JEREMIAH 36:9 - Lai (Hakha) Common Language Bible 2006

⁹ Judah siangpahrang Josiah fapa Jehoiakim a bawi kum nga kum, thla kuanak thla ah Jerusalem i a ummi vialte hna le Judah ram chung khua hna in a rami vialte hna nih Bawipa hmaiah rawl ulhnak kha an tuah.

JEREMIAH 36:9 Խաչաձեւ Հղումներ

2 CHANRELNAK 20:3

Khi tikah Jehoshafat cu a thin a phang i Bawipa kawl awk kha aa tim i Judah ram chung vialte ah khan rawl ulhnak a thanh.

JONAH 3:5

Nineveh khuami nih cun Pathian bia cu an zumh. Zapi rawl ulhnak kan tuah lai i a hme bik in a ngan bik tiang, a mi kip nih buri kan i hruk lai, an ti.

JEREMIAH 36:22

Cu lio cu thla kua thla a si siangpahrang cu khuasik caan i a umnak inn chungah cun mei a to.

ESTHER 4:16

“Va kal law Susa khua chung i a ummi Judah mi vialte kha va pum hna, cun keimah caah rawl ulhnak pakhat ni thum chung rak ser u; chun ah siseh zan ah siseh zeihmanh ei in ding hlah u. Cun nannih nih nan tuah bantukin kei le ka sinum hna zong nih rawl ulhnak cu kan rak tuah ve lai. Cun phung he aa ralchanhmi a si nain siangpahrang sinah cun ka va kal lai, ka thih ah thih si ko seh,” tiah a ti hna.

ZEKHARIAH 8:19

“Thla linak thla, thla nganak thla, thla sarihnak thla le thla hranak thla i rawl ulhnak hna cu Judah innchungkhar caah lawmhnak le nuamhnak puai ah an cang lai. Biatak le daihnak cu duh ko u,” a ti.

JOEL 1:13

Bawipa biakṭheng cungah thawinak a pechantu nannih tlangbawi hna, Ngaihchiatnak thil kha i hruk u law ṭap u, Biakinn chungah khan va kal u law, ngaihchiatnak thilthuam i hruk in zan khua va dei u. Nan Pathian inn chung i pekchanh awkah rawl siseh, mitsur hang siseh, zeihmanh a um lo.

JEREMIAH 36:1

Judah siangpahrang Josiah fapa Jehoiakim a bawi kum li kum ah Bawipa sinin hi bia cu Jeremiah sinah a ra:

NEHEMIAH 9:1

Cun hi thla ni li ni ah Israel mi hna cu rawl ul le khum puan i aih le an lu i vawlei dip i phulh in an i pum.

LEVITIKAS 23:27

“Hi thla sarihnak thla a ni hra ni hi remnak ni a si; nannih caah pumhnak thiang caan a si lai i nannih nih nanmah lila cu nan i temhinter lai i Bawipa sinah mei in thawinak nan pek lai.

BIACEIHTU 20:26

Cun Israel mi vialte, ralkap bu cu an ningpi in, an hung kal i Bethel an phan i an ṭap; Bawipa hmaiah an ṭhu i khi ni cu zanlei tiang rawl an ul i Bawipa hmaiah khangh thawinak le daihnak thawinak kha an pekchanh.

1 SAMUEL 7:6

Cucaah Mizpah ah an i pum i ti an than i Bawipa hmaiah an thlet i khi ni cu rawl an ul. Khika ah annih nih, “Bawipa cungah kan sual cang,” tiah an ti. Cun Samuel nih Israel mi cu Mizpah ah bia a ceih hna.

JEREMIAH 36:6

Cucaah keimah can ah rawl ulh ni ah nangmah cu na kal lai i kan auhmi ningin Bawipa cazual cungah Bawipa bia na ṭialmi cu zapi theih ah na va rel lai. Judah mi an khua cio in a rami hna an theihhngan ah khan na va rel lai.

JOEL 1:14

Rawl ulhnak kha thanh u law biaknak caah pumhnak pakhat au u, Hruaitu hna le Judah mi vialte hna kha Bawipa nan Pathian biakinn chungah pum hna u law amah sinah cun au tuah u.