JEREMIAH 19:5 - Lai (Hakha) Common Language Bible 2006

⁵ Baal caah khan hmunthiang an ser hna i cuka ah cun an fapale hna kha baal ca i khangh thawinak ah an khangh hna. Mah cucu keimah nih ka pekmi hna nawlbia a si lo; a chim zong ka chim bal lo, ka lunglai zongah a chuak bal lo.

JEREMIAH 19:5 Խաչաձեւ Հղումներ

JEREMIAH 32:35

Benhinnom Nelrawn ah Baal caah hmunthiang an ser hna i khika ah Molek sinah an fanu hna le an fapa hna kha an pek hna. Hi thil fihnung tuah awk hi le sualnak chungah Judah luhpi hi keimah sinin a chuakmi nawlbia a si lo i ka lunglai ah a chuak balmi zong a si lo.

DEUTERONOMI 12:31

Cu bantuk cun Bawipa nan Pathian cungah nan tuah lai lo; zeitintiah Bawipa nih a huatmi thil fihnung vialte cu an pathian hna cungah khan an tuah; zeitintiah an fapale hna le an fanule hna hmanh kha an pathian hna biaknak caah mei chungah an khangh hna.

LEVITIKAS 18:21

Molek sin i mei in chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si.

2 SIANGPAHRANG 17:17

Cun annih nih an fapale le an fanule hna cu thawinak caah an khangh hna i litin mangih le eih kha an hman, Bawipa mithmuh i thil ṭhalo tuah awkah khan an i zuar i a thin kha an phawh.

DANIEL 2:29

Maw siangpahrang, na ihkhun cung i na ih lioah hmailei thil kong kha na manh i biathli a phuang khotu Pathian nih zeidah a um dingmi thil cu an si kha an hmuhsak.

EZEKIEL 38:10

Hihi Bawipa Pathian bia cu a si: Khi caan ah cun ruahnak pakhat na lu chungah a lut lai i ṭhat lonak khua na khan lai.

EZEKIEL 20:26

Anmah le anmah kha siasal sin i laksawng an pekchanhnak thawngin ka thurhhnawmhter hna; an tuksa a purh khawh hna nakhnga, an siasal hna sinah khan an fapa upa bik hna kha ka pekter ko hna. Mah hihi ka tuahnak chan cu Bawipa ka si kha an hngalh nakhnga caah a si.

2 CHANRELNAK 28:3

Hinnom fapa nelrawn ah khan zihmui a khangh i Bawipa nih Israel mi hna hmai in a dawimi miphun hna nih fihnung phunglam an tuahmi hna ning khan a fapale hna cu raithawinak ah a khangh hna.

NAMBAR 22:41

Cun a thaizing ah Balak nih Balaam cu Bamoth-baal ah a hun kalpi i cuka cun a naih bik i a ummi hna cu a hmuh hna.

2 SIANGPAHRANG 21:6

Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. Bawipa mithmuh ah ṭhat lonak tampi a tuah i a thin a hunter.