JEREMIAH 36:7 - Lai (Hakha) Common Language Bible 2006

⁷ Hi mi hna cungah hin Bawipa nih thinhunnak a nganmi le thinlinhnak a nganmi in bia a chim caah hin, annih nih Bawipa sinah khan zaangfahnak an hei hal phum ko hnga,” tiah a ti.

JEREMIAH 36:7 Խաչաձեւ Հղումներ

JEREMIAH 36:3

Judah mi hna nih hin an cung i ṭhat lonak tlunter ka timhmi hi an theih tikah an zulhmi lam ṭhalo hi an hei hlawt cio sual ko hmanh hnga maw; cu ti an tuah ahcun an ṭhat lonak le an sualnak cu ka ngaihthiam ko hna hnga,” a ti.

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

ṬAHNAK HLA 4:11

Bawipa nih diriam in a thinlinhnak kha a chuah i a thinhunnak kha a bungh; Zion ah mei a kau i a hram kha a kangh dih.

JEREMIAH 21:5

Keimah hrimhrim nih thinhunnak le thinlinhnak le samhmi kut le ban ṭhawng he kan doh lai.

JEREMIAH 4:4

Bawipa rian ṭuan awk caah nan cuarpar i tan u, nan lung cuarpar i tan u, Maw Judah ram mi hna le Jerusalem khuami hna; Cu ti a si lo ahcun, ṭhat lonak nan tuahmi ruangah khan ka thinhunnak kha mei bangin a alh lai i Hmih khawh lo in a kang sual lai.”

2 SIANGPAHRANG 22:17

annih nih an ka hlawt i pathian dang hna sinah khan zihmui an khangh i annih nih ka thinphawhnak caah an kut in hi rian vialte kha an tuah caah hi hmun cungah hin ka thinhunnak cu a alh lai i a mit lai lo.

2 SIANGPAHRANG 22:13

“Va kal u law hi cauk hmuhmi chungbia kong ah hin Bawipa cu, keimah ca le mi zapi ca le Judah vialte caah, va hal tuah u; zeicahtiah, kan pupa hna nih hi cauk chung i aa ṭialmi bia, kannih ca i aa ṭialmi bia vialte ning khan an rak tuah lo caah Bawipa thinhunnak kan cung i a alhmi cu a ngan ko,” tiah a ti.

ZEKHARIAH 1:4

Nan pupa hna bantuk kha si hlah u. Hlanlio profet hna nih, ‘Mah hihi Bawipa bia a si: Nan ziaza ṭhalo le nan tuahmi thilṭhalo khan i mer u,’ an rak ti hna. Sihmanhsehlaw ka bia an ngai lo i zei ah an ka rel fawn lo, tiah Bawipa nih a ti. Atu ah tah nan pupa hna cu khuazei ah dah an um kun?

JONAH 3:8

Nan dihlak in buri nan i aih lai i Pathian sinah biatak tein thla nan cam cio lai. Cun nan ziaza ṭhalo kha nan hlawt hna lai i zaang-ennak nan tuah lengmangmi kha nan hlawt hna lai.

DANIEL 9:13

asinain Bawipa kan Pathian, na thin damternak caah zeihmanh kan tuah lo; ahmaan lo thil kan tuahmi kha kan i ngaichih lo i na biatak kha kan zul fawn lo.

EZEKIEL 22:20

ngun le dar le thir le suan le canphio aa cawhmi hlumpi cu thir titnak um chungah mei in linh i titter awkah khumh a si bangin nannih cu Jerusalem khua ah kan pumh hna lai. Cuticun ka thinhun le ka thinlinh in kan pumh hna lai i khika ah kan chiah hna lai i kan tit hna lai.

EZEKIEL 20:33

Nannih cu a ṭhawngmi kut in kan uk hna lai i ka baan kha kan samhhnawh hna lai i ka thinhunnak kha kan toih hna lai, tiah ka nun bangin ka chim, tiah Bawipa Pathian nih a ti.

EZEKIEL 13:13

Cucaah hihi Bawipa Pathian bia a si: Zeizong vialte kha a rawh dih hlantiang, ka thin nan ka phawh caah thli chia kha ka hranter lai, ka thin hun in ruahpi fak piin ka surter lai i ka thinlinh in lung tlukin a hakmi rial kha ka tlakter hna lai.

EZEKIEL 8:18

annih cu ka thinhun in ka merhnawh hna lai i ka zaangfah hna lai lo i ka zuah fawn hna lai lo. Thang piin ka au hna hmanh seh law ka ngai lai lo,” tiah a ti.

