JEREMIAH 32:39 - Lai (Hakha) Common Language Bible 2006

³⁹ Annih cu an nunning ah tinhmi pakhat lawngte ka pek hna lai: cucu anmah ca le an tefa hna ca i a ṭhami keimah ṭih zungzal kha a si lai.

JEREMIAH 32:39 Խաչաձեւ Հղումներ

LAMKALTU 4:32

Cun zumtu hna cu an bu ningte in an ruahnak le an lungthin aa khat dih. Ahohmanh nih an thil kha, keimah ta, an ti lo i an ngeihmi paoh kha an i hrawm dih.

JOHAN 17:21

An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh.

EZEKIEL 37:25

Ka sal Jakob ka pekmi ram, nan pupa hna umnak ram ah khan an um lai. Annih le an tefa hna cu khika ah zungzal in an um lai i ka sal David cu zungzal in an bawi a si lai.

EZEKIEL 36:26

Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.

HEBRU 10:20

Cu luhnak ah cun puanzar kha a thleh i lam thar nunnak lam kha a kan hunpiak — puanzar cu a pum kha a si.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

JEREMIAH 32:40

Annih he zungzal in a hmunmi biakamnak kha ka ser lai i donglo in ka ṭhatnak in ka vorh hna lai; an lung kha keimah ṭihnak in ka khahter lai i keimah sinin an pial ti lai lo.

PHUNGTHLÛKBIA 23:17

Misual kha tluk i zuam hna hlah, nifate in Bawipa a ṭihmi bel kha hngar ko hna;

2 CHANRELNAK 30:12

Bawipa bia in siangpahrang le a bawi pawl nih an chimhmi hna tuah awk i lungthin khat ngeih awkah Pathian kut cu Judah cungah khan a um fawn.

1 KORIN 7:14

Zeicahtiah a zummi a si lomipa cu a nupi he an i pehtlaihnak thawng khan Pathian cohlan awk tlak ah a cang i zumtu a si lomi nu cu a va Khrihfa a simi he an i pehtlaihnak thawngin Pathian cohlan awk tlak ah a cang. Hitihin rak si hlah seh law an fale cu lawkih fale bantuk an rak si hnga; asinain atu cu Pathian cohlan awk tlakmi an si.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

ROM 11:16

Changreu hlum chung i a dar hmasa bik cu Pathian sinah pek a si ahcun, changreu cu a hlum ningin amah ta a si; cun thingkung a hram hna cu Pathian sinah pek an si ahcun a nge zong amah ta an si.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

LAMKALTU 2:39

Zeicahtiah Pathian nih bia a kamhmi hna cu nanmah hi le nan fale hna hi le lam hlat pipi i a ummi hna zong nan si — Bawipa kan Pathian nih an kawhmi hna paoh caah hin a si,” tiah a ti.

EZEKIEL 37:22

Ram chungah le Israel tlang hna cungah miphun pakhat ah ka ser hna lai i an dihlak in siangpahrang pakhat nih a uk hna lai i pennak pahnih ah an i cheu hrimhrim ti lai lo.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

ISAIAH 52:8

Khua a vengtu kha an au i lunglawm in hmunkhat ah hla an sa. Zion i Bawipa a kir ṭhan kha an mit hrimhrim in an hmuh.

SALM 128:6

Nan tufa nan hmuh hna tiangin nung ko u. Israel cungah daihnak um ko seh.

SALM 112:1

Bawipa cu thangṭhat u! Bawipa a ṭihmi cu mi lunglawm an si. A nawlbia zulh a nuam in a theimi cu mi lunglawm an si.

DEUTERONOMI 5:29

Keimah ṭih le ka nawlbia hna ulh lungthin atu i an ngeih bang hin a zungzal ngei hna seh law ka hei duh dah, anmah le an fale caah a zungzal in aa remrel hnga!

GENESIS 22:12

Vancungmi nih cun, “Ngakchiapa kha fahnak zeihmanh pe hlah, a cungah zeihmanh zong tuah fawn hlah. Fapa pakhat lawngte na ngeihmi hmanh pek sian loin na ka um lo caah Pathian nawl ngaih cu na duh ngaingai ti kha ka hngalh,” tiah a ti.

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

GENESIS 17:7

“Ka biakamnak cu, zungzal hmunmi biakamnak caah, nangmah le a ra lai ding chan i na tefa hna sinah, ka fehter lai. Nangmah na Pathian le na tefa hna an Pathian ka si lai.

DEUTERONOMI 6:24

Cun kannih cu, nihin i a si bang hin, nungdam in a kan zuah nakhnga, Bawipa nih hi nawlbia vialte cu tuah awkah, Bawipa kan Pathian cu ṭih awkah nawl a kan pek, kan ca ṭhatnak caah a si zungzal.

SALM 86:11

Bawipa, tuah seh ti na ka duhmi kha ka cawnpiak law na nawl kha fel tein ka zulh lai; ka lungthin a dih umnak in na rian ka ṭuan nakhnga ka cawnpiak ko.

ISAIAH 65:23

An ṭuanmi rian ah khan khua awng an pem lai i an fale nih vanchiatnak an tong lai lo. Anmah he an fale he hmailei caan ra ding tiangin thluachuah ka pek hna lai.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

DEUTERONOMI 6:2

Bawipa na Pathian cu na ṭih nakhnga le na chan cu a sau nakhnga, Bawipa nan Pathian nih nannih kha cawnpiak awkah nawl a ka pekmi nawlbia hna le phunglam hna le phungbia hna cu mah hihi an si.

JEREMIAH 24:7

Keimah hngalh khawhnak lungthin kha ka pek hna lai, zeicahtiah keimah cu Bawipa ka si; an lungthin a dihumnak in keimah sinah an kir ṭhan lai caah annih cu ka mi an si lai i kei cu an Pathian ka si lai.

EZEKIEL 37:24

Ka sal David cu an uktu siangpahrang a si lai i tuukhal pakhat lawng an ngei lai. Ka phungbia ning khan an um lai i ka nawlbia kha an zulh hna lai i an tuah hna lai.