JEREMIAH 31:4 - Lai (Hakha) Common Language Bible 2006

⁴ Nannih cu kan tunmer ṭhan hna lai. Nan tingtang kha nan i lak ṭhan hna lai i lawmhnak in nan lam ṭhan lai.

JEREMIAH 31:4 Խաչաձեւ Հղումներ

JEREMIAH 33:7

Judah le Israel cu an vanṭhatnak kha ka pek ṭhan hna lai i hmasa ah an rak sining te bantuk khan ka sak ṭhan hna lai.

JEREMIAH 31:13

Cun ngaknu hna cu an lam lai i an i lawm lai, Tlangval le patar hna cu an tha a nuam lai; An mithi zunngaihnak cu lunglawmhnak ah ka thlen lai, Ka thin ka nemter lai i an ngaihchiatnak lonh in lunglawmhnak ka pek hna lai.

AMOS 5:2

Ngaknu thiang Israel cu tho ṭhan ti lo dingin a tlu cang, Amah a ram ah cun a bawk i ahohmanh amah a thotu ding an um lo.

LAMKALTU 15:16

‘Hi hnuah hin ka ra kir ṭhan lai i David inn a tlumi kha ka tun ṭhan lai. A rawhnak kha ka remh lai i ka sak ṭhan lai.

SALM 149:3

Nan lamnak ah khan a min cu thangṭhat u, amah cu khuang le tingtang in thangṭhat u.

LUKA 15:23

Cun va kal u law cawfa a thau bik kha va la u law va that u, lunglawm ngaiin puai tuah u sih.

ṬAHNAK HLA 2:13

Maw Jerusalem fanu, na caah zeidah ka chim khawh lai i Zei he dah kaan tahchunh khawh lai? Nangmah hnemh awk caah zei he dah kan tahṭhimh khawh lai Maw Zion fanu thiang? Zeicahtiah na hma cu rili ngaw a ti i aho nih dah aan damter khawh lai?

2 SIANGPAHRANG 19:21

Mah hihi amah kong ah Bawipa nih a chimmi bia cu a si: Maw Sennakherib, nangmah cu Zion fanu nih an zawmhtaih i an nihsawh, Jerusalem fanu nih na hnulei in a lu an thinhnawh.

ṬAHNAK HLA 1:15

Ka khua kulh chung i a ummi miṭhawng vialte hna cu Bawipa nih zeihmanh ah a rel hna lo; Ka ralkap valno rual kha cil dih awkah ralkap kha a ka pumhhnawh luaimai hna. Bawipa nih Judah fanu thiang cu, Mitsur nennak chung i mitsur thei bantukin a ke in a cil.

JEREMIAH 31:21

“Nan lam chingchiahnak dingah lungpon hnuai hna u, chingchiahnak tung phun hna u; Nan zulh dingmi lam cu fiang tein i hngalh u. Ra kir ṭhan tuah u, Maw Israel mi hna, Nan khua hna ah cun ra kir ṭhan cio tuah hna u.

JEREMIAH 18:13

Cucaah Bawipa bia cu hi bangin a si na ti lai: Miphun hna kha va hal tuah hna u, hi bantuk hi aho tal nih an thei bal maw? Ngaknu thiang Israel nih thil ṭhalo cem bik a tuah ko.

JEREMIAH 1:10

Zohhmanh nihin ah hin nangmah cu miphun hna cung le pennak hna cungah, phawi awk le ṭheh awkah, hrawh awk le hral awkah, sak awk le phun awkah kan chiah cang,” tiah a ti.

SALM 69:35

Zion cu a khamh lai i Judah ram chung khua cu a remh ṭhan hna lai; a mi cu cuka ah cun khua an sa lai i ram cu an co lai;

SALM 51:18

Maw Pathian, Zion cu zaangfah law bawm tuah; Jerusalem kulhnak vampang cu remh ṭhan hna.

BIACEIHTU 11:34

Cun Jepthah cu Mizpah i a inn ah a tlung i zohhmanh, a fanu nih amah kha don awkah khuang tete le laam he a hung chuak; amah lawnglawng cu fa a ngei; amah hlei ah fapa siseh fanu siseh a ngei ti hna lo.

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

JEREMIAH 14:17

Cucaah annih na chimh ding hna bia cu mah hihi a si: Chun zan in ka mitthli cu hul loin luang camcin ko seh, Zeicahtiah ka mi hna ngaknu thiang cu kuai cikcek in den a si i fak piin hma a ing.

ISAIAH 37:22

Bawipa nih cun, “Sennakherib, nangmah cu Jerusalem khua nih khan a nih in an nihsawh men ko, capo men ah an saih ko.

SALM 30:11

Ka ngaihchiatnak cu lunglawmh lamnak ah na ka thlenpiak cang, ka mithi ngaihnak puan cu na ka lakpiak i lunglawmhnak puan kha na ka pek.

ISAIAH 30:32

Pathian nih a tuk chih lengmang hna bantuk khan a mi hna zong nih cun an khuang le an dar kha an rak ṭhuanh chih lengmang ve hna lai. Pathian hrimhrim nih Assiria mi cu a doh hna lai.

JEREMIAH 24:6

An cungah ṭhatnak tuah dingin ka zohkhenh hna lai i an ram ah hin ka kirter ṭhan hna lai; ka sersiam hna lai i ka ṭhet hna lai lo, ka phun hna lai i ka phawi hna lai lo.

JEREMIAH 31:38

“Zohhmanh, khuapi cu Hananel Innsang in Kil Kutka timi tiang, Bawipa upatnak caah sak ṭhan a si lai ni kha a ra lio.

JEREMIAH 46:11

Gilead ah hung kal law damnak si hung i lak tuah, Maw Izipt fanu thiang. Nangmah nih si tampi na hneksak lengmang cang i pakpalawng an si dih; Na caah damnak zeihmanh a um lo.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.