JEREMIAH 22:5 - Lai (Hakha) Common Language Bible 2006

⁵ Sihmanhsehlaw hi bia hi zei ah nan rel hna lo ahcun, hi inn hi a rawk lai tiin keimah min chalh in chiat ka ser, tiah Bawipa nih a ti.

JEREMIAH 22:5 Խաչաձեւ Հղումներ

AMOS 6:8

Bawipa Pathian hrimhrim nih chiatser in hi bangin a ti: Jakob a ruamkainak cu ka fih, a ralhruang hna cu ka fih hna; Khuapi cu a chung i a ummi vialte hna he ral kut chungah ka chanh lai.

HEBRU 6:13

Pathian nih Abraham bia a rak kamh ah khan, aa kammi cu ka tuah hrimhrim lai tinak ah khan chiat a rak ser. Cun amah nakin a ngan deuhmi an um lo caah cu chiatsernak ah cun amah min kha a hman i,

JEREMIAH 17:27

Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

GENESIS 22:16

“Keimah nih keimah min hrimhrim in biakamnak ka ser lai — hihi Bawipa chimmi bia a si — fapa pakhat lawngte na ngeihmi kha pek sian loin na ka um lo caah thluachuah tam piin kan pek lai.

JEREMIAH 39:8

Khaldi mi hna nih cun siangpahrang inn le Bawipa inn le mi zapi inn hna kha an khangh hna i Jerusalem kulhnak vampang cu an chimh hna.

ISAIAH 1:20

Sihmanhsehlaw ka bia kha nan ka al i nan ka doh ahcun nan thi ko lai. Hi bia cu Bawipa nih ka chim,” a ti.

HEBRU 6:17

Cu bantukin Pathian zong nih, bia a kamhmi hna nih khan a biakam cu a let hrimhrim lai lo, ti kha fiang tein hngal hna seh ti a duh caah, cu a biakamnak cu chiatsernak in a fehter.

HEBRU 3:18

Pathian nih, “Ka dinhnak chungah an lut lai lo,” a ti ah khan, ahodah a tihnawh duhchan hna? Amah a dohtu kha a tihnawhchan hna.

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.

SALM 95:11

Ka thin a hung i, “Dinhnak ka pek hnanak ding ram chungah cun an lut hrimhrim lai lo,’ tiin chiatser in bia ka chim,” a ti.

2 CHANRELNAK 7:22

Khi tikah annih nih an i thawh lai i, ‘Zeicahtiah annih nih Bawipa, an pupa hna Pathian, Izipt ram in a chuahpitu hna kha an hlawt i pathian dang kha an i tlaih i an biak hna i an rian an ṭuan hna caah a si; cucaah hi ṭhat lonak vialte hi an cungah a tlunter,’ an ti lai,” tiah a ti.

2 CHANRELNAK 7:19

“Sihmanhsehlaw na pial i na hmai i ka chiahmi ka nawlbia hna le ka phungbia hna cu na hlawt hna i na kal i pathian dang hna kha an rian na ṭuan hna i na biak hna ahcun,

MATTHAI 23:38

Atu cu na inn cu kin taktak in a king cang lai.

JEREMIAH 26:4

Annih cu na thawh hna lai i, Bawipa bia cu hi bangin a si: Ka bia nan ngaih lo i nan hmai i ka chiahmi ka nawlbia kha nan zulh lo i

JEREMIAH 44:26

Sihmanhsehlaw Judah ram in a ra i Izipt ram ah a ummi vialte hna Bawipa bia hi ngai tuah u. Ka min cu Judah mi hna hmur ah a cuang ti lai lo, tiin keimah nih ka min a nganmi in chiat ka ser cang, tiah Bawipa nih a ti; Izipt ram chungah cun, ‘Bawipa Pathian a nun bangin,’ ti in chiat an ser ti lai lo.

2 CHANRELNAK 7:21

Cun hi inn a sunglawimi ah hin a pawng i a kalmi paoh an khuaruah a har lai i, ‘Zeicahdah mahtihin Bawipa nih hi ram cung le hi inn cungah hin a tuah hnga?’ tiah an ti lai.

JEREMIAH 12:7

Israel innchungkhar cu ka hlawt cang hna, Ka mi cu ka hlonh cang hna. Ka dawt ngaingaimi cu a ral hna kut chungah ka chanh cang.