JEREMIAH 34:8 - Lai (Hakha) Common Language Bible 2006

⁸ Siangpahrang Zedekiah nih Jerusalem khuami vialte he an sal hna luatter awkah biakamnak a ser hnuah Bawipa sinin Jeremiah sinah a rami bia cu hihi a si.

JEREMIAH 34:8 Խաչաձեւ Հղումներ

LEVITIKAS 25:10

Cun kum sawm nganak kum cu nan thianter lai i cu ram chung khuazakip ah, a chung i a ummi vialte kha, luatnak nan thanh hna lai; nan caah jubili a si lai, nannih nan thil cio le nan chungkhar sin cio i nan kir caan cu a si lai.

JEREMIAH 34:17

Cucaah hitin Bawipa nih a ti: Ka bia nan ngai lo; nan phunhawi Hebru mi kha luatnak nan pe hna lo. Cucaah keimah zong nih luatnak kan pek ve ding hna cu: tuknak le rai le mangṭam in thihnak kha a si lai. Nan cung i ka tuahmi ruangah vawlei cung ram vialte cu an tuksa nan purh hna lai.

2 SIANGPAHRANG 11:17

Cun Jehoiada nih Bawipa le siangpahrang le mi zapi karlak ah cun, annih cu Bawipa mi an si nakhnga biakamnak a ser i siangpahrang le mizapi karlak zongah khan a ser fawn.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

NEHEMIAH 9:38

Hi thil vialte hna ruangah hin a fekmi biakamnak kha caṭial in kan ser i kan bawi hna le kan Levi mi hna le kan tlangbawi hna nih an cakhenhnak in an khenh.

2 CHANRELNAK 29:10

Ṭih a nungmi thinhunnak cu kan sinin aa mer nakhnga, Bawipa, Israel Pathian sin i biakamnak ser cu atu cu ka lung i a ummi a si.

2 CHANRELNAK 23:16

Cun Jehoiada nih amah le mizapi hna le siangpahrang karlak ah khan, annih cu Bawipa mi si awkah biakamnak a ser.

DEUTERONOMI 15:12

“Nan unau, Hebru minu maw Hebru mipa cu nan sinah zuarh a si ahcun, kum ruk chung an rianh hna lai, cun kum sarihnak kum ah cun nanmah sinin nan luatter lai.

ISAIAH 58:6

“Ka duhmi rawl ulhnak cu hihi a si: Hremnak cikcin kha chat hna u law dinlonak hngawngkual kha phoih hna u law hremmi kha luatter hna u.