JEREMIAH 23:14 - Lai (Hakha) Common Language Bible 2006

¹⁴ Jerusalem profet hna chungah thil fihnung bik pakhat ka hmuh: Va cungin pa aa duhmi an si i miziathiam an si, Ṭhat lonak a tuahmi hna kha thazang an pek hna i Cucaah ahohmanh nih an sualnak kha an mertak duh lo. A chung i a ummi vialte hna cu, Ka caah Sodom le Gomorrah bantuk an si ko.

JEREMIAH 23:14 Խաչաձեւ Հղումներ

JEREMIAH 29:23

Annih nih mihrut bantukin thil an tuah caah hi ṭhat lonak hi an cungah a tlung lai — mi nupi cung sualnak an tuah i ka min in lih an chim. Mah hihi Bawipa duhnak he aa ralchanhmi a si; an tuahmi cu ka hngalh i an cungah tehte ka si, tiah Bawipa nih a ti.”

EZEKIEL 22:25

A chung i a ummi bawi hna cu, an sa sehmi an ei cuahmah lio i a ngur hluahmahmi chiandeih bantuk an si. Mi kha an seh hna i an chawhlawn le an thilri kha an chuh hna; an khua chung i nu tampi cu nuhmei ah an canter hna.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

JEREMIAH 23:32

Lih kha mang i a manh i a zuar ṭhan i ka mi hna kha hrokhrawl le pakpalawng in a pingah a hruaitu profet cu ka ralchanh hna, tiah Bawipa nih a ti. Annih a thlahtu hna kha keimah ka si lo, a fialtu hna zong ka si lo, cucaah hi profet hna nih hin hi mi hna hi zeihmanh an ṭhathnem hna lai lo. Mah hihi Bawipa bia hrimhrim a si.

JEREMIAH 14:14

Cun Bawipa nih a ka thawh i, “Profet hna nih keimah min in lihbia kha an chim; keimah nih ka thlah hna lo, nawl zong ka pe hna lo, a chawnh zong ka chawn hna lo. Annih nih annih cu lih a simi langhnak le santlailo bong le anmah lung chung ruahnak menmen kha an chimh hna.

DEUTERONOMI 32:32

Zeitintiah an mitsur ruang cu Sodom mitsur ruang le Gomorrah lo chungin a rami a si; An mitsur tlai cu sivai ngeimi an si, A bor hna cu an kha;

GENESIS 18:20

Cun Bawipa nih cun, “Sodom le Gomorrah khua hi an thang a chia ngaingai ko i an sualnak cu a ngan ngaingai ko.

MATTHAI 11:24

Cucaah hihi philh hlah. Biaceih Ni ah cun Pathian nih Sodom khua cu nangmah nakin a zaangfah deuh lai,” a ti.

ZEFANIAH 3:4

A profet hna cu mihrokhrawl, profet taktak a si lomi an si, A tlangbawi hna nih hmunthiang kha an thurhhnawmh i phung kha an duhnak leiah an merh.

JEREMIAH 20:16

Khi mipa cu, zaangfahnak um loin Bawipa nih a hrawhmi hna khua bantuk a si lai.

GENESIS 13:13

Sodom khuami cu miṭhalo, Bawipa cung i ṭhat lonak a tuahmi misual an si.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIAPHUAN 11:8

an ruak cu khuapi chung lamkalai ah khan an ril lai, cu khua cu an Bawipa vailam i an khenh chihnak khua kha a si. Cu khua cu a min ah minhleng in Sodom, ti asiloah, Izipt ti a si.

JUDAS 1:7

Cun Sodom le Gomorrah le an pawngkam i a ummi khua hna kha philh hna hlah u. Cu khua mi hna nih cun, kha vancungmi hna bantuk khan, nu le pa sualnak kha an tuah i hawi ningkel hmanh in an tuah lo. Annih nih mei hremnak kha zungzal in an huah i cucu mi vialte ca in ralrin peknak a fiang komi thil a si.

2 PETER 2:6

Pathian nih Sodom le Gomorrah khua cu dan a tat hna i mei in a hrawh hna; Pathian zei i a rel lomi hna caah zohchun awkah a ser hna.

1TIMOTE 4:2

Hi cawnpiaknak hi lihchim hmangmi hna nih lih in mi an cawnpiak hnanak chungin a chuakmi a si; annih cu an chiaṭha thleidannak a thimi, thir lin nih a kangh ca i a ngongmi an si.

