JEREMIAH 31:8 - Lai (Hakha) Common Language Bible 2006

⁸ Chaklei ram in ka ratpi hna lai, Vanhramdeng in ka pumh hna lai. Mitcaw le kebei zong an sinah an ra ve lai i Fapawi le a ni thla a tling dengmangmi hna zong an sinah an i tel lai; Miphun ngan piin an ra kir ṭhan lai.

JEREMIAH 31:8 Խաչաձեւ Հղումներ

SALM 107:3

ram dang in an tlunpi hna, nichuah, nitlak, chaklei, thlanglei in an tlunpi hna.

SALM 65:5

Maw Pathian, kan Khamhtu, thla kan cam tikah na kan leh i khuaruahhar thil na tuahmi in na kan khamh. Vawleicung mi vialte le a hla bik rili ral i a ummi hmanh nih an in bochan.

SALM 98:3

Israel mi bia a kamhmi hna kha a zulh i an cungah a fekmi dawtnak a ngei i zumhawktlak in a um. Kan Pathian nih ral a teinak kha mi vialte nih khuazakip ah an hmuh.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 43:6

Chaklei ram cu, thlah hna u, ka ti hna lai i thlanglei ram cu, tlai hna hlah u, ka ti hna lai. Ram hla pipi in ka mi cu kir hna seh law, vawlei cung khuazakip in kir hna seh.

ISAIAH 45:22

Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko.

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

JEREMIAH 16:15

‘Chaklei ram le ṭhek an sinak ram vialte hna chungin Israel mi a kirpitu hna Bawipa a nun bangin,’ tiin mi nih chiat an ser lai caan kha a ra lio; cun an pupa hna sinah ka rak pekmi anmah ramte ah khan ka kirpi ṭhan hna lai, tiah Bawipa nih a ti.

JEREMIAH 23:3

Ka tuu a tangmi hna cu ka dawinak hna ram kip khan keimah hrimhrim nih ka pumh ṭhan hna lai. Anmah le an inn cio ah ka ṭinpi ṭhan hna lai i an pungzam lai i an karhcho lai.

JEREMIAH 23:8

‘Israel tefa hna chaklei ram in le a ṭhawl hnanak ram kip chungin, anmah le an vawlei cio i khuasakter ṭhan awkah a ratpitu hna Bawipa a nun bangin,’ ti in chiatsernak an tuah lainak caan kha a ra lio,” tiah Bawipa nih a ti.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

JEREMIAH 3:12

Va kal law hi bia hi chaklei ah va thanh law hitihin va ti: Zumhawktlak lo Israel, ra kir tuah, tiah Bawipa nih a ti; Nangmah cu thinhunnak in kan zoh ti lai lo, Zeicahtiah kei cu zaangfah thiammi ka si, tiah Bawipa nih a ti; Zungzal in ka thin a hung lai lo.

JEREMIAH 3:18

Khi tikah cun Judah chungkhar le Israel chungkhar cu an i fon lai i Hmun khat ah chaklei ram khan, ro caah an pupa ka pekmi hna ram ah khan an ra ṭi lai.

EZEKIEL 20:34

Nan i ṭheknak ram chung khan le miphun hna chung khan a ṭhawngmi ka kut le samhmi ka baan le thletmi ka thinhunnak in kan chuah ṭhan hna lai i kan pumh ṭhan hna lai.

EZEKIEL 20:41

Nan i ṭheknak ram hna le miphun hna chungin kan chuahpi hna i kan pumh hna tikah, nan raithawinak rim thaw cu kan cohlanpiak hna lai. Miphun vialte hmuh awkah keimah lawnglawng kha nan ka biak lai.

EZEKIEL 34:12

Tuukhal nih a pawngah a tuu an i ṭhek tikah anmah kawl awkah a kal bangin, ka tuu hna kawl awkah ka kal lai i khuachiat le khuadawm ni zongah siseh, khuazeihmanh ah i ṭhek hna ai kun, an i ṭheknak hmun paoh khan ka chuahpi hna lai.

EZEKIEL 34:13

Miphun kip sin khan ka chuahpi hna lai, ramdang khan ka pumh hna lai i anmah vawlei te ah khan ka hruai hna lai. Israel tlang cungah khan, a tiva pawng hna le a ram a hrinnak hmun kip ah khan ka tlonter hna lai.

EZEKIEL 34:16

A tlaumi kha ka kawl hna lai, a pialmi kha ka kirpi ṭhan hna lai, hma a ingmi kha ka thlop hna lai, a zawmi kha thazang ka pek hna lai, asinain a thaumi le a ṭhawngmi kha ka hrawh hna lai. Zeicahtiah kei cu dinnak a tuahtu tuukhal ka si.

MIKAH 4:6

Khi ni ah cun a tlaumi kha ka pumh hna lai i, Raltangmi kha ka khawmh hna lai i a derthawmmi kha thazang ka pek hna lai.

ZEFANIAH 3:19

Khi caan a phak tikah, zohhmanh, Nangmah an hremtu vialte hna kha keimah nih ka tongh hna lai. A beimi kha ka chanh hna lai i a ṭhekmi kha ka pumh hna lai; Ka mi hna cu hmasa i zawmhtaih an rak sinak ram paohpaoh ah khan thangṭhatnak le minthannak ka hmuhter ṭhan hna lai.

ZEKHARIAH 2:6

Tho u, tho u, chaklei ram in zam u, tiah Bawipa nih a ti; zeicahtiah vancung thlitu pali hna bantuk khin nan thla kan zamter hna lai, tiah Bawipa nih a ti.

MATTHAI 12:20

Dinnak kha teinak ah a phakter hlantiang a kiakmi phaikung kha i hlang koin a khiak lai lo i a mit dengmangmi meiinn kha a hmit lai lo.

JOHAN 21:15

Rawl an ei dih hnuah Jesuh nih Simon Peter cu a thawh i, “Johan fapa Simon, hi hna nih an ka dawtnak hin nang nih na ka daw deuh maw?” tiah a ti. “Asi, Bawipa, kan dawt kha na hngalh,” tiah a leh. Jesuh nih, “Ka tuufa tete kha cawm hna,” tiah a ti.

1 KORIN 8:10

A biana ah, mipa pakhat, a chiaṭha thleidannak a dermipa nih, siasal biaknak inn i nannih “hngalhnak a ngeimi hna” rawl nan ei cu an hmuh hna; cu nih cun bawlnak sa cu ei awk a si ko tiah a forh lai lo maw?

DEUTERONOMI 30:4

Nan lakin chuahmi hna kha vanhramdeng bik i an um hmanh ah, khika khin Bawipa nan Pathian nih an pumh hna lai i khika khin an ratpi hna lai.

1THESALON 5:14

U le nau hna, a tha a thumi kha chimhring hna u, a ral a chiami kha ralṭhatnak pe hna u, thazang a dermi kha bawm hna u, pakhat le pakhat lungsau thinfual in um u.

HEBRU 12:12

Cucaah a thlepmi nan ban kha hler hna u law a dermi nan khuk kha fehter hna u,

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.