JEREMIAH 17:12 - Lai (Hakha) Common Language Bible 2006

¹² Kan Biakinn cu sunparnak bawiṭhutdan bantuk a si. A hramthawk in tlangsang cungah a dirmi bantuk kha a si.

JEREMIAH 17:12 Խաչաձեւ Հղումներ

SALM 96:6

Sunparnak le rumra cu a velchum ah an um i lianhngannak le dawhnak cu a biakinn chungah an um.

EZEKIEL 43:7

A ka thawh i, “Mipa, ka bawiṭhutdan umnak hmun, ka ke chiahnak hmun, Israel mi sinah zungzal in ka umnak ding hmun khi na hmu maw? Annih nih siseh, an siangpahrang nih si hna seh, ka sinah zumhawktlak loin an umnak le an thih tikah an siangpahrang hna ruak in ka min thiang cu an thurhhnawmh ti lai lo.

JEREMIAH 3:17

Khi caan a phak tikah Jerusalem cu Bawipa bawiṭhutdan ti a si lai, Miphun vialte cu Jerusalem ah cun Bawipa min upat awkah an i pum lai; Annih nih a ṭha lomi an lungthin kha fek ṭhup in an zul ti lai lo.

EZEKIEL 1:26

Cun an lu cung i a ummi cungkhuh cungah cun bawiṭhutdan bantuk, safaiar lungvar, bawiṭhutdan a lomi kha a um i cu cungah cun minung pumruang a lomi pakhat a ṭhu.

JEREMIAH 14:21

Na min a umnak kha zeirello in um hlah law A sungmi na bawiṭhutdan cung zongah nihsawhnak phakter hlah. Kan sin i na biakam cu philh hlah law pakpalawng ah ser sawh hlah.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 4:16

Cucaah cun ralṭhat in hmaiah fong u sih law, vel a umnak Pathian bawiṭhutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.

ISAIAH 6:1

Siangpahrang Uzziah a thih kum ah khan Bawipa cu ka hmuh. A sang i aa hlorhmi a bawiṭhutdan cungah khan a ṭhu i a puan cu biakinn kha a khat.

MATTHAI 25:31

“Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

SALM 103:19

Bawipa nih a bawiṭhutdan cu vancung ah khin a hun; zeizong vialte cungah siangpahrang a si.