (Hakha) Common Language Bible 2006

²⁵ Thebes khua pathian Ammon cu dan ka tat lai, Izipt cu a pathian hna le a bawi hna he khan dan ka tat lai; Faro le amah aa bochanmi vialte hna kha dan ka tat hna lai.

JEREMIAH 46:25 Խաչաձեւ Հղումներ

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

EXODUS 12:12

Cu zan ah cun Izipt ram ah khan kaa chawk lai i fater vialte kha minung si hna seh, saram si hna seh, ka thah dih hna lai. Izipt ram pathian vialte kha dan ka tat dih hna lai; keimah hi Bawipa cu ka si.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

JEREMIAH 44:30

Hi bangin Bawipa nih a ti: Judah siangpahrang Zedekiah cu a nunnak thah awkah a kawltu a ral Babilon siangpahrang Nebukhadnezzar sinah ka pek bantuk khan Izipt siangpahrang Faro Hofra cu a ral hna kut chung le a nunnak hrawh awk a kawlmi hna kut chungah khan ka chanh lai,” tiah a ti.

JEREMIAH 49:3

Maw Heshbon ṭap tuah, zeicahtiah Ai khua cu a rawk dih cang. Rabbath Ammon khua pawngkam i a ummi khuate hna, ai tuah u, Buri i hruk u law, nan ṭang i cum tuah u, nan pum cu nam in i at dih tuah u. Zeicahtiah Milkom cu saltannak chungah a kal lai, A tlangbawi hna le a bawi hna he khan an kal lai.

EZEKIEL 30:22

Cucaah hihi Bawipa Pathian bia an si: Izipt siangpahrang Faro cu ka ralchanh; a kut kha a pahnih tein, a dammi he a kiakmi he khan, ka khiah hna lai i vainam cu a kut chung khan ka tlakter lai.