JEREMIAH 32:10 - Lai (Hakha) Common Language Bible 2006

¹⁰ Hnatlaknak ca cu ka min ka thut i min khenhnak in ka khenh i tehte kha ka hngalhpi u ka ti hna i tangka kha a thlainak ah ka thlai.

JEREMIAH 32:10 Խաչաձեւ Հղումներ

JEREMIAH 32:44

Benjamin ram chungah siseh, tlang ram khua hna chungah siseh, Shefelah ram chungah siseh, Negeb khua hna chungah siseh, lo cu i cawk le i zuarh an si ṭhan lai i cawknak ca hna cu minthut le minkhenhnak in khenh le tehte theihhngalh in tuah an si ṭhan lai, zeicahtiah an vanṭhatnak cu ka pek ṭhan hna lai,” tiah Bawipa nih a ti.

JEREMIAH 32:12

Mahseiah fapa Neriah i fapa Baruk kha, ka unau Hanamel hmaika ah cun, i cawknak ca chung i an min aa ṭialmi tehte hna le ralvennak inntual i Judah mi a ṭhumi hna hmaika ah khan ka pek.

JEREMIAH 32:25

Sihmanhsehlaw maw Bawipa Pathian, Babilon mi hna nih khuapi kha la dengmang cang hna hmanh seh law, tehte hna hmaiah lo kha a ka cawktertu cu nangmah na si,” tiah ka ti.

ISAIAH 44:5

“Midang zong nih, pakhat hnu pakhat in, ‘Kei cu Bawipa mi ka si,’ an ti lai i Israel mi chungah khan an i fon lai. An ban ah khan Bawipa min hmelchunhnak kha an ser lai i ‘Kei cu Bawipa mi ka si ve,’ an ti lai,” a ti.

JOB 14:17

Ka phungbuarnak cu zal chungah khumh an si lai i Ka ṭhat lonak cu nangmah nih na khuh hna lai.

DEUTERONOMI 32:34

“Mah hihi keimah nih ka khon i Ka ro kuang chungah ka hrenh chihmi a si lo maw?

BIAPHUAN 9:4

Ram hring siseh, thingkung siseh, ramkung siseh, hrawk hna hlah u, tiah an ti hna; an cal ah Pathian hmelchunhnak a ngei lomi lawnglawng kha nan hrawh khawh hna, ti an si.

BIAPHUAN 7:2

Cun nichuahlei in vancungmi a dang pakhat a nungmi Pathian cakhenhnak he a rat kha ka hmuh. Pathian nih vawlei le rili hrawh khawhnak nawl a pekmi vancungmi pali kha aw fak piin a auh hna.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

EFESA 1:13

Nannih zong cuticun nan si ve: khamhnak an phorhtu hna Thawngṭha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si.

2 KORIN 1:22

Pathian nih cun amah ta kan sinak hmelchunhnak kha kan cungah a khenh i kan ca i a kan chiahpiakmi a dihlak aamahkhan caah khan kan lung chungah Thiang Thlarau kha a kan pek.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

JOHAN 3:33

A bia a cohlangmi paoh nih cun kha an cohlannak thawng khan, Pathian chimmi cu a taktak a si ti kha an langhter.

DANIEL 8:26

Zanlei raithawinak hna kong le zinglei raithawinak hna kong i phuannak na hmuhmi an sullam hi biatak a simi an si; Sihmanhsehlaw langhnak na hmuhmi hi na thuh rih hna lai, Zeicahtiah hi langhnak a vung tlin tik khi cu hmaileipi ah khin a si te lai,” tiah a ti.

ISAIAH 30:8

Hi miphun hi zeidah an lawh ti kha cauk pakhat chungah a ṭial in na ṭial lai i cu na ṭialmi cu an ca i a hmunmi tehte a si lai, tiah Pathian nih a ka ti.

SOLOMON HLA 8:6

Na lung chungah ca bangin ka khenh ko ai law Val dang pom ser loin keimah lawng ka pom ai ko. Dawtnak cu ee thihnak tluk ṭhawng ve, Nahchuahnak nih thli bang a hrang tuk ai! Dawtnak nih cun mei bangin hlio kaw meizik nakin ṭhawng deuh ai.

JOSHUA 18:9

Cucaah, mi cu an kal i ram cu an ṭol dih; hmun sarih ah an cheumi ram kong cu cauk chungah a khua a khua in an ṭial; cun Joshua sinah Shiloh i an riahhmun ah khan an ra i

MATTHAI 27:66

Cucaah an va kal i thlan cu him tein an cawnghter hna; lung kha ca an khenh i ralvengtu pawl kha, run veng u, an ti hna.

GENESIS 23:16

Abraham cu a hna a tla ve i Hit mi hna theih hngan i Efron nih cu zat in si seh a timi zat khan Abraham nih cun a thlai — chawdawr pawl nih an thlai ningin ngun tangka phar za li a si.

GENESIS 23:20

Cuticun Hit mi hna ta a rak simi lo le a chung lungkua kha vuinak hmun caah Abraham ta ah an cang.

RUTH 4:1

Cun Boaz cu hauka ah khan a hung kal i khika ah a ṭhu; cun zohhmanh, Boaz i a chimmi rualchan naih kha a ra. Cucaah Boaz nih, “Ka kawi, ra pial ta rih tuah; hika ah hin ṭhu tuah,” tiah a ti i a ra pial i a ṭhu.