JEREMIAH 2:6 - Lai (Hakha) Common Language Bible 2006

⁶ Annih nih, ‘Izipt ram chungin a kan chuahpitu Bawipa, Ramlak ah a kan hruai i thetse ram le khor tampi umnak ram, Ram ro ram car le muihnak ram, ahohmanh nih an pal lomi, ahohmanh an um lonak ram chungah a kan hruaitu kha, Khuazei ah dah a um?’ an ti lo.

JEREMIAH 2:6 Խաչաձեւ Հղումներ

DEUTERONOMI 32:10

“Amah nih thetse ram ah khan a char, Thetse ram thlitu a awn vungmangmi ah khan a char. A kulh, a zohkhenh, a mit falai bantukin a ven.

HOSEA 13:4

Sihmanhsehlaw Izipt ram in an chuahpitu hna nan Pathian Bawipa kha ka si. Kha lioah khan cun keimah dah ti lo cu pathian dang zeihmanh nan hngalhmi hna an um lo. Keimah lawnglawng kha nan khamhtu ka rak si ko.

MATTHAI 4:16

Muihnak chung i a ummi hna nih khan ceunak nganpi an hmuh lai. Thihnak ram mui chung i a ummi hna cungah ceunak a tlung lai,” a rak timi kha tlinter awk caah a si.

HOSEA 12:13

Bawipa nih Israel mi kha Izipt ram chung i sal i an cannak in chuah awkah profet pakhat kha a thlah; Cun profet pakhat in a zohkhenh hna.

JEREMIAH 5:2

Annih nih, “Bawipa a nun bangin,” an ti ko nain, Lih in chiat an ser.

JEREMIAH 2:8

Tlangbawi hna nih khan, ‘Bawipa cu khuazei ah dah a um?’ an ti ti lo. Phungbia a tlaimi hna nih khan keimah kha an ka ruat lo; Ka mi tuukhal hna nih khan keimah cu an ka doh; Profet hna nih khan Baal min in bia an chim i Bawmh khawhnak zeihmanh a ngei lomi pathian kha an zulh hna.

JEREMIAH 2:2

“Va kal law Jerusalem vialte nih an theih nakhnga va au tuah, Bawipa bia cu hi bangin a si: Na ngaknut lio i na ka tlaihchannak le Hammi na si lio i na ka dawtnak kha ka hngalh camcin ko, Thetse ram, zeihmanh cinthlak lonak ram ah khan na rak ka zulh lengmang ko.

ISAIAH 64:7

Ahohmanh nih thlacam in nangmah lei kan hoih lo, ahohmanh nih bawmhnak hal in kan in fuh lo. Kan sinin naa thup i kan sual ruangah na kan kaltak cang.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

SALM 77:5

A liam ciami ni kha ka ruat hna i a luan ciami kum kha ka hngalh ṭhan hna.

SALM 23:4

A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi. Na ṭhiangṭhunh le na tanbo nih ka hna an ka ngamter.

JOB 35:10

Sihmanhsehlaw ahohmanh nih, ‘A ka Sertu Pathian, zan ah him tein a kan zohkhenh i,

JOB 3:5

Muihnak le muih khemkhumnak nih kan ta a si, ti hna seh. Minmei nih zel camcin seh law chunmui nih ṭhih seh.

2 SIANGPAHRANG 2:14

Cun a rung tlami Elijah puan kha aa lak i ti kha a tuk i, “Bawipa, Elijah i Pathian cu khuazei ah dah a um?” tiah a ti. Cun ti kha a tuk tikah, ti cu a sumlei le a hnalei ah an i ṭhen i Elisha cu va ral ah a kai.

BIACEIHTU 6:13

Cun Gideon nih anih cu, “Bawipa, kan nawl, Bawipa cu kan sin i a um a si ahcun zeicahdah mah thil vialte nih hin a kan tlunhnawh kun? Kan pupa hna nih, ‘Izipt ram in Bawipa nih a kan chuahpi lo mei,’ ti i kan sin i an ti tawnmi khuaruahhar thil vialte hna cu khuazei ah dah an si kun? Sihmanhsehlaw atu cu Bawipa nih a kan hlonh cang i Midian kut chungah a kan pek cang,” tiah a ti.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

DEUTERONOMI 1:19

“Bawipa kan Pathian nih nawl a kan pek bang khan Horeb in kan tho i, Amor mi hna tlangram i hung kalnak lam i nan hmuhmi a kau le ṭih a nungmi ramlak kha kan tan i, Kadesh-Barnea kha kan phan.

JEREMIAH 13:16

Bawipa nan Pathian cu sunparnak pe tuah u, Khua a muih hlan le huaphap lawngin a ceumi tlang pang i nan ke a nal hlan le Nannih nih nan kawlmi ceunak cu mui padap i a ser hlanah hin.

JEREMIAH 51:43

A khuapi hna cu hmun rocar ah an cang cang, Hmun car le thetse ram an si cang, Ahohmanh um lonak ram, minung fa ahohmanh nih an pal lomi ram a si cang.

DEUTERONOMI 8:2

A nawlbia cu nan ngai lai maw ngai lo dah tinak caah, nan lung chung i a ummi kha hngalh awkah nannih cu harnak in an hneksak hna nakhnga, Bawipa nan Pathian nih hi kum sawm li chung ramlak ah an vahternak hna kha, i cinken ko u.

JEREMIAH 5:12

Bawipa a um kha an zum lo i, ‘Amah cu a um lo, Kan cungah ṭhat lonak zeihmanh a tlung lai lo; Vainam siseh, mangṭam siseh, kan tong lai lo.

AMOS 2:10

Amor mi hna ram co awkah Izipt ram in an chuahpitu hna kha keimah ka si i Ram car chungah kum sawm li an hruaitu hna kha keimah ka si.