MALAKHI 1:1

Bawipa nih Malakhi sinin Israel mi sinah a chimmi bia:

EZEKIEL 13:16

Inn kha a um ti lo, a satu hna zong kha an um ti lo, Jerusalem khua sin i bia a chimtu profet hna, daihnak a um na lo i, daihnak a um, tiah a chimtu hna kha an um ti lo,’ an ti lai. Mah hi Bawipa bia hrimhrim a si,” tiah a ti.

JEREMIAH 23:17

Bawipa bia zei ah a rel lomi kha an thawh hna i, ‘Khuaawng na tong lai,’ an ti hna; An lung a khonning cio in a kalmi hna kha an thawh hna i ‘Na cungah vanchiatnak a tlung lai lo,’ an ti hna.

JEREMIAH 18:13

Cucaah Bawipa bia cu hi bangin a si na ti lai: Miphun hna kha va hal tuah hna u, hi bantuk hi aho tal nih an thei bal maw? Ngaknu thiang Israel nih thil ṭhalo cem bik a tuah ko.

ISAIAH 9:15

Lu cu tar le hmaizahmi kha an si, mei cu cawnpiaknak hmaanlo a cawnpiaktu hna profet kha an si.

JEREMIAH 23:22

Ka khuakhannak chungah an rak i tel ve a si ahcun, Ka bia kha ka mi hna sinah thanh hna seh law, Ṭhat lonak lam an zulhmi le thil ṭhalo an tuahnak khan kirter hna seh.

JEREMIAH 36:2

“Cazual pakhat in i lak law Israel kong le Judah kong le miphun vialte hna kong ah kan chimhmi bia vialte kha, Josiah chan i kan chimh hmasa bik ni thawk in atu tiang ka chimmi kha ṭial tuah.

JEREMIAH 49:18

Sodom le Gomorrah le an pawngkam khua vialte bantuk khan a rawk lai, tiah Bawipa nih a ti. Khika ah ahohmanh khua an sa lai lo, minung ahohmanh innlo a khuarmi an um lai lo.

EZEKIEL 13:19

Nannih nih ka mi hna hmaiah barli pei khat ruang le changreu pelpawi ruangah nan ka thurhhnawmh cang, nannih nih lihbia ngaih a duh ngaimi ka mi hna sinah lih nan chimnak thawngin, a thi hnga lo ding kha nan thihter hna i a nung hnga lo ding kha nan nunter hna.

HOSEA 6:10

Israel hmunthiang ah thil ṭhalo ngaingai pakhat ka hmuh: Khika ah Efraim cu hlawh a hlang i Israel cu amah le amah aa thurhhnawmh.

AMOS 4:11

Pathian nih Sodom le Gomorrah a hrawh bantuk khan nan cungah rawhralnak ka tlunter; Nannih cu mei alh chungin chuahmi mei thingthu bantuk nan si, Sihmanhsehlaw ka sinah nan kir hlei lo. Hihi Bawipa bia hrimhrim a si.

ZEKHARIAH 13:2

Khi ni ah cun ram chung khan siasal min kha ka hloh hna lai i an ruat ti hna lai lo, tiah Bawipa nih a ti; profet hna le thlarau thianglo zong kha ram chung cun ka hloh hna lai.

GENESIS 19:24

Bawipa nih Sodom le Gomorrah cungah cun kat mei kha a surter i

GENESIS 19:25

Bawipa nih cun cu khua pahnih hna le cu nelrawn a dihlak le khuapi chung i a ummi vialte hna le ram chung i a khomi thil vialte hna cu a hrawh dih hna.

JEREMIAH 29:21

“Nan sinah lih in bia a chimmi Kolaiah fapa Ahab le Maaseiah fapa Zedekiah kong ah Ralkapbu Bawipa, Israel Pathian bia cu hi bangin a si: Annih cu Babilon siangpahrang Nebukhadnezzar kut ah ka chanh hna lai i nan mithmuh hrimhrim ah a thah hna lai.

ṬAHNAK HLA 4:6

Ka mi hna dantatnak hi Sodom dantatnak nakin a chia deuh, Sodom khua cu chikkhatte ah hrawh a rak si caah Ahohmanh an ngaih a chia manh lo.

MIKAH 1:5

Mah hi vialte hi Jakob ṭhat lonak ruang le Israel sualnak ruangah a si. Jakob ṭhat lonak cu zeidah an si? Samaria khua chung i an tuahmi kha an si lo maw? Judah mi hna cu khuazei khuahrumbo ruangah dah dan ka tat hna lai? Jerusalem khua hi an khuahrumbo cu a si ko.