JEREMIAH 33:15 - Lai (Hakha) Common Language Bible 2006

¹⁵ Khi ni le khi caan ah, David Nge, a dingmi ka corhter lai; ram chungah a hmaanmi le a dingmi thil kha a tuah lai.

JEREMIAH 33:15 Խաչաձեւ Հղումներ

ISAIAH 4:2

Hi ram chung thing hna le ram vialte hna hi Bawipa nih ngan ngaingai le dawh ngaingai in a ṭhanter hna caan a phan lai. Israel mi chungin a tangmi vialte hna kha cu, an ram chungin rawl a chuakmi ah khan an i lawm ṭhan lai i an hmai a hngal ṭhan lai.

ZEKHARIAH 3:8

Tlangbawi Ngan Joshua, ngai hmanh, nangmah le na hmaiah a ṭhumi na hawile hna cu, nan dihlak in thil a tlung ding chingchiahnak nan si: atu cu ka sal Thing Nge kha ka ratpi lai.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

ISAIAH 53:2

Vawlei car i a keomi thingkung bantukin a sal cu a rak ṭhang, cucu Bawipa duhning a rak si. Zoh kan duh nakhnga dingah i dawhnak le rumra zeihmanh a ngei lo, iang zeihmanh a ngei lo i a pumrua zong a chuakthiammi a si lo.

ISAIAH 42:21

Bawipa cu mi khamh a duhmi Pathian a si, cucaah a cawnpiaknak kha upat hna seh, ti a duh.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

SALM 45:7

a hmaanmi thil ṭha kha na duh i a ṭha lomi thil kha na huat. Cucaah cun Pathian, na Pathian nih khan a rak in thim i midang nakin tam deuh in lunglawmhnak kha an toih.

SALM 45:4

Biatak le biading kha hmunhter awkah na tei tiang lianhngannak in hmailei ah kal tuah. Na ṭhawnnak nih teinak ngan pipi an hmuhpiak lai.

JEREMIAH 17:25

hi khuapi kutka hna chungah hin David bawiṭhutdan ah a ṭhu dingmi siangpahrang hna kha an lut lai. Annih nih rangleng hna le rangtum hna kha an i cit hna lai i an ralbawi hna le Judah ram mi hna le Jerusalem khuami hna nih an cawngh hna lai: cun hi khua cu zungzal in a hmun lai, tiah Bawipa nih a ti.

JEREMIAH 30:9

Bawipa an Pathian le an caah ka chuahter laimi an siangpahrang David kha an rian an ṭuan cang hna lai, tiah Ralkapbu Bawipa nih a ti.

JEREMIAH 50:7

A hmumi hna paoh nih khan annih cu an ei hna i an ral hna nih cun, “Annih nih Bawipa cungah an sual caah kannih nih kan tuahmi hi cu sual a si lo. An pupa hna nih khan Bawipa cu an rak i bochan i annih zong nih hin amah sinah cun zumhawktlak tein an um ve awk a si,” tiah an ti.