JEREMIAH 17:18 - Lai (Hakha) Common Language Bible 2006

¹⁸ A ka hremtu kha ningzahnak phakter ko hna, sihmanhsehlaw kei cu ka luatter ko, Annih cu therphang in umter ko hna, sihmanhsehlaw kei cu ka thin ka phanter hlah. An cungah rawhralnak ni kha tlunter law hrawk cikcek ko hna, a ti.

JEREMIAH 17:18 Խաչաձեւ Հղումներ

SALM 35:4

Thah a ka zalmi kha sung hna seh law ningzahnak phan hna seh. Keimah thah awkah khua a khangmi hna kha an khuakhanmi cu pakpalawng ah cang seh law

JEREMIAH 20:11

Sihmanhsehlaw Bawipa cu keimah leiah a ṭang i ṭhawng ngai le zaangfahnak ngei in a um, Cucaah a ka hremtu hna cu an ril lai i zeihmanh tuah kho loin an tlu lai. An tuah duhmi kha an tlinter khawh lo tikah An ningzahnak cu a fak ngaingai lai, An minchiatnak cu zeitikhmanh ah philh a si ti lai lo.

JEREMIAH 11:20

Maw Ralkapbu Bawipa, ding tein bia a ceih i Minung lungchung le ruahnak a hneksak dihtu, Ka cung bia hi nangmah kan pek, Phu na hlam hnanak cu ka hmuhter ko.

SALM 40:14

Thah a ka zalmi kha sung cikcek hna seh law i tuai dih hna seh. Harnak ka inmi ruangah aa lawmmi cu an hnulei ah i let hna seh law ningzak in um hna seh.

SALM 35:8

Asinain anmah nih an hngalh hlanah rawhnak nih a phanh hna lai i anmah chiahmi rap ah khan an i foih lai, anmah cawhmi khor ah khan an tla lai.

BIAPHUAN 18:6

Amah nih a rak in tuah hna bantukte khan amah cu tuah ṭhan ve u; a let hnih in cham u, Nanmah din awkah a rak tuahmi a let hnih ṭhawng khan, Amah din awk cu a hrai chungah khan serpiak u.

JEREMIAH 17:16

Sihmanhsehlaw Maw Bawipa, an cungah ṭhat lonak tlunter kha kan fial bal lo i An ca i harnak caan tlun kha ka duhmi a si bal lo. Nangmah nih ka ka in a chuakmi bia vialte cu na hngalh dih, Ka chimmi bia vialte cu na hnatlakmi an si ko.

JEREMIAH 16:18

Annih nih ka ram cu fih a nungmi an siasal hna ruak in an khahter i ka ro cu an thil fihnung in an khahter caah an sualnak le an ṭhat lonak cu a let hnih in ka chamter hna lai,” tiah Bawipa nih a ti.

SALM 71:1

Maw Bawipa, nangmah cu kaa dornak hmun na si, zeitikhmanh ah ningzahnak ka phakter hlah!

SALM 70:2

Thah a ka zalmi kha sung hna seh law i tuai dih hna seh. Harnak ka inmi ruangah aa lawmmi cu an hnulei ah i let hna seh law ningzak in um hna seh.

JOB 16:14

A ka khuai a ka hmal chin lengmang ko; A thin a hun tuk i a molh in a molh cangmi ralkap bantukin a ka zuanhnawh.

JEREMIAH 14:17

Cucaah annih na chimh ding hna bia cu mah hihi a si: Chun zan in ka mitthli cu hul loin luang camcin ko seh, Zeicahtiah ka mi hna ngaknu thiang cu kuai cikcek in den a si i fak piin hma a ing.

JEREMIAH 1:17

Sihmanhsehlaw nang cu na lung ṭhawng ko, tho law nawl kan pekmi vialte kha chim hna. Annih ruangah na lung dong hlah, atu i na lung a dongh ahcun an hmaika i na um tikah na lung kaan donghter chinchin sual lai.

JEREMIAH 12:3

Sihmanhsehlaw maw Bawipa, nangmah nih na ka hngalh i ka tuahmi cu na hmuh ko, Zeitluk in dah kan dawt kha nangmah nih fiang tein na hngalh ko. Hi mi ṭhalo hna hi, thah awkah kalpimi tuu hna bantukin kalpi hna law Thah ni caah a dang in chia ko hna.

JEREMIAH 17:13

Maw Bawipa, nangmah cu Israel mi nih an i hngatchanmi na si, Nangmah an hlawtu vialte cu ningzahnak an phan lai; Bawipa, nangmah cu nunnak cerhti na si i Nangmah an hlawmi vialte cu leidip lak i min ṭialmi bangin an lo lai.

JEREMIAH 17:19

Bawipa nih a ka thawh i, “Va kal law, Judah siangpahrang hna an luh an chuahnak Benjamin Kutka ah khan le Jerusalem i kutka dang vialte hna ah khan va dir tuah.

DEUTERONOMI 33:11

Maw Bawipa, a chawva kha thluachuah pe law, A kut rianṭuanmi kha cohlanpiak ko; A ral hna tawkawng cu khiak tuah, A huatu hna tawkawng cu, an thawh ṭhan ti nakhnga lo, khiak tuah,” tiah a ti.