JEREMIAH 25:12 - Lai (Hakha) Common Language Bible 2006

¹² Cun kum sawm sarih cu a dih tikah, Babilon siangpahrang le a miphun cu an ṭhat lo ruangah khan dan ka tat hna lai i Khaldi mi hna ram cu zungzal in pakpalawng ah ka ser lai.

JEREMIAH 25:12 Խաչաձեւ Հղումներ

DANIEL 9:2

keimah Daniel cu cathiang kha ka rel i Bawipa nih profet Jeremiah sinah a chimmi bia ningin Jerusalem khua cu kum sawm sarih chung a rawk lai timi kong kha ka ruat.

ISAIAH 13:19

Babilon ram hi ram vialte lakah ram dawh bik a si, a chung i a ummi a mi hna nih an i chor ngaingaimi a si. Sihmanhsehlaw Bawipa nih Sodom le Gomorrah ka rak hrawh bantuk khan ka hrawh ve lai.

JEREMIAH 29:10

“Mah hihi Bawipa chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak ṭhan hna lai i thil ṭha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi ṭhan hna lai.

ISAIAH 14:23

Babilon cu tibual ah ka canter lai i khika ah chimbu an um lai. Zeizong vialte a phiak dihtu hmunphiah in Babilon cu ka phiah lai. Ralkapbu Bawipa nih hi bia cu ka chim,” a ti.

EZEKIEL 35:9

Nangmah cu ṭiaotakmi ram ah a zungzal in kan ser lai i Na khua chungah mi an um lai lo; Cuticun Bawipa ka si kha na hngalh lai, a ti.

JEREMIAH 25:14

Babilon mi cu an tuahmi kha ka lehrulh hna lai i miphun tampi le siangpahrang nganngan hna nih sal ah an tlaih hna lai,” tiah Ralkapbu Bawipa nih a ti.

JEREMIAH 23:2

Cucaah ka mi a zohkhenhtu tuukhal hna kong ah Bawipa, Israel Pathian bia cu hi bangin a si: “Nannih nih ka tuurun cu nan ṭhek hna i nan dawi hna. Nan zohkhenh hna lo, sihmanhsehlaw ṭhat lonak nan tuahmi ruangah nanmah kha dantat awkah keimah nih nanmah cu kan zoh ko hna, tiah Bawipa nih a ti.

ISAIAH 46:1

Atu cu Babilon pathian kha donghnak an phan cang! Hlanah cun Bel le Nebo kha an rak biak hna, sihmanhsehlaw atu cu laa cungah khan an khin hna i a tha a bami saram caah phorhrit an si cang.

ISAIAH 20:1

Assiria siangpahrang Sargon nih a fial bantukin, Assiria ralkap uktu bawi a ngan bik nih Filistin mi khua Ashdod kha a tuk.

ISAIAH 15:6

Nimrim tiva cu a kao, a pawng ram cu an car dih i a hringmi zeihmanh an taang lo.

2 SIANGPAHRANG 24:1

Amah chan ah cun Babilon siangpahrang Nebukhadnezzar kha a hung i Jehoiakim cu kum thum chung a sal ah a cang; sihmanhsehlaw aa let i a doh.

2 CHANRELNAK 36:22

Jeremiah kaa in a langmi Bawipa bia cu a tlin nakhnga, Persia siangpahrang Sairas a bawi kum khatnak ah, Bawipa nih Sairas thlarau cu a hninhsaih i cucaah a pennak ram chung vialte ah thawng thanhnak a tuah i,

SALM 137:8

Babilon, hrawh na si cang lai! Kan cung i na tuahmi ruangah, teirul an chamtu cu an i lawm lai,

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

JEREMIAH 27:7

Miphun vialte hna nih amah le a fapa le a tupa kha, a ram nih, a caan a phak hlantiang, an rianh hna lai; cun miphun ṭhawng hna le siangpahrang ngan hna nih amah cu an duhduh in an hman ve te lai.

JEREMIAH 27:22

Babilon ah kalpi an si lai i ka auh ṭhan hna hlantiang khika ah an um lai, tiah Bawipa nih a ti; cun ka kirpi ṭhan hna lai i hi hmun ah hin ka chiah ṭhan hna lai, a ti fawn.

HABAKKUK 1:17

Cu bantuk cun mi nih vainam kha an i phawi zungzal ko i Zaangfahnak um loin miphun kha an sam lengmang ko hna.