JEREMIAH 25:34 - Lai (Hakha) Common Language Bible 2006

³⁴ Maw tuukhal hna, ṭap u law ai u, Tuurun bawi hna, vutcam lakah i lawng u. Atu cu thahnak hmun i kal kha nan chel a si cang i tuukawng ṭha bantukin nan tlu lai.

JEREMIAH 25:34 Խաչաձեւ Հղումներ

JEREMIAH 6:26

Maw ka mi hna fanu, buri i aih law vutcam i phulh tuah; Fapa ngeih chunte a thih i an ṭah bantukin fak piin ṭap tuah, Zeicahtiah a kan hrawktu ding nih a kan tuk dengmang cang.

AMOS 5:11

Nannih nih sifakmi kha nan lamhchih hna i Rawl kha hramhram in nan chuh hna caah Nannih nih lung remhmi inn cu i sak hna hmanh u law an chungah nan um lai lo; Nannih nih mitsur dum ṭhaṭha i ser hmanh u law, an hang kha nan ding lai lo.

DANIEL 11:8

An pathian milem cu a lak hna lai i a sungmi an thil, sui le ngun hna he khan Izipt ram ah a kalpi hna lai.

EZEKIEL 34:20

Cucaah nan sinah Bawipa Pathian nih a chimmi bia cu hihi a si: Atu cu keimah hrimhrim nih a thaumi le a dermi tuu kha bia ka ceih hna lai.

ṬAHNAK HLA 4:21

Uz ram ah a ummi Edom fanu, I lawm law na tha nuam ko; Asinain, na caan a phak tikah hrai cu na sin a phan ve lai i, Na rit tikah nangmah le nangmah cu ningzahnak ah naa paih te lai.

JEREMIAH 50:27

A ralkap cu that dih hna u, thahnak hmun ah vun kalpi hna u. An caah ngaihchia a va si dah! An ni, an dantat caan cu a phan cang.

JEREMIAH 48:26

“Moab kha, Bawipa cu zei i a rel lo caah ritter law a luak ah khan i bual seh law nihsawhnak hmu seh.

JEREMIAH 27:7

Miphun vialte hna nih amah le a fapa le a tupa kha, a ram nih, a caan a phak hlantiang, an rianh hna lai; cun miphun ṭhawng hna le siangpahrang ngan hna nih amah cu an duhduh in an hman ve te lai.

JEREMIAH 25:36

Tuukhal hna ai thawng cu ngai hmanh, Tuurun bawi hna kiao thawng cu thei hmanh, Zeicahtiah an tlonnak ram cu Bawipa nih a hrawh lio i,

JEREMIAH 25:23

Dedan, Tema le Buz ram khuapi vialte hna; An sam aa metmi vialte hna;

JEREMIAH 25:12

Cun kum sawm sarih cu a dih tikah, Babilon siangpahrang le a miphun cu an ṭhat lo ruangah khan dan ka tat hna lai i Khaldi mi hna ram cu zungzal in pakpalawng ah ka ser lai.

JEREMIAH 22:28

Hi mipa Koniah hi mi nawl lawng in a ummi, zeihmanh i rel awk tlak lo le santlailo, ahohmanh i duh lomi thil a si maw? Amah le a fale hna cu an hngalh bal lomi ram ah hlonh vurmar le dawi an si hi zeidang ruangah a si hnga maw?

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

ISAIAH 34:6

A nam ah cun an thi le an thau kha tlor zelzul in an i neh lai, raithawinak ah an hmanmi tuufa hna thi le thau bantuk le meheh thi le thau bantuk kha an si lai. Bawipa nih hi raithawinak cu Bozrah khua ah khan a tuah lai; hi bantukin a nganmi thahnak cu Edom ram ah khan a tuah lai.

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

ISAIAH 30:14

Tlak um bantukin an in den cikcek hna lai, fak tuk in nan keh nan kuai lai caah meiṭil laknak caah a zami le tikhor ti suahnak ah a zami hmanh nan um lai lo,” a ti.

ISAIAH 10:12

Sihmanhsehlaw Bawipa nih, “Atu i Zion Tlang cung le Jerusalem khua chungah ka tuah liomi hi ka dih tikah cun, Assiria siangpahrang hi aa porhlawtnak le a tluangkhawnmi ruangah hin dan ka tat lai,” a ti.

ISAIAH 2:16

Lawng ngan bikbik hna le lawng dawh bikbik hna hmanh kha ti chungah a pilter dih hna lai.

SALM 2:9

Thirfung in na uk hna lai i tlak um bangin na khuai dih hna lai,” a ti.

2 CHANRELNAK 36:10

Cun cu kum ṭhal ah Nebukhadnezzar Siangpahrang nih mi a thlah hna i amah cu Bawipa inn chung i umkheng mansung hna he cun Babilon ah an ratpi i a unau Zedekiah cu Judah le Jerusalem siangpahrang ah a ser.

JEIM 5:5

Hi vawlei cungah cun nuam ngai le duhtling ngaiin nan nung. Sa thah ni caah nanmah le nanmah nan rak i thauter.

ISAIAH 34:7

Mi cu cawtum hrang le cawtum no bantukin an thi lai i vawlei cu thisen nih a ciah in a ciah lai i thau nih a khuh lai.

JEREMIAH 18:22

Ralrinnak pek hmasa loin an cungah ramhtu kha tlunter hna, An inn chungin kiaonak le ainak thawng kha thang hna seh, Zeicahtiah ka tlaknak ding caah khor an cawh i Kaa foihnak ding caah rap an chiah.

JEREMIAH 48:38

Moab ram chung i inncung hna ah le an tual kau pipi hna ah cun, ṭahnak hla dah ti lo cu zeihmanh a um lo; zeicahtiah Moab cu ahohmanh nih zei i an rel lomi um bangin ka khuai cang, tiah Bawipa nih a ti.

HOSEA 8:8

Atu cu Israel hi dolh a si cang, miphun hna lakah a lo cang, man ngei lo a si cang.

ZEKHARIAH 10:3

Tuukhal hna cungah cun ka thin a hung, tuurun a hruitu hna cungah cun ka dantatnak kha ka tlunter lai; Sihmanhsehlaw ralkapbu Bawipa nih a tuurun, Judah innchungkhar kha a len hna lai i raltuknak rangtum ah a ser hna lai.

ZEKHARIAH 11:3

Tuukhal hna an ṭah thawng cu ngai hmanh u, Zeicahtiah saṭil tlonnak ram cu a rawk dih cang. Chiandeih no an huk thawng cu ngai hmanh u, Zeicahtiah Jordan tupi cu a rawk dih cang.

JEREMIAH 23:1

Ka tuurun chung tuu a ṭhek i a tlautertu hna tuukhal cu an cungah ningzahnak tlung ko seh, tiah Bawipa nih a ti.