JEREMIAH 22:6 - Lai (Hakha) Common Language Bible 2006

⁶ Zeicahtiah Judah siangpahrang inn kong ah Bawipa nih hi bangin a ti: Nangmah cu ka caah Gilead bantuk le Lebanon tlangpar bantukin i dawh hmanh law, Ahohmanh an um lonak hmun thetse ram ah kan canter lai.

JEREMIAH 22:6 Խաչաձեւ Հղումներ

ISAIAH 6:11

“Hi bantuk hin zei can dah a um lai, Bawipa,” tiah ka hal i, “Khuapi cu a rawk dih i a lawn dih tiang—inn cu a chung i mi umtu an um lo tiang—hi ram hi a kin in a kin dih cikcek tiang a si lai.

SALM 107:34

Vawlei ṭhatnak hmun cu, cite vawlei, vawlei ṭhalo ah a canter, zeicahtiah cuka i a ummi hna cu an ṭha lo.

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.

ISAIAH 27:10

Ralhau in kulhmi khuapi cu a rawk cang. Zeihmanh um lonak ramlak bantukin chuahtak a si cang. Caw tlonnak phong, ram an ṭam i an bawhnak hmun ah a cang cang.

JEREMIAH 26:18

“Judah siangpahrang Hezekiah chan ah Moresheth khuami Mikah nih bia a chim i Judah ram mi vialte cu, hi hi Ralkapbu Bawipa bia a si: Zion cu thuanmi lei ah a cang lai i Jerusalem cu a rawkmi hnawmpon ah a cang lai, Biakinn tlang cu hlingbur hmun ah a cang lai, tiah a ti hna.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

JEREMIAH 7:34

Cun Judah ram chung khua hna chungin le Jerusalem khua chung lam hna in lawmhnak aw le thanuamnak aw, nupi ṭhi tlangval aw le ṭhitmi ngaknu aw cu ka daihter lai; zeicahtiah ram cu a ṭiao dih cang lai.

GENESIS 37:25

Rawl an ei lioah khin Gilead lei in a rami Ishmael mi khualtlawng bu khat kha an hmuh hna. An kalauk cu mitsur thei car le hangṭamh a phunphun kha Izipt i vung zuar awkah an phor.

JEREMIAH 22:24

“Ka nun bangin,” tiah Bawipa nih a ti: Jehoiakim fapa Koniah, Judah Siangpahrang cu ka orhlei kut cung i min khenhnak kutdonghrolh na si ti lai lo. Koniah, nangmah cu kan phawi lai.

JEREMIAH 21:14

Sihmanhsehlaw Bawipa keimah nih na tuahmi ruangah dan kan tat lai. Na siangpahrang inn cu mei in ka khangh lai i a pawngkam i a ummi thil vialte cu mei nih cun a kangh dih hna lai, hi bia hi Bawipa keimah nih ka chim,” tiah a ti.

JEREMIAH 21:11

“Jeremiah, Judah siangpahrang innchungkhar, David Siangpahrang tefa hna cu, Bawipa nih ka chimmi kha va chim tuah hna: Nifate in dinnak kha tuah a si nakhnga i zuam u. Hlenmipa kha a hlengtu sinin va chanh u. Cucu nan tuah lo ahcun, ṭhat lonak nan tuahmi nih hin ka thinhunnak cu hmih khawh lomi mei bantukin a alhter sual lai.

JEREMIAH 4:20

Chiatnak nih chiatnak kha a hun zulh colh, Ram cu a ningpi in a rawk. Ka thlam hna cu an tlu i an khuhnak puan hna cu an tlek dih cikcek.

SOLOMON HLA 5:15

A mar hna nih sui kheng chung dir lungvar tung khi bang, Muisam zongin Lebanon tlang lo ai ngai dahkaw, Sidar thing dawh a ṭhawng ṭha hlei cuang ai ri.

DEUTERONOMI 3:25

Ka lanhter ko, tiah kan nawl, Jordan ral i ram ṭha khi ka hmuhter ko, khi tlangram dawh le Lebanon khi,’ tiah ka ti.

NAMBAR 32:1

Reuben fapa hna le Gad fapa hna cu saṭil tampi an ngei. Jazer ram le Gilead ram cu an hmuh i zohhmanh, cu hmun cu saṭil ram a si.

SOLOMON HLA 4:1

Hei zoh tuah lang mui sung ka dawt khi, Mui sung tak si ko ai hrim; Hmai khuh dumdang puanzar khuh toiah, Na mitfang nih ṭial ririai tein ṭhuro mitfang bang, Sawm-ai sam zong Gilead tlangpar ṭum, meheh run ko lo ai hna.

JEREMIAH 50:12

Nan nu cu hmaichiatnak fakpi a ing lai i Nanmah an hringtu hna cu a ning a zak lai. Babilon cu miphun hna lakah a hme bik a si lai, ti um lonak thetse ram car a si lai.

ZEKHARIAH 11:1

Maw Lebanon, na sidar thing kha mei nih a kangh hna nakhnga na kutka kha hung tuah hna.

ISAIAH 37:24

Tlang sang bikbik cu ka rangleng in ka tei hna, Lebanon tlang parpahlek hmanh ka tei, tiin keimah kha tluangkhawnhnawh awkah na sal cu na thlah hna. Cuka ah cun sidar thing a sang bik cem hna le saipres thing a ṭha bikbik hna kha ka hau hna i tupi a deng tiang ka phan tiah tluang na khawng.

JEREMIAH 4:7

Rambur chungin chiandeih a hung chuak cang Miphun hna hrawktu aa thawh cang; Nan ram kha hrawh awkah a umnak hmun in a chuak cang; Nan khuapi hna cu an chungah mi um loin an rawk cikcek lai.

JEREMIAH 8:22

Gilead ah damnak si-ai a um ti lo maw? Khika ah sibawi pakhat tal an um lo maw? Zeicahdah ka mi hna hi an dam lo?