JEREMIAH 30:7 - Lai (Hakha) Common Language Bible 2006

⁷ Ṭih a nungmi ni cu a ra lio; cu tluk ṭih a nungmi ni cu a um bal lo, Cu ni cu Jakob tefa hna caah harnak caan a si; Sihmanhsehlaw him tein an chuak ko lai,” tiah a ti.

JEREMIAH 30:7 Խաչաձեւ Հղումներ

GENESIS 32:7

Jakob cu a thin a phang ngaingai i a awlok a chong. A sin i a ummi minung hna le a tuu hna le a meheh hna le a caw hna le a kalauk hna kha bu hnih ah a ṭhen hna.

SALM 25:22

Maw Pathian, na mi cu kan harnak chung hin kan khamh ko!

SALM 34:19

Miṭha nih harnak tampi a in tawn, sihmanhsehlaw harnak a inmi chung khan Bawipa nih a khamh;

ISAIAH 20:6

Cu caan a phak tikah Filistia ram rili kam i a ummi hna nih, ‘Assiria siangpahrang sinin an kan huhphenh lai tiah kan rak i bochanmi hna kha zoh hna hmanh u. Zeitindah kannih zong kan nun bal rua hnga,’ an ti lai,” tiah a ti.

JEREMIAH 14:8

Maw nang, Israel mi nih an i ruahchanmi, harnak caan i a khamhtu hna, Kan ram chungah hin khual bantukin maw na um ko lai? Zan khat riak khualtlawng bantuk maw na si ko lai?

JEREMIAH 2:27

Thingkung kha, ‘Nangmah cu ka pa na si,’ an ti i Lung kha, ‘Nangmah nih na ka hrin,’ an ti. Annih nih an hnulei an ka chit i an hmai kha an ka hoih lo. Sihmanhsehlaw harnak an ton ni ah cun, ‘Tho law, kan khamh tuah,’ an ti.

JEREMIAH 2:28

Nan ca i nan i sermi nan pathian hna cu khuazei ah dah an si kun? An in khamh khawh hna ahcun, harnak nan ton ni ah cun tho hna ngat seh; Zeicahtiah, maw Judah, na khua le na pathian an i zat.

JEREMIAH 30:10

“Cucaah cun ṭih hlah maw Jakob, ka sal; Maw Israel, lungdong in um hlah, tiah Bawipa nih a ti. Zeicahtiah ram hlapi khan kan ratpi ṭhan lai i na tefa hna cu sal i an tannak hmun khan ka kirpi ṭhan hna lai; Cun Jakob cu hnangam tein a um ṭhan lai i thluachuak le lungdai in a um lai.

ṬAHNAK HLA 1:12

Lam i aa chawkmi hna nan caah, Mah hihi zeihmanhlo maw a si ko? A zoh tal cu ka zohpiak ko sawh u: Ka lungfahnak bantuk lungfahnak hi a um maw? Bawipa nih a thinhun ni ah zaangfahnak um loin dan a ka tatnak hremnak bantuk hi a um ti maw?

ṬAHNAK HLA 2:13

Maw Jerusalem fanu, na caah zeidah ka chim khawh lai i Zei he dah kaan tahchunh khawh lai? Nangmah hnemh awk caah zei he dah kan tahṭhimh khawh lai Maw Zion fanu thiang? Zeicahtiah na hma cu rili ngaw a ti i aho nih dah aan damter khawh lai?

ṬAHNAK HLA 4:6

Ka mi hna dantatnak hi Sodom dantatnak nakin a chia deuh, Sodom khua cu chikkhatte ah hrawh a rak si caah Ahohmanh an ngaih a chia manh lo.

DANIEL 12:1

Khi caan ah a nganmi vancungmi, na miphun a zohkhenhtu hna, Mikhael kha a hung chuak lai, Cun hi miphun nih miphun an si hramthawk in an tonmi harnak, harnak ṭhalo bik kha a tlung lai. Sihmanhsehlaw khi caan ah cun Pathian cauk chungah an min khumh a simi na mi hna cu an luat lai.

DANIEL 9:12

Kanmah kong ah siseh, a kan uktu hna kong ah siseh, na chimmi vialte kha na tlinter i kan cungah le Jerusalem khua cungah vawlei cung dihlak i a tlung tawnmi harnak vialte hna nakin a ngan deuhmi harnak kha na tlunter;

HOSEA 1:11

Cun Judah mi le Israel mi hna cu hmunkhat ah fonh an si lai i anmahte nih hruaitu pakhat kha an i thim lai, cun annih nih ram kha an co lai, Jezreel ni cu a lianngan lai.

JOEL 1:15

Bawipa ni cu a nai cang; Cu ni cu Bawipa sinin a chuakmi rawhnak ni a si lai. Cu ni cu zeitluk ṭihnung dah a si lai!

JOEL 1:2

Nannih upa hna, ngai tuah u, Ram chung i a ummi hna, ka bia hi thei tuah u: Hi bantuk thil hi nan chan chungah a um bal maw? Nan pale chan ah tah a rak um bal maw?

JOEL 2:11

Bawipa nih a ralkapbu cu khuari thawngin nawl a pek hna, Amah nawl a ngaimi ralkap hna cu a ṭhawngmi le rel cawk a si lomi an si. Bawipa ni cu zeitluk in ṭih a nungmi le a liannganmi dah a si! Ahodah a ing kho lai?

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

MIKAH 4:9

Zeicahdah atu hi a lau in nan lau? Siangpahrang nan ngei lo maw? Fimchimtu a tangmi nan ngei lo maw? Zeicahdah nau nganfah a ing liomi nu bantukin a ngerh in nan i ngerh len ko?

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

ZEKHARIAH 14:7

A dihlak in ni khat a si dih ko lai i cu ni a rat lai ding cu Bawipa lawnglawng nih a hngalhmi a si, chun zan ti zeihmanh a um lai lo, zan ah ceunak a um ko lai.

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

MARKA 13:19

Zeicahtiah hi a tlung dingmi harnak hi Pathian nih vawlei a ser hramthawk in atu tiangah a um bal lomi thil, ṭih a nung bikmi harnak a si lai. Hmailei zongah cu bantuk cu a um ti lai lo.

LAMKALTU 2:20

Bawipa Ni, a sunglawimi ni le a liannganmi ni a phak hlanah khan Ni cu a mui lai i thlapa cu thisen bantukin a sen lai.

ROM 11:26

Cun Israel mi vialte khamh an si lai cu hitihin a si lai: Cathiang nih, “Zion in Khamhtu cu a ra lai i Jakob tefa hna chungin ṭhat lonak vialte kha a hloh lai.

BIAPHUAN 6:17

An thinlinh ni ni lianngan cu an phan cang i aho nih dah a celh lai,” a ti.