JEREMIAH 2:32 - Lai (Hakha) Common Language Bible 2006

³² Ngaknu nih a hlawn kha a philh khawh lai maw? Mo nih a thuam kha a philh khawh lai maw? Sihmanhsehlaw ka mi hna nih cun atu le atu an ka philh.

JEREMIAH 2:32 Խաչաձեւ Հղումներ

SALM 106:21

Izipt ram chungah khuaruahharmi thil a tuahmi thawngin Pathian nih a khamh hna, asinain cu Pathian cu an philh.

JEREMIAH 13:25

Nannih nih keimah kha nan ka hlawt i pathian deu kha nan i bochan hna caah Mah hihi nan covo, ral thawh hmangmi hna covo, Keimah nih kan tahpiakmi hna cu a si, tiah Bawipa nih a ti.

JEREMIAH 3:21

Tlangpar kawng i ṭah thawng cu ngai hmanh. Israel mi hna nih zaangfah hal in an aunak aw cu! Zeicahdah hitin a si ti ahcun, annih nih lam kawi kha an zul i Bawipa an Pathian kha an philh caah a si.

JEREMIAH 2:11

Miphun pakhatkhat nih a pathian hna kha, pathian an si lo hmanh ah, a thleng bal hna maw? Sihmanhsehlaw ka mi hna nih cun an Sunparnak kha zeihmanh a ṭhahnem lomi thil ah an thlen.

ISAIAH 17:10

Israel, nangmah an chanhtu le lungpi bangin an hupphengtu na Pathian cu na philh cang. Dum thiang tu kha naa serh hna i ramdang pathian kha na biak.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

SALM 9:17

Miṭhalo vialte hna le Pathian a hlawmi vialte an donghnak cu thihnak a si.

JEREMIAH 18:15

Reu hlah, sihmanhsehlaw ka mi hna nih cun an ka philh; Annih nih siasal menmen hna sinah khan raithawinak an khangh, Annih nih an zulh awk hnga lam a simi ah khan an ril i hlan lam kha an zul ti hna lo; Lam hleng le ser lomi lam tu ah khan an i mer.

JEREMIAH 13:10

Hi miṭhalo hna nih hin ka bia ngaih kha an duh lo; pathian dang kha an zulh hna i an rian an ṭuan hna i an kunhnawh hna. Cucaah annih cu, zeihmanh ah a ṭha ti lomi biar bantuk hi an si lai.

BIAPHUAN 21:2

Cun Khua Thiang, Jerusalem thar kha Pathian sinin vancung in a rung ṭum cu ka hmuh, va ngei lai ngaknu nih a va ding ton awkah aa ṭamh bantuk khin aa ṭamh.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

GENESIS 24:22

Kalauk kha ti a dinh dih hna hnuah Abraham salpa nih khan a man a fak ngaimi sui hnartonh pakhat kha aa chuah i a hnar ah cun a tonh, cun sui kuthrolh ngan pipi pahnih zong aa chuah i a kut ah khan a hrolh hna.

2 SAMUEL 1:24

Maw Israel fanu hna, Saul cu ṭah tuah u, Amah nih maimaw puan an aihter hna i lungvar le sui in an ṭamh hna.

GENESIS 24:53

Cun sui hlawn le ngun hlawn le hnipuan kha a chuah hna i Rebekah kha a pek hna. A ṭa le a nu zong kha a man a fakmi laksawng a pek hna.

GENESIS 24:30

A hnartonh le a far kut i a kuthrolh kha a hmuh hna i a far nih mipa nih a ka chimh a timi a chimmi zong kha a theih tikah Abraham salpa, a kalauk hna pawng i a dirnak tikhor ah khan a va kal.

ISAIAH 57:11

Bawipa nih aa thawh i, “Zei pathian nan ṭih hna caah dah keimah kha a philh in nan ka philh? Sau tuk dai tein ka um caah maw keimah cu nan ka ṭih ti lo?

JEREMIAH 2:33

Duhtu kawlnak caah na lam naa thimmi cu na hei thiam dah! Cucaah nu ṭhalo cem hmanh nih na sinin fimnak aa cawn khawh lai.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

BIACEIHTU 8:34

Cun Israel mi nih, an velchum i a ummi an ral hna kut in a chanhtu hna Bawipa an Pathian kha, an cing ti lo;

JEREMIAH 23:27

Hi an mang, pakhat le pakhat an i chimhmi thawng hin, ka mi hna cu ka min kha kan philhter hna lai, tiah an ruah; an pupa hna nih Baal min ruangah ka min an rak philh bantuk khan.