JEREMIAH 24:5 - Lai (Hakha) Common Language Bible 2006

⁵ “Hi bangin Bawipa Israel Pathian nih a ti: Hi ram in Khaldi mi hna ram ah ka kaltermi hna Judah ram mi hna sal i a tangmi hna hi, hi theipi ṭha bantuk ah hin ka rel hna lai.

JEREMIAH 24:5 Խաչաձեւ Հղումներ

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

NAHUM 1:7

Harnak caan ah amah aa bochanmi caah cun Bawipa cu a fekmi himnak a si; Amah nih ka chanh seh, ti a duhmi paoh cu a zohkhenh hna.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

GALATI 4:9

Sihmanhsehlaw atu cu Pathian cu nan hngalh cang — atu cu Pathian nih an hngalh hna ka ti deuh awk tu a si — cucaah zeitindah kha a derthawmmi le san a tlai lomi thlarau hna leiah khan i mer ṭhan nan duh? Zeicahdah an sal si, i nolh ṭhan cu nan duh?

1 KORIN 8:3

Sihmanhsehlaw Pathian a dawmipa kha Pathian nih a hngalh.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

JOHAN 10:27

Ka tuu nih cun ka aw kha an ngaih, annih kha ka hngalh hna i an ka zulh.

MATTHAI 25:12

Sihmanhsehlaw nupi ṭhi tlangvalpa nih cun, ‘Kan hngal hrimhrim hna lo,’ tiah a leh hna.

SALM 119:71

Dantatnak ka inmi cu ka caah a ṭha, zeicahtiah na nawlbia kha a ka hngalhter.

SALM 119:67

Dan na ka tat hlanah cun a pingah ka kal tawn, sihmanhsehlaw atu cu na bia kha ka ngaih.

DEUTERONOMI 8:16

ramlak chungah khan nan pupa hna nih an hngalh lomi manna in an cawm hna, a donghnak ah nannih cu ṭhatnak tuahpiak awkah an hneksak hna i thluachuahpek awkah an ṭhumh hna.

JEREMIAH 24:4

Khi tikah hi bia cu Bawipa sinin ka sinah a ra i,

JEREMIAH 29:4

“Ralkapbu Bawipa, Israel Pathian nih hitin a ti: Jerusalem in Babilon ah sal ah ka kaltermi vialte hna sinah,

JEREMIAH 29:20

Sihmanhsehlaw nannih saltangmi hna, Babilon ah Jerusalem in ka kaltermi hna, keimah Bawipa bia hi ngai tuah u:

EZEKIEL 11:17

Miphun dang hna chung khan ka pumh ṭhan hna lai i ka ṭhek hnanak ram chung khan ka khawmh ṭhan hna lai, cun Israel vawlei cu ka pek ṭhan hna lai.

LEVITIKAS 26:44

Asinain cu vialte ruang hmanh ah cun, an ral hna ram chung i an um tikah, ka hlaw hna lai lo, annih kha hrawh cikcek i annih he ka biakam kha hrawh tiangin ka hua fawn hna lai lo; zeitintiah keimah cu Bawipa an Pathian ka si.

JEREMIAH 29:11

Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai.

EZEKIEL 11:20

Cun ka phung kha an zulh lai i ka nawlbia kha an tuah lai. Annih cu ka mi an si lai i kei cu an Pathian ka si lai.