JEREMIAH 23:1 - Lai (Hakha) Common Language Bible 2006

¹ Ka tuurun chung tuu a ṭhek i a tlautertu hna tuukhal cu an cungah ningzahnak tlung ko seh, tiah Bawipa nih a ti.

JEREMIAH 23:1 Խաչաձեւ Հղումներ

JEREMIAH 10:21

Ka mi hna a khaltu hna cu mihrut minga men an si i Bawipa kha ruahnak an hal bal lo, Cucaah khuaawng an tong lo i an tuurun hna cu an i ṭhek dih.

EZEKIEL 13:3

Maw profet ṭhalo, mihrut rual hna, lungthawhnak kan hmuh nan timi cu nanmah lungchung in a chuakmi men a si i langhnak zeihmanh nan hmu lo.

MATTHAI 9:36

Mi zapi kha a hmuh hna tikah, khaltu a ngei lomi tuu bantukin lungrethei le awlokchong in an um kha a hmuh hna caah a zaang an fak ngaingai.

JEREMIAH 22:22

Nan hawile vialte cu thlitu nih a kalpi hna lai i Nanmah an dawtu vialte hna kha saltannak chungah an lut lai. Khi tikah nan ṭhat lonak ruangah ningzahnak le nautatnak nan in lai.

JEREMIAH 12:10

Tuukhal tampi nih ka mitsur dum kha an hrawh i ka lo kha an naan dih, Ka lo a ṭhami te kha thetse ram ah an ser dih,

JEREMIAH 50:6

Ka mi cu tuu tlau an si cang, an tuukhal hna nih khan a pingah an kalter hna i tlang cungah khan an duhnak kip ah an vaihter hna; tlang pakhat in tlang dang pakhat ah an kal lengmang i an kawm kha an philh cang.

JEREMIAH 2:8

Tlangbawi hna nih khan, ‘Bawipa cu khuazei ah dah a um?’ an ti ti lo. Phungbia a tlaimi hna nih khan keimah kha an ka ruat lo; Ka mi tuukhal hna nih khan keimah cu an ka doh; Profet hna nih khan Baal min in bia an chim i Bawmh khawhnak zeihmanh a ngei lomi pathian kha an zulh hna.

JOHAN 10:12

Man phalh in hlan chommi kha cu, tuukhal a si lo ca le tuu kha a ta an si lo caah, cenghngia a rat kha a hmuh tikah a zam i tuu kha a lektak hna. Cu tikah cenghngia nih cun tuu cu a seh hna i a ṭhek dih hna.

JOHAN 10:10

Mifir cu fir duh le thah duh le hrawh duh lawngah an ra. Kei cu nunnak kha an ngeih i duhdim tein an ngeih nakhnga caah ka ra.

JEREMIAH 23:2

Cucaah ka mi a zohkhenhtu tuukhal hna kong ah Bawipa, Israel Pathian bia cu hi bangin a si: “Nannih nih ka tuurun cu nan ṭhek hna i nan dawi hna. Nan zohkhenh hna lo, sihmanhsehlaw ṭhat lonak nan tuahmi ruangah nanmah kha dantat awkah keimah nih nanmah cu kan zoh ko hna, tiah Bawipa nih a ti.

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

EZEKIEL 34:31

Nannih cu ka tuurun, ka mi, ka cawmmi ka saṭil nan si i keimah cu nan Pathian ka si, tiah Bawipa Pathian nih a ti.

EZEKIEL 34:21

A bami kha nan sir le nan liang in nan en hna, nan ki in nan suk hna i nan dawi dih hna i nan ṭhio dih hna.

JEREMIAH 2:26

Mifir cu tlaih a si tikah a ning a zah bantukin Israel innchungkhar cu an ning a zak lai; Anmah le an siangpahrang hna le an bawi hna le an tlangbawi hna le an profet hna zong an ning a zak lai;

JOHAN 10:8

Ka hlanah a rami paohpaoh cu mifir le damiah an si; sihmanhsehlaw tuu nih khan an aw an ngai duh hna lo.

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

EZEKIEL 36:38

Cucaah a rawk cangmi an khua hna chungah cun minung a runrun in an khat lai i Bawipa ka si kha an hngalh lai, tiah a ti.

EZEKIEL 34:1

Mah hihi Bawipa nih ka sinah a chimmi bia an si:

ZEKHARIAH 10:3

Tuukhal hna cungah cun ka thin a hung, tuurun a hruitu hna cungah cun ka dantatnak kha ka tlunter lai; Sihmanhsehlaw ralkapbu Bawipa nih a tuurun, Judah innchungkhar kha a len hna lai i raltuknak rangtum ah a ser hna lai.