JEREMIAH 18:15 - Lai (Hakha) Common Language Bible 2006

¹⁵ Reu hlah, sihmanhsehlaw ka mi hna nih cun an ka philh; Annih nih siasal menmen hna sinah khan raithawinak an khangh, Annih nih an zulh awk hnga lam a simi ah khan an ril i hlan lam kha an zul ti hna lo; Lam hleng le ser lomi lam tu ah khan an i mer.

JEREMIAH 18:15 Խաչաձեւ Հղումներ

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

HOSEA 11:2

Sihmanhsehlaw ka kawh deuh hna paoh ah an ka hlat chin lengmang Baal sinah khan raithawinak an tuah i serchom siasal sinah khan rimhmui kha an khangh.

JEREMIAH 2:32

Ngaknu nih a hlawn kha a philh khawh lai maw? Mo nih a thuam kha a philh khawh lai maw? Sihmanhsehlaw ka mi hna nih cun atu le atu an ka philh.

ISAIAH 57:14

Bawipa nih, “Ka mi cu ka sinah kirter hna u. An lam i dawntu a ummi vialte kha ṭhial dih hna u. Lam kha co u law sersiam u.

MALAKHI 2:8

Sihmanhsehlaw nannih nih cun cu lam cu nan pialtak i mi tampi kha nan cawnpiaknak thawngin nan rilhter hna, Levi mi sin i biakamnak ka rak sermi kha pakpalawng ah nan ser, tiah Ralkapbu Bawipa nih a ti.

JEREMIAH 2:13

Zeicahtiah ka mi hna nih hin ṭhat lonak pahnih an tuah: Ti nung a chuahnak cerh keimah cu an ka hlawt i Tikuang, a chungah ti a zawi kho lomi, a zutmi tikuang kha an i ser.

JEREMIAH 17:13

Maw Bawipa, nangmah cu Israel mi nih an i hngatchanmi na si, Nangmah an hlawtu vialte cu ningzahnak an phan lai; Bawipa, nangmah cu nunnak cerhti na si i Nangmah an hlawmi vialte cu leidip lak i min ṭialmi bangin an lo lai.

JEREMIAH 10:15

Zeihmanh an ngei lo, nihchuak men an si, An biaceih ni a phak tik i a rawk menmi an si.

ISAIAH 41:29

Hi pathian hna hi pakpalawng an si, an tuah khawhmi zeihmanh a um lo — hi siasal pathian hna hi thazang zeihmanh a ngei lomi, zei thil hmanh a tuah kho lomi an si.

MATTHAI 15:6

a nu siseh, a pa siseh, a bawmh hna a herh ti lo, nan ti. Hihi Pathian bia zei i nan rel lo ning le nanmah cawnpiakning lawng zulh nan duhning cu a si.

HOSEA 2:13

Baal sin i raithawinak a khangh ni, a ni thiang hna, Hnatonh aa tonh i ṭhi aa oih i a duhtu hna a dawi hna i keimah a ka philh ni hna ruangah khan dan ka tat lai, tiah Bawipa hrimhrim nih a ti.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

JEREMIAH 13:25

Nannih nih keimah kha nan ka hlawt i pathian deu kha nan i bochan hna caah Mah hihi nan covo, ral thawh hmangmi hna covo, Keimah nih kan tahpiakmi hna cu a si, tiah Bawipa nih a ti.

JEREMIAH 3:21

Tlangpar kawng i ṭah thawng cu ngai hmanh. Israel mi hna nih zaangfah hal in an aunak aw cu! Zeicahdah hitin a si ti ahcun, annih nih lam kawi kha an zul i Bawipa an Pathian kha an philh caah a si.

ROM 14:21

Cucaah sa ei i sum tehna, zu din i sum tehna, nan unau a tlukrilhtertu a si ding paohpaoh tuah i sum tehna kha ahmaanmi thil a si.

