JEREMIAH 46:20 - Lai (Hakha) Common Language Bible 2006

²⁰ Izipt cu aa dawhmi cawla note a si, Sihmanhsehlaw chaklei in tlep nih a run ṭumhnawh cang.

JEREMIAH 46:20 Խաչաձեւ Հղումներ

HOSEA 10:11

Israel cu ṭha tein cawnpiak cangmi, facang cil zong a duh cangmi cawla bantuk a si; Sihmanhsehlaw aa dawhmi a hngawng ah khan thuantum khinh i leithuannak thingthluan tu kha ṭemchih awkah ka ruah cang; Judah cu leithuannak kha ka hnuhter i Israel cu leitlang dennak kha ka hnuhter.

JEREMIAH 47:2

Bawipa nih hi bangin a ti: Zohhmanh chaklei in ti a rung lian lai i a kawr khat in a liam dih lai, Ram le a chung i a ummi thil vialte kha a phum dih hna lai. Khuapi i hna le a chung i a ummi minung hna zong. Mi cu an ai an kiao lai i cu ram i a ummi vialte hna cu an ṭap dih lai.

JEREMIAH 46:6

Khulrangmi kha an luat kho maw? Ralkap zong kha an i khamh kho maw? Chaklei ah Zufrates tiva kamah an ril i an tlu.

JEREMIAH 1:14

Cun Bawipa nih a ka thawh i, “Hi ram chung i a ummi vialte hna cungah chaklei in ṭhat lonak a rung tlung lai.

JEREMIAH 50:11

Babilon mi hna, nanmah nih ka miphun kha nan hrawh hna; Nan tha a nuam, nan lung aa lawm i facang cil dih hnuah cawla nih a duhduh in a lek bangin nan le nain le rangtum bangin nan awn nain,

JEREMIAH 46:24

Izipt mi hna cu ningzahnak an phan, chaklei miphun kut chungah sal ah an tang cang.

JEREMIAH 46:10

Hi ni cu Bawipa, Ralkapbu Pathian ni a si, phuhlam ni a si, A ral hna cung i phu aa hlam ni cu a si. Vainam nih a ei hna lai i a duhnak a riam lai, An thi cu a ri lai. Zeicahtiah Bawipa, Ralkapbu Pathian nih chaklei ram ah Zufrates tiva kamah raithawinak kha a tuah.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.