JEREMIAH 37:13 - Lai (Hakha) Common Language Bible 2006

¹³ Cun Benjamin kutka a phak tikah khan, ralvengtu pakhat a min Irijah a simi nih profet Jeremiah cu, “Khaldi mi hna sinah zam naa tim,” tiin a ti i a tlaih. Irijah cu Shelemiah fapa a si i Shelemiah cu Hananiah fapa a si.

JEREMIAH 37:13 Խաչաձեւ Հղումներ

ZEKHARIAH 14:10

Ram cu a ning piin Geba in Timmon thlanglei tiang a rawnmi Arabah ram bantukin a rawn lai; sihmanhsehlaw Jerusalem cu amah a hmunte ah khan sang piin a dir ko lai, Benjamin Kutka in A Kil Kutka timi tiang cucu hmasa deuh kutka a rak dirnak hmun kha a si. Hananel Innsang in Siangpahrang mitsur nennak tiang, a chungah mi an khat lai.

JEREMIAH 38:7

Cun Ethiopia mi, tildit Ebed-melek, siangpahrang innchung i a ummi nih, Jeremiah cu tikhor chungah an thlak ti kha a theih tikah, siangpahrang cu Benjamin Kutka i a ṭhut lioah khan

LAMKALTU 24:13

Cu pinah sual an ka phawtmi zong hi ahmaan tiah an ti khawhnak zeihmanh a um lo.

LAMKALTU 6:11

Cucaah mi a cheu kha, “Moses le Pathian a thangchiat hna,” tiah ti dingin biaruk an nawh hna.

LUKA 23:2

Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

JEREMIAH 38:1

Mattan fapa Shefatiah, Pashhur fapa Gedaliah, Shelemiah fapa Jukal le Malkhiah fapa Pashhur nih mizapi sinah Jeremiah nih a chimmi kha an theih. Amah nih a chimhmi hna cu

JEREMIAH 21:9

Hi khuachung i a tangmi paohpaoh cu vainam le mangṭam le rai in an thi lai; sihmanhsehlaw a chuak i an kulhtu hna Khaldi mi hna sinah aa pemi cu an nung lai; a nunnak ceoceo tal cu aa luatpi lai.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

2 KORIN 6:8

An kan upat pah, an kan thangchiat pah, an kan nihsawh pah an kan thangṭhat pah. Lihchim bantukin an kan zoh, sihmanhsehlaw kan chimmi cu biatak a si ṭung,

AMOS 7:10

Khi tikah Bethel khua i tlangbawi Amaziah nih khan Israel siangpahrang Jeroboam cu thawng a thanh i, “Israel miphun lakah nangmah doh awkah Amos nih khua a khan lengmang ko i a chimmi bia hi kan ram nih a ing kho ti lo.

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

JEREMIAH 36:12

siangpahrang inn ah cun a vung kal i caṭialtu khaan ah cun a lut; khika ah bawi vialte kha an rak ṭhu: caṭialtu Elishama, Shemaiah fapa Delaiah, Akhbor fapa Elnathan, Safan fapa Gemariah, Hananiah fapa Zedekiah le bawi dang vialte hna cu.

JEREMIAH 28:14

Zeicahtiah hi bangin Ralkapbu Bawipa, Israel Pathian nih a ti, ‘Hi miphun vialte hna hngawng ah hin thir hngawngkual ka chiah lai i Babilon siangpahrang cu an rianh lai. Amah cu an rianh lai, amah riantu dingah ramlak saram hmanh amah cu ka pek cang hna,’ ” tiah a ti.

JEREMIAH 27:6

Hi ram vialte ka sal Nebukhadnezzar, Babilon siangpahrang sinah a petu cu keimah ka si i saram hna zong amah rian ṭuantu dingah a petu cu keimah ka si fawn.

JEREMIAH 20:2

Jeremiah cu fung in a tuk i hreng a khenh i Bawipa inn chung i Cunglei Benjamin Kutka timi ah khan a chiah.

ṬAHNAK HLA 4:18

Kannih nih kan chuah tikah zapi lam kha hrial in lamte kha kan zul; Kan ni cu a dong ko cang, Kan donghnak cu a phan cang.