JEREMIAH 44:28 - Lai (Hakha) Common Language Bible 2006

²⁸ Cun cu tikah cun Judah ram mi Izipt ram i khua a vung sami hna lakah a nung rihmi hna nih khan, aho bia dah a dir, anmah bia maw keimah bia dah, ti kha an hngalh lai.

JEREMIAH 44:28 Խաչաձեւ Հղումներ

JEREMIAH 44:14

Judah ram i a tangmi hna nih khan Judah ram ah kan kir ṭhan te lai i khika ah kan um ṭhan te lai ti ruahchannak in Izipt ram i um hmun khuar awkah an ra; sihmanhsehlaw an kir ṭhan ti lai lo, pakhat hmanh an nung lai lo, pakhat hmanh an luat lai lo.

ISAIAH 10:19

A tangmi thingkung cu an tlawm tuk hringhran lai caah ngakchia hmanh nih a rel dih khawh hna lai.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

JEREMIAH 44:29

Ka bia nih nan cungah ṭhat lonak a tlunter khawh lai ti hngalh khawh nakhnga ding caah, nannih cu hi hmun ah hin dantat kan timh hna i cu hmelchunhnak cu hi kan pekmi hna hi a si:

SALM 33:11

Sihmanhsehlaw amah khuakhanmi cu zungzal in a hmun i amah timhmi cu zungzal in a fek.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

NAMBAR 14:41

Sihmanhsehlaw Moses nih, “Zeicaahdah atu ah Bawipa nawlbia kha nan buar, zeitintiah mah cucu santlai ding a si ṭung lo?

ISAIAH 10:22

Atu ah cun Israel mi cu rili kam thetse zat si hna hmanh seh law, a kir ṭhanmi cu tlawmte lawng an si lai. Hi mi hna hi rawhralnak cu chiahpiak an si ko i cu rawhralnak cu an ton hrim awk a si ko.

JEREMIAH 42:17

Izipt ram i va kal i va um awkah aa tim pengmi vialte cu vainam le mangṭam le rai in an thi lai; an cung i ka tlunter laimi ṭhat lonak in a luatmi an um lai lo i a nungmi zong an um lai lo,” tiah a ti.

JEREMIAH 44:13

Jerusalem i a ummi kha dan ka tat hna bantukin Izipt ram chung i a ummi hna cu vainam le mangṭam le rai in dan ka tat ve hna lai.

JEREMIAH 51:50

A vainam chungin a luatmi hna, kal u, dir hlah u; Lamhlapi ah um hmanh u law, Bawipa kha ka hngal camcin u, Jerusalem kha nan lungchung in ruat camcin u.

EZEKIEL 6:8

Sihmanhsehlaw annih cu an thih tikah, miphun hna lakah khan vainam thahnak in a luatmi tlawmpal cu kan zuahpiak hna lai.