JEREMIAH 46:16 - Lai (Hakha) Common Language Bible 2006

¹⁶ Izipt mizapi hna cu an ril i an tlu, pakhat le pakhat an i pah dih; ‘Tho tuah, kanmah mi hna sinah khan, kan chuahnak ram ah khan kir u sih, Hremtu vainam hi zamtak u sih,’ tiah an i ti.

JEREMIAH 46:16 Խաչաձեւ Հղումներ

JEREMIAH 51:9

Khika i a ummi ramdangmi hna nih, “Babilon cu bawmh awk kan i zuam, sihmanhsehlaw a tlai tuk cang. Cucaah ra u law kaltak u si law kan inn cio ah tlung u sih. Pathian nih a ṭhawnnak dihlak in Babilon cu dan a tat cang i a hrawh cikcek cang,” tiah an ti.

JEREMIAH 50:16

Babilon i thlaici tuhtu vialte kha hrawk dih hna u, Rawl ṭuan caan i faah a tlaitu vialte kha hlo dih hna u. Khika i a ummi ramdangmi vialte hna cu, Cu ram a tutu ralkap hna an ṭih hna caah, Anmahle an miphun cio sinah le anmahle an ram cio ah khan an kir dih lai;

JEREMIAH 46:21

A ram chung i man phalh in a ṭuanmi ralkap hna cu cenhmi cawfa bantuk an si; Sihmanhsehlaw annih zong an i let i an zam, an umhmun ah a dir ngammi ahohmanh an um lo. An ṭumchuk ni cu an cungah a phan cang, biaceih an si ni caan cu.

JEREMIAH 46:6

Khulrangmi kha an luat kho maw? Ralkap zong kha an i khamh kho maw? Chaklei ah Zufrates tiva kamah an ril i an tlu.