JEREMIAH 21:1 - Lai (Hakha) Common Language Bible 2006

¹ Siangpahrang Zedekiah nih Malkhiah fapa Pashhur le Ma-aseiah fapa tlangbawi Zefaniah cu Jeremiah sinah hi bia he a hei thlah hna i,

JEREMIAH 21:1 Խաչաձեւ Հղումներ

JEREMIAH 37:3

Siangpahrang Zedekiah nih cun Shelemiah fapa Jehukal le Ma-aseiah fapa tlangbawi Zefaniah kha profet Jeremiah sinah a hei thlah hna i, “Bawipa kan Pathian sinah thla rak kan campiak tuah,” tiah a ti.

JEREMIAH 52:24

Cun ralvengtu ralkap haotu nih cun tlangbawi bik Seraiah le tlangbawi pahnihnak Zefaniah le biakinn cawngtu bawi pathum hna kha a kalpi hna.

JEREMIAH 38:1

Mattan fapa Shefatiah, Pashhur fapa Gedaliah, Shelemiah fapa Jukal le Malkhiah fapa Pashhur nih mizapi sinah Jeremiah nih a chimmi kha an theih. Amah nih a chimhmi hna cu

JEREMIAH 37:1

Jehoiakim fapa Koniah changtu ah khan Babilon siangpahrang Nebukhadnezzar nih Josiah fapa Zedekiah cu Judah ram siangpahrang ṭhutdan cungah khan a ṭhutter.

1 CHANRELNAK 9:12

cun Adaiah, amah cu Jeroham fapa, Jeroham cu Pashhur fapa, Pashhur cu Malkhijah fapa, cun Maasai, amah cu Adiel fapa, Adiel cu Jahzerah fapa, Jahzerah cu Meshullam fapa, Meshullam cu Meshillemith fapa, Meshillemith cu Immer fapa,

NEHEMIAH 11:12

cun Adaiah le a unau hna, anmahle an pale chungkhar i lu a si ciomi hna kha, an dihlak in za hnih sawm li le pahnih an si; Adaiah cu Jehoram fapa a si, Jehoram cu Pelaliah fapa a si, Pelaliah cu Amzi fapa a si, Amzi cu Zekhariah fapa a si, Zekhariah cu Pashhur fapa a si, Pashhur cu Malkhiah fapa a si;

1 CHANRELNAK 3:15

Josiah fapa hna cu: fater Johanan, a pahnihnak Jehoiakim, a pathumnak Zedekiah, a palinak Shallum.

2 CHANRELNAK 36:17

Cucaah an tlangval hna cu an hmunthiang inn chungah khan vainam in a that i, tlangval cungah siseh, upa cungah siseh, zaangfahnak a ngei lomi, Khaldi mi siangpahrang kha an cungah a ratpi; a kut chungah cun an dihlak in a chanh hna.

JEREMIAH 29:29

Cu ca cu Zefaniah nih khan a ka relpiak i

JEREMIAH 37:7

“Hi bangin Ralkapbu Bawipa, Israel Pathian nih a ti: Keimah kha bia hal awkah an thlahtu Judah siangpahrang sinah cun, ‘Zohhmanh, nangmah bawmh awkah aa thawhmi Faro ralkapbu cu anmah ram Izipt ram ah khan an kir dengmang cang.

JEREMIAH 37:17

Zedekiah Siangpahrang nih Jeremiah cu a hei cah i a sinah a hunter. Siangpahrang nih cun a inn ah a thli tein bia a hal i, “Bawipa sinin zei bia a um maw?” tiah a ti. Cun Jeremiah nih a leh i, “A um ko. Nang cu Babilon siangpahrang kut chungah chanh na si lai,” tiah a ti.

JEREMIAH 38:14

Siangpahrang Zedekiah nih profet Jeremiah cu a hei cah i Bawipa inn luhnak kutka a pathumnak khan a sinah cun an luhpi. Siangpahrang nih Jeremiah cu a thawh i, “Bia pakhat in kan hal lai, ka sinin zeihmanh thup hlah,” tiah a ti.

2 SIANGPAHRANG 22:13

“Va kal u law hi cauk hmuhmi chungbia kong ah hin Bawipa cu, keimah ca le mi zapi ca le Judah vialte caah, va hal tuah u; zeicahtiah, kan pupa hna nih hi cauk chung i aa ṭialmi bia, kannih ca i aa ṭialmi bia vialte ning khan an rak tuah lo caah Bawipa thinhunnak kan cung i a alhmi cu a ngan ko,” tiah a ti.

JEREMIAH 35:4

annih cu Bawipa inn ah khan ka ratpi hna i Pathian mi Igdaliah fapa Hanan fapa hna khaan chungah khan ka luhpi hna; cucu innleng a cawngtu Shallum fapa Maaseiah khaan cung i a ummi bawi khaan he khan aa peh.