JEREMIAH 23:36 - Lai (Hakha) Common Language Bible 2006

³⁶ ‘Bawipa bia cu thilrit a si,’ ti cu nan chim hrimhrim lai lo, zeicahtiah cu bantukin a chimmi cu a caah thilrit a si taktak lai; nan chim a si ahcun, Ralkapbu Bawipa, Pathian nung, kan Pathian a bia kha pakpalawng ah nan canter hna lai.

JEREMIAH 23:36 Խաչաձեւ Հղումներ

2 PETER 3:16

Hi kong a ṭial tik paoh ah hin a cakuat dihlak chungah a chimmi cu hihi a si ko. Asinain a cakuat chungah khan hngalh awk a harmi thil an um i cu thil hna cu a hrutmi le lungthin reprai a ngei set lomi pawl nih cun, Cathiang chung biadang zong an rak tuah tawn bantuk khan, a si lo ning in a sullam kha an chuahter. Cucaah anmah rawhralnak kha anmah lila nih an tlunter.

ISAIAH 3:8

Asi, Jerusalem cu a lo ko cang! Judah cu a tlu cuahmah ko cang! An chimmi le an tuahmi paoh cu Bawipa duh lomi lawngte an si dih; langhngan in Pathian hrimhrim kha an nihsawh.

JEREMIAH 10:10

Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.

SALM 120:3

Nannih milihchim hna, nan cungah Pathian nih zeidah a tuah lai? Zeitindah dan an tat hna lai?

SALM 64:8

An bia nih khan rawhnak a phakpi hna lai i a hmumi paoh nih an lu an thinhnawh hna lai.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

1THESALON 1:9

anmah tu nih khan nanmah kan in tlawn hna ah khan zeitindah nan kan conglawmh ti kha an chim ko.

GALATI 6:5

Zeicahtiah kanmah le kan thil cio cu kanmahte nih kan i phorh awk a si.

LAMKALTU 14:15

“Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si.

LUKA 19:22

Amah cu a thawh i, ‘Sal ṭhalo. Nangmah bia lila cu nangmah biaceihnak ah ka hman lai. Nangmah nih keimah cu mikhepkha ka si le ka ta a si lomi a la tawn i ka tuh lonak hmun i a zun tawntu ka si cu na hngalh.

MATTHAI 12:36

“Hihi kan chimh hna: Nan kaa in a chuakmi bia, ruah setsai loin nan chimmi bia vialte kha, zeicahdah kha ti khan ka rak chim, tiah Biaceih Ni ah cun nan ti a hau te lai.

ISAIAH 28:22

Ralrinnak kan pekmi hna hi nan nih men chuak hlah seh. Nan nih a chuah ahcun nan caah luatnak a har chinchin lai. Ralkapbu Bawipa nih ram cu a dihlak in ka hrawh lai a timi kha ka theih cang.

PHUNGTHLÛKBIA 17:20

Ruahnak kawi a ngeimi cu khuaawng an pem lo, lei ṭhalo a ngeimi cu vanchiatnak chungah an tla tawn.

SALM 149:9

Pathian nawlbia bangin miphun dang cu dantat hna seh. Pathian mi nih an hmuhmi teinak cu hihi a si. Bawipa cu thangṭhat u!

SALM 12:3

Maw Bawipa, hlepar fak thiam lei cu daihter law tluang a khawng lengmangmi kaa cu phit hna.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.

1 SAMUEL 17:26

Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

DEUTERONOMI 5:26

Zeitintiah mei chungin bia a chimmi, a nungmi Pathian aw cu kannih bangin a thei nain a nung komi ahodah titsa lakah a rak um?

JEREMIAH 23:37

Profet sinah bia nan chim tikah nan chim ding ning cu, ‘Bawipa nih zeitindah an leh?” ti maw, asiloah, ‘Bawipa nih zeidah a chim?’ ti a si lai.

ṬAHNAK HLA 2:14

Na profet nih an in hmuhpiakmi langhnak cu Ahmaan lomi le phuahchommi lawnglawng an si; Na sualnak kha i hngal lakin an in chim lo i Cucaah cun na cung i a tlung dingmi dantatnak nih an hrial kho lo. Annih nih an in hmuhpiakmi langhnak cu hlennak an si, a deu le dehnak an si.