JEREMIAH 44:25

Hi bangin Ralkapbu Bawipa, Israel Pathian nih a ti: Nu hna, nan bia le nan tuahnak kha nan zulhter. ‘Kan i kammi, Vancung Khuazingnu sin i raithawinak khangh le a sin i thlet thawinak pekchanh cu kan tlinter lai,’ nan ti. Si ko seh, nan biahrennak cu tlinter u law nan biakamnak cu tuah taktak hna u.

JEREMIAH 19:5

Baal caah khan hmunthiang an ser hna i cuka ah cun an fapale hna kha baal ca i khangh thawinak ah an khangh hna. Mah cucu keimah nih ka pekmi hna nawlbia a si lo; a chim zong ka chim bal lo, ka lunglai zongah a chuak bal lo.

ISAIAH 62:10

Jerusalem khuami hna, i thawh u law nan mi a ra kir liomi hna caah lam va ser u. Lam nganpi pakhat in va ser u law lung vialte kha hlonh dih hna u.

ISAIAH 9:16

Hi mi hna hi a hruaitu hna nih a ping ah an hruai hna i zeiti um awk hngal loin an tuah hna.

ISAIAH 3:12

Tangka cawihtu pawl nih ka mi kha an hrem hna i thil cawihtu pawl nih an hlen hna. Ka mi hna, nan hruaitu pawl nih a pingah an in kalpi hna caah khuazei lei kal awk nan hngal lo.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

ISAIAH 65:7

an pupa sualnak ruangah khan teirul ka cham hna lai. Lawkih hmunthiang ah khan zihmui an khangh i ka min kha an ka thangchiat. Cucaah hmuh awkah an i tlak bantukin dan ka tat hna lai.”

JEREMIAH 7:9

Nannih nih nan fir, lai nan nawng, va cung in pa nan i duh i lih in tehte nan cang, Baal sinah raithawinak nan khangh, nan hngalh lomi pathian kha nan dawi hna.

JEREMIAH 18:14

Lebanon tlang par lungpang lakah khan hawhra nih tlak a ngol lai maw? A tlangpang i a luangmi tiva hna cu an reu ko hnga maw?

JEREMIAH 51:18

Annih cu zeihmanh man an ngei lo, nihchuak men a si, An biaceih ni a phak tik i a rawk men ding an si.

EZEKIEL 21:15

An lungre a theih nakhnga le mi tampi an rilh i an tluk nakhnga, Nimtlau bantukin a tleu i mi thahnak ding caah phawimi nam cu an kutka ah ka chiah dih hna.

EZEKIEL 36:15

Miphun dang nih an in nihsawhnak kha kan theihter ti lai lo i miphun dang hna nih an in serhsatnak zong kha na ing ti lai lo. Hihi Bawipa Pathian bia hrimhrim a si.

HOSEA 2:6

Cucaah a lam cu hlingbur in ka kham hna lai i dai kha ka chon hna lai, Cuticun a zulh tawnmi a lam kha zul kho loin ka tuah lai.

DEUTERONOMI 32:21

Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.

NEHEMIAH 9:17

annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

JEREMIAH 1:16

Keimah kha an ka hlawt i pathian dang hna sinah zihmui an khangh i anmah kut lila in sermi an biaknak ṭhat lonak vialte ruangah an cungah ka biakhiahnak cu ka chim lai.

JEREMIAH 11:12

Judah ram khua chung mi hna le Jerusalem khuami hna nih raithawinak an pekchanhmi pathian hna sinah khan an kal lai i an auh hna lai, sihmanhsehlaw an harnak caan ah khan an rak khamh kho hna lai lo.

JEREMIAH 11:13

Zeicahtiah, maw Judah na pathian cu na khua zat an si; cun Baal sin i raithawinak khanghnak ding caah na sermi biakṭheng hna cu Jerusalem khua chung lam zat an si.

JEREMIAH 11:17

Nanmah an phuntu hna Ralkapbu Bawipa nih, nan cungah ṭhat lonak ka tlunter lai, tiin Baal sin i raithawinak nan khangh i ka thin nan ka phawh tikah khan kan hro hna; sihmanhsehlaw zeicahdah nan cungah harnak kha a tlun ti ahcun, nanmah nih ṭhat lonak nan tuahmi thawngin a si, a ti,” tiah a ti.