JEREMIAH 46:2 - Lai (Hakha) Common Language Bible 2006

² Izipt kong: Judah siangpahrang Jehoiakim, Josiah fapa a bawi kum li kum ah, Babilon siangpahrang, Nebukhadnezzar nih Zufrates tiva kam i Karkhemish khua ah a teimi Izipt siangpahrang Faro Neko i a ralkapbu kong:

JEREMIAH 46:2 Խաչաձեւ Հղումներ

2 SIANGPAHRANG 23:29

Amah chan ah cun, Izipt siangpahrang Faro Neko cu Assiria siangpahrang sinah Zufrates tiva ah a hung kal. Josiah Siangpahrang cu amah ton awkah khan a kal; cun a rak hmuh tikah Faro Neko nih cun Megiddo ah a rak thah.

JEREMIAH 46:14

“Izipt ah vung thanh u law Migdol ah aupi tuah u, Memfis le Tahpanhes ah cun thanh tuah u; ‘Dir law timh cia tein um tuah, Zeicahtiah vainam nih na pawngkam cu a ei lai,’ tiah chim u.

JEREMIAH 45:1

Judah siangpahrang Josiah fapa Jehoiakim a bawi kum li kum ah, profet Jeremiah nih Neriah fapa Baruk sinah a chimmi bia cu hihi a si, Jeremiah nih a auh in a auhmi bia cu Baruk nih khan cauk chungah a ṭial hna.

JEREMIAH 36:1

Judah siangpahrang Josiah fapa Jehoiakim a bawi kum li kum ah Bawipa sinin hi bia cu Jeremiah sinah a ra:

JEREMIAH 25:19

cun hrai a ding hngatu ding cu hi hna hi an si: Izipt siangpahrang Faro, a bawi hna le a upa vialte hna;

JEREMIAH 25:1

Josiah fapa Jehoiakim, Judah siangpahrang, a bawi kum linak ah Judah mi vialte kong i Jeremiah sin i a phanmi bia cu hihi a si, (cucu Babilon siangpahrang Nebukhadnezzar a bawi kum khatnak a si ve),

ISAIAH 10:9

Kalno khua le Karkhemish khua kha ka tei hna. Hamath khua le Arpad khua kha ka tei hna. Samaria le Damaskas kha ka tei hna.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

2 SIANGPAHRANG 18:21

Zohhmanh, aa hngauhmi paoh an kut a rak chuntu hluang ṭhiangṭhunh per, Izipt naa bochan ko hih. Cu bantuk cu pei Izipt siangpahrang Faro cu amah aa bochanmi hna caah a si ko cu.

2 SIANGPAHRANG 23:33

Jerusalem khua ah cun bawi a si nakhnga lo, Faro Neko nih Hamath ram Riblah khua ah thong ah a thlak i a ram cu ngunkhuai ngun talen za khat le sui talen pakhat a cawh hna:

2 SIANGPAHRANG 24:7

Izipt siangpahrang cu a ram chungin a chuak ti lo, zeicahtiah Babilon siangpahrang nih Izipt siangpahrang ta a simi vialte Izipt tivate thawk in Zufrates tiva tiang, a lak dih.

JEREMIAH 43:11

Cun Izipt cu a doh lai i thah awk kha a thah hna lai i sal i kalpi awk kha a kalpi hna lai i vainam in thah awk kha vainam in a thah hna lai.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

ISAIAH 19:19

Cu caan a phak tikah Izipt ram chungah Bawipa ca biakṭheng pakhat a um lai i Izipt ramri ah lungphun pakhat cu Bawipa caah ser a si lai.