JEREMIAH 2:21 - Lai (Hakha) Common Language Bible 2006

²¹ Nangmah cu mitsur ruang ṭha bikcem in kan phun, Ci ṭha in lakmi na si. A si kun ahcun, zeitindah na rawh i ramlak mitsur ruang ah na can kun?

JEREMIAH 2:21 Խաչաձեւ Հղումներ

ISAIAH 5:4

Ka dum caah hin tuah ka tlolhmi zei tal a um maw? Ka tlolhmi zeihmanh a um lo ahcun, zeicahdah mitsur thei a ṭhami a tlai lai tiah ka ruahmi tu tlai loin, a thormi lawng a tlai kun?

EXODUS 15:17

Na mi cu na luhpi hna lai i na tlang cungah khan na phun hna lai, na umnak inn ca i na sermi hmun ah khan na phun hna lai maw Bawipa, nangmah hrimhrim nih na sakmi biakinn ah khan na phun hna lai, maw Bawipa.

JOHAN 15:1

“Mitsur ruang taktak cu keimah hi ka si i dum ngeitu cu ka Pa a si.

SALM 44:2

Cu thil lianngan na tuahmi hna cu, zeitindah nangmah hrimhrim nih hi ram chung lawkihmi kha na dawi hna i an ram ah cun na mi kha nan umter hna ti le zeitindah phundang mi cu dan na tat hna i na mi tu cu na ṭhanchoter hna, ti hi a si.

SALM 80:8

Izipt ram in mitsur ruang pakhat na chuahpi; miphun dang kha na ṭhawl hna i an ram ah cun cu mitsur ruang cu na phun.

DEUTERONOMI 4:37

Cun amah nih nan pupa kha a dawt hna i anmah hnu i an tefa hna cu a thim hna i nannih cu amah hmai hrimhrim in le a liannganmi a ṭhawnnak in Izipt ram in an chuahpi hna i,

LUKA 20:9

Cun Jesuh nih mizapi cu hi tahchunhnak bia hi a chimh hna. Aa thawh i, “Mipa pakhat nih mitsur dum pakhat a tuah i rianṭuantu hna sinah khan a hlanh i khual a tlawng i saupi a rau.

MARKA 12:1

Cun Jesuh nih tahchunhnak bia in a chimh hna. Aa thawh i, “Mipa pakhat a rak um i cu pa nih cun mitsur dum pakhat a rak ser; a kulh i mitsur nennak caah khor a cawh i ralvennak inn pakhat a sak. Cun a dum cu mi kha a hlanh hna i khualtlawn ah a kal.

DEUTERONOMI 32:32

Zeitintiah an mitsur ruang cu Sodom mitsur ruang le Gomorrah lo chungin a rami a si; An mitsur tlai cu sivai ngeimi an si, A bor hna cu an kha;

MATTHAI 21:33

Jesuh nih cun a thawh ṭhan hna i, “Tahchunhnak bia pakhat in ngai rih tuah u: Lo ngeitupa pakhat a rak um i mitsur dum pakhat a rak ser; hau in a kulh, mitsur nennak caah khor a cawh i parthlam pakhat a sak. Cun a lo cu a ṭuantu hna sinah khan a hlanh i amah cu khualtlawn ah aa thawh.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

ISAIAH 41:8

“Sihmanhsehlaw Israel ka sal, nang cu keimah nih kan thimmi miphun na si i ka hawi Abraham tefa na si.

ISAIAH 1:21

Zumhawktlak a rak si tawnmi khua kha, atu cu hlawhhlangnu a si cang. Hlanah khan cun a chungah miding an rak um tawn, sihmanhsehlaw atu cu lainawng pawl lawng an tang cang.

JOSHUA 24:31

Cun Israel mi nih Joshua nunchung vialte le, Joshua hnu i a nung i Bawipa nih Israel mi caah a tuahmi rian vialte a hngaltu upa hna nunchung cu Bawipa rian kha an ṭuan.

ṬAHNAK HLA 4:1

Zeitluk in dah sui cu a dulh cang i Zeitluk in dah sui thiang cu a ziamh cang! Hmunthiang lung hna cu khuachung lam a kenkip ah an ril liangluang ko.

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

ISAIAH 27:2

Cu ni ah cun a nuammi a mitsur dum kong ah Bawipa nih hitihin bia a chim lai,

JEREMIAH 11:17

Nanmah an phuntu hna Ralkapbu Bawipa nih, nan cungah ṭhat lonak ka tlunter lai, tiin Baal sin i raithawinak nan khangh i ka thin nan ka phawh tikah khan kan hro hna; sihmanhsehlaw zeicahdah nan cungah harnak kha a tlun ti ahcun, nanmah nih ṭhat lonak nan tuahmi thawngin a si, a ti,” tiah a ti.

SALM 80:9

A ṭhan khawh nakhnga hmun kha na thianhpiak i cucaah a hram cu thukpi an pil kho i a ruang cu an zam i ram vialte kha an huh dih.

JEREMIAH 5:10

A mitsur ruang tlar hna lakah cun hung kal law hung hrawk hna, Sihmanhsehlaw donghnak taktak cu hung tuah hlah; An nge cu hung sam dih hna, Bawipa ta an si lo caah.

JEREMIAH 11:16

Hlan ah cun Bawipa nih, ‘Oliv thingkung, a hnah hring dildel tein a um i aa dawhmi,’ tiah a rak in ti. Sihmanhsehlaw atu cu puak cukmak in fahnak na in lai; mei nih na hnah cu a kangh hna lai i na nge cu a hrem dih hna lai.

EZEKIEL 15:2

Mipa zeitindah mitsur ruang hi thingkung dang nakin a ṭhat deuh hlei? Zeitindah tupi chung i thingkung nge hna nakkhin a ṭhat hlei?