JEREMIAH 37:1 - Lai (Hakha) Common Language Bible 2006

¹ Jehoiakim fapa Koniah changtu ah khan Babilon siangpahrang Nebukhadnezzar nih Josiah fapa Zedekiah cu Judah ram siangpahrang ṭhutdan cungah khan a ṭhutter.

JEREMIAH 37:1 Խաչաձեւ Հղումներ

JEREMIAH 22:24

“Ka nun bangin,” tiah Bawipa nih a ti: Jehoiakim fapa Koniah, Judah Siangpahrang cu ka orhlei kut cung i min khenhnak kutdonghrolh na si ti lai lo. Koniah, nangmah cu kan phawi lai.

2 SIANGPAHRANG 24:17

Cun Babilon siangpahrang nih cun Jehoiachin i a pacheu Mattaniah kha amah hmun ah khan siangpahrang ah a chiah i a min cu Zedekiah ah a thlen.

2 SIANGPAHRANG 24:12

cun Judah siangpahrang Jehoiachin cu, a nu he, a sinum hna he, a bawi hna he, a siangpahrang inn bawi hna he khan Babilon siangpahrang sinah cun a vaa pe. A bawi kum riatnak kum ah khan Babilon siangpahrang nih cun sal ah a tlaih i

JEREMIAH 52:31

Cun Judah siangpahrang Jehoiakim sal i a taan kum sawm thum le kum sarih kum, a thla hleihnih thla, cu thla ni kul le ni nga ni ah, Babilon siangpahrang Evil-merodak cu siangpahrang a can kum a si i Judah siangpahrang Jehoiachin cu a zaangfah i thong chungin a chuah;

JEREMIAH 24:1

Bawipa nih biakinn hmaiah theipi bawm hnih an chiahmi kha a ka hmuhsak. Mah hihi Babilon siangpahrang Nebukhadnezzar nih Jerusalem khua in Jehoiakim fapa Jekoniah, Judah siangpahrang cu Judah ram bawi hna le zungthiam hna le soser hna le he tiah sal taannak ah a hruai hna i Babilon ah a ratpi hna hnuah khan a si.

JEREMIAH 22:28

Hi mipa Koniah hi mi nawl lawng in a ummi, zeihmanh i rel awk tlak lo le santlailo, ahohmanh i duh lomi thil a si maw? Amah le a fale hna cu an hngalh bal lomi ram ah hlonh vurmar le dawi an si hi zeidang ruangah a si hnga maw?

JEREMIAH 21:1

Siangpahrang Zedekiah nih Malkhiah fapa Pashhur le Ma-aseiah fapa tlangbawi Zefaniah cu Jeremiah sinah hi bia he a hei thlah hna i,

JEREMIAH 34:2

Mah hihi Bawipa, Israel Pathian bia cu a si: “Va kal law Judah siangpahrang Zedekiah cu va chim, mah hihi Bawipa bia a si: Hi khua hi Babilon siangpahrang kut chungah ka pek lai i mei in a khangh lai.