EZEKIEL 5:13

Khi tikah ka thinhunnak cu a dong lai i an cung i ka thinlinhnak cu ka ṭhumh lai i ka dai lai; ka thinlinhnak kha a dih tikah an sin i bia a chimtu cu Bawipa kha ka si i ka ham tuk hna ruangah cu bantukin ka chim ti kha an hngalh lai.

JEREMIAH 26:3

Annih nih an hei ngaih phum in an lam ṭha lo cio khan an hei i mer phum ko hmanh hnga maw. Cu ti a si ahcun ṭhat lonak an tuah ruang i an cung i ṭhat lonak tuah ka timhmi kha kaa let ko hnga.

JEREMIAH 25:5

Nannih nih lam ṭha lo nan zulhmi le thil ṭha lo nan tuahmi kha nan mertak ahcun, nan pupa hna sin le nanmah sinah Bawipa nih an pekmi ram ah hin zungzal in nan um lai;

JEREMIAH 19:15

“Ralkapbu Bawipa, Israel Pathian nih hi bangin a ti: Hi khuapi cungah le a pawngkam khua vialte ah hin ka tlunter lai tiah ka rak timi dantatnak kha, nannih nih nan lung a ṭhawn i ka bia kha ngaih nan duh lo caah, ka tlunter taktak lai, a ti,” tiah a ti.

JEREMIAH 16:10

“Cun hi mi hna hi hi bia vialte kha na chimh hna tikah an in thawh lai i, ‘Zeicahdah hi a nganmi ṭhat lonak hi kan cung i tlun awkah Bawipa nih nawl a pek? Zei ṭhat lonak dah kan tuah? Bawipa kan Pathian cungah zei sualnak dah kan tuah?’ tiah an ti lai.

JEREMIAH 1:3

Judah siangpahrang Josiah fapa Jehoiakim chan zongah khan a phan i Josiah fapa Zedekiah, Judah siangpahrang, a bawi kum hleikhatnak a dongh tiang khan a phan. Cu kum thla nganak chungah khan Jerusalem mi cu sal ah khan kalpi an si.

2 CHANRELNAK 34:21

“Va kal u law, keimah ca le Israel le Judah i a tang rihmi caah Bawipa kha, hi cauk an hmuhmi chung bia kong hi va hal tuah u; kannih kan pupa hna nih hi cauk chung i aa ṭialmi dihlak ningin tuah awkah Bawipa bia kha an zulh lo caah kannih kan cung i a thletmi Bawipa thinhunnak cu a ngan ko,” tiah a ti.

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

JEREMIAH 37:20

Cucaah, maw siangpahrang ka bawipa, kan nawlnak cu ka ngaihpiak ko sawh: caṭialtu Jonathan inn ah cun ka kua ṭhan ti hlah, na ka kuat a si ahcun, khika ah ka thi taktak ko lai,” tiah a ti.

JEREMIAH 42:2

profet Jeremiah cu an thawh i, “Zaangfah kan in halnak hi kan cohlanpiak ko: Kanmah aiawh in le hi a tangmi hna aiawh hin Bawipa na Pathian sinah thlacam tuah; zeicahtiah nangmah nih na kan hmuh bangin mi tampi chung khan a tangmi cu tlawmte lawng kan si.

EZEKIEL 12:3

Cucaah mipa, an mit hmuh hrimhrim ah chun ah lam ca i na herh ding kha i tim law khualtlawn ah cun i thawh tuah. Na inn kha na kaltak i an hmuhhngan ah ral taannak chungah na kal tikah hin, annih nih mi dohhmang kan si ti kha an hei hngalh hmanh hnga maw.

DANIEL 9:18

Maw Pathian, na hna chi law kan theihpiak law kan zohpiak law kan ṭiaonak le na min a pumi khua cu kan hmuhpiak ko sawh; kannih nih dinnak kan tuahmi thawngin si hin loin nangmah na vel thawng lawngin kan thlacamnak na hmai i kan rak chuahpinak cu a si.

JOEL 2:12

“Atu zong hmanh ah hin, nan lung tak tein i ngaihchih u law, rawl kha ul u law ṭap u law nan ṭang i cum tuah u.

JOEL 2:13

Nan puan si loin nan lung tu kha thlek tuah u,” tiah Bawipa nih a ti. Bawipa nan Pathian sinah cun ra kir ṭhan tuah u, Amah cu zaangfahnak le vel a ngeimi a si; Amah cu a thin a fual i a biakamnak kha a zulmi a si; Ka tlunter lai tiah a timi harnak kha leet i ngaihthiam awk tu ah aa tim zungzalmi a si.