JEREMIAH 18:8 - Lai (Hakha) Common Language Bible 2006

⁸ sihmanhsehlaw cu ka tlerhmi miphun nih cun a ṭhat lonak kha a mertak ahcun a cung i thil ṭhalo ka tuah lai ka timi kha a ṭhat deuhnak in ka ruah ṭhan lai.

JEREMIAH 18:8 Խաչաձեւ Հղումներ

EZEKIEL 18:21

“Cun miṭhalopa nih a ṭhat lonak vialte kha a hlawt hna hnga i ka nawlbia vialte kha a tuah hna hnga i a dingmi le a hmaanmi thil kha a tuah ko hna hnga. Cu pa cu a nung lai; a thi lai lo.

JEREMIAH 26:13

Nannih nan lam le nan tuahnak kha nan i remh i Bawipa nan Pathian kha a nawl nan ngaih ahcun, a lung aa let lai i, nan cungah ka tlunter lai ti in an hro hnanak ṭhat lonak kha a lak ṭhan lai.

HOSEA 11:8

Zeitindah kan hlawt khawh lai, Efraim? Zeitindah kan thlah khawh lai, Israel? Admah ka rak hrawh bantuk khan kan hrawh lai maw? Zeboiim cung i ka rak tuah bantuk khan na cungah ka tuah lai maw? Ka tuah kho lai lo, ka chungah ka lung cu aa thleng cang i ka ngaihchiatnak cu a alh in a alh cang.

JEREMIAH 26:3

Annih nih an hei ngaih phum in an lam ṭha lo cio khan an hei i mer phum ko hmanh hnga maw. Cu ti a si ahcun ṭhat lonak an tuah ruang i an cung i ṭhat lonak tuah ka timhmi kha kaa let ko hnga.

BIACEIHTU 2:18

Bawipa nih an caah biaceihtu a chuahter fate, Bawipa cu biaceihtu sinah cun a um i biaceihtu nih cun amah chan chung vialte cu an ral hna kut chungin a khamh hna; zeicahtiah annih kha a hremtu hna le vansang au in a tuahtu hna ruang i an hrum-ainak nih khan Bawipa cu an cungah vel a ngeihter.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

SALM 135:14

Bawipa nih a mi cu a zaangfah hna lai, a sal cu a luatter hna lai.

SALM 90:13

Bawipa, zei can dah kan cungah lung ṭhul loin na um lai? Na sal hna kan cungah hin zaangfahnak ngei ko.

2 CHANRELNAK 12:6

Cun Israel bawi hna le siangpahrang nih cun an lung an ṭhumh i, “Bawipa cu a ding,” tiah an ti.

DEUTERONOMI 32:36

Zeitintiah, an ṭhawnnak kha a loh cang i Khihmi siseh, a luatmi siseh, Pakhat hmanh an tang ti lo ti kha Bawipa nih a hmuh tikah, A mi cu thiam a coter hna lai i A sal hna cungah zaangfahnak a ngei lai.

EXODUS 32:12

Zeicahdah Izipt mi nih khan, ‘A chuahpi hna kha tinhmi ṭhalo ngei in pei a si hrim kha, tlang cung i va thah hna awk le an dihlak in hloh cikcek duh ah pei a chuahpi ko hna cu,’ ti khawhnak an ngeih lai? A alh in a alhmi na thinhunnak cu i sum ko law na lung cu thleng law hi rawhnak cu na mi hna cungah cun tlunter sawh hlah.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

EZEKIEL 33:13

Miding mi cu na nunnak khamh a si lai, ka ti tikah ka din ruangah a si, tiin aa ruah sual ko hnga i palhnak kha a tuah ko hnga, cu tikah cun dinnak a rak tuahmi vialte kha pakhat hmanh hngalhpiak a si lai lo; ṭhat lonak a tuahmi ruangah cun a thi ko lai.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

JEREMIAH 42:10

Hi ram chungah hin nan um ko ahcun kan tunmer hna lai i kan ṭhetṭhiam hna lai lo, kan phun hna lai i kan phawi hna lai lo, zeicahtiah nan cung i ṭhat lonak ka tuahmi kha kaa ngaichih.

JEREMIAH 36:3

Judah mi hna nih hin an cung i ṭhat lonak tlunter ka timhmi hi an theih tikah an zulhmi lam ṭhalo hi an hei hlawt cio sual ko hmanh hnga maw; cu ti an tuah ahcun an ṭhat lonak le an sualnak cu ka ngaihthiam ko hna hnga,” a ti.

JEREMIAH 26:19

Judah siangpahrang Hezekiah le Judah mi vialte nih amah cu an thah maw? Siangpahrang nih khan Bawipa cu a ṭih i zaangfahnak a hal lo maw? Cu tikah Bawipa nih cun a lung a thlen i an cungah ka tlunter lai tiin a hro hnanak rawhralnak kha a let ṭhan. Asinain, kannih cu kan cungah ṭhat lonak nganpi kan i tlunter hnik,” tiah an ti.

JEREMIAH 15:6

Nang nih cun na ka hlawt cang i hnulei na ka chit cang, tiah Bawipa nih a ti; Cucaah nangmah cu ka kut kan samhhnawh i kan hrawh ko, I dinhdorh lengmang hi ka ing kho ti lo.

JEREMIAH 12:16

Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘Bawipa a nun bangin,’ ti in chiat an ser ve ahcun, ka mi hna lakah telh chihmi innchungkhar an si ve lai.

EZEKIEL 33:14

Cun miṭhalo mi cu a cungah thihnak bia ka hei ceih ko hnga, sihmanhsehlaw anih nih a ziaza kha aa remh hnga i a ding le a ṭha kha a tuah ko hnga:

EXODUS 32:14

Cucaah Bawipa cu a lung aa thleng i ka tlunter lai a timi thil ṭhalo kha Israel mi cungah cun a tlunter ṭhan lo.

EZEKIEL 33:12

Mipa, na mi cu chim hna law, hi bangin ti hna: Miding mi cu a palh tikah a dinnak nih khan a khamh lai lo, miṭhalo mi nih a ziaza kha a ṭhinh ahcun a ṭhat lonak nih khan sual a phaw lai lo. Miding mi cu a sual tikah a dinnak vialte nih a nunnak kha an khamh kho lo.